1 да Тыматэя 4 раздзел — Біблія — Большая частка Новага Запавета ў перакладзе П. Татарыновіча

¹ Дух-жа выразна кажа, што ў апошніх часах некаторые адступяць ад веры, а прыстануць да духаў блуду й дэманаўскіх навук,

² аблыжна ілжывых, запеклых у сумленьні сваім,

³ што забараняюць жаніцца, ужываць да яды тое, што Божа стварыў да спажываньня з падзякай вернікамі, пазнаўшымі праўду:

⁴ усё бо створанае Богам ёсьць добрае і ня трэба ні чым, з падзякаю спажываным, ганьбаваць,

⁵ бо-ж усьвячваецца словам Божым і малітваю.

⁶ Талкуючы гэта братом, будзеш добрым слугою Езуса Хрыстуса, сычаным словамі веры і добрае навукі, за каторай ты заўсёды йшоў.

⁷ А недарэчных і бабскіх казак цурайся, накладай сябе да пабожнасьці;

⁸ бо цялесныя муштры мала карысныя, а пабожнасьць да ўсяго прыдатная, маючы заруку цяперашняга і будучага жыцьця.

⁹ Гэта праўда неаспрэчная і верыгодная.

¹⁰ Для яе мы й працуем ды церпім зьнявагі, што маем спадзеву на Бога Жывога, Збавіцеля ўсіх людзей, а, перадусім, верных.

¹¹ Гэта прыказвай, гэтага навучай.

¹² Ніхто хай маладосьці твае не зьняхайвае, але будзь наўзорам для верных у мове й паступках, У любасьці, у Духу, у веры ды чыстасьці.

¹³ Пакуль прыйду, пільнуй чытаньня, напаміну, павучаньня.

¹⁴ Не абняхайвай данай табе запаветна ласкі з узлажэньнем рук сьвятарскіх.

¹⁵ На гэта зважай і ў гэтым трывай, каб пасьпяховасьць твая была ўсім відавочна.

¹⁶ Пільнуй сябе ды навукі вытрывала. Гэтак і сябе збавіш, і тых, што цябе слухаюць.

Зноскі:

3 Хвальшывые сусьціжнікі з духам (гностыкі) ў матарыяльнай прыродзе і ў людзкой плоці дабачвалі першавытокі зла і ўзводзілі бязжэнства ў закон, разрожнівалі еміну, страву, паганячую ад непаганячай чалавека.

7 Гностыкі ўасаблялі духовыя істасьці ды ўяўлялі сабе суадносіны між імі байковых пераказах, падобных да паганскіх нясінеціц аб долі ды дзеях багоў іхніх.

8 Пабожнасьць, богабоезь добра настройвае і ажыўляе чалавека, бо ўжбуджае надзею зямных і вечных даброт.

14 Апостал гаворыць аб ласцы, атрымоўванай пад час кансакрацыі біскупа. А кансэкраваў яго сам Апостал; у гэтым абрадзе ўдзейнічаюць такжа і сьвятары, ускладаючые рукі, хоць ня ў ролі самых кансэкратараў (2Тым. 1:6). Аб запавеснасьці ласкі адмысловай спамінаецца вышэй (1:18).

Знайшлі памылку ў тэксце? Вылучыце яе і націсніце: Ctrl + Enter

Сябры, вельмі патрэбныя наступныя папяровыя выданні:

Сьвятая Бібля ў перакладзе Янкі Станкевіча 1973 (і Новы Закон 1970).
Эвангельле Мацьвея, Марка, Лукі, Іоана — 1926−1930, Лодзь.
Евангелля і Дзеі ў перакладах Гадлеўскага і Татарыновіча.
Генезіс і Кніга Эклезіяста, або Прапаведніка ў перакладзе Яна Пятроўскага, 1984, 1987.

Калі вы імі валодаеце і можаце прадаць, патэлефануеце па тэлефоне +375296422269, ці напішыце — bible-man@mail.ru.

Калі вы чытаеце на беларускай мове, паспрабуйце новы праект — biblia.by:

Першы ліст св.Паўла да Тыматэя, 4 раздзел. Пераклад П. Татарыновіча.

Звярніце ўвагу. Нумары вершаў — гэта спасылкі, якія вядуць на раздзел з параўнаннем перакладаў, паралельнымі спасылкамі, тэкстамі з нумарамі Стронг. Паспрабуйце, магчыма, вы будзеце прыемна здзіўлены.

1 да Тыматэя 4 1 да Тыматэя 4 раздзел

Зноскі:

1 да Тыматэя 4 раздзел в переводах:

1 да Тыматэя 4 раздзел, комментарии: