3 Іаана 1 глава

Трэці ліст Іаана
Пераклад Анатоля Клышкi → Комментарии Жана Кальвина

Пераклад Анатоля Клышкi

1 Старэйшына — улюбёнаму Гаію, якога я люблю ў праўдзе.
2 Улюбёны, малюся, каб ты ва ўсім меў вялікі поспех і быў здаровы, як мае вялікі поспех твая душа.
3 Бо я вельмі ўзрадаваўся, калі прыходзілі браты і сведчылі аб тваёй праўдзе, як ты і жывеш у праўдзе.
4 Для мяне няма большай радасці, як чуць, што мае дзеці жывуць у праўдзе.
5 Улюбёны, ты верна дзейнічаеш у тым, што ты робіш для братоў і да таго чужаземных,
6 якія засведчылі пра тваю любоў перад царквою; і ты добра зробіш, калі правядзеш іх, як належыць, дзеля Бога;
7 бо яны дзеля [Яго] Імя выйшлі, нічога не ўзяўшы ад язычнікаў.
8 Так што мы павінны падтрымліваць такіх, каб нам зрабіцца супрацоўнікамі праўды.
9 Я сёе-тое напісаў царкве; але Дыятрэф, які любіць першынстваваць у іх, не прымае нас.
10 Таму, калі я прыйду, то нагадаю пра яго ўчынкі, якія ён вытварае, плявузгаючы на нас ліхімі словамі; і, не задавальняючыся гэтым, ён і сам не прымае братоў, і забараняе тым, хто хоча прыняць, і выганяе з царквы.
11 Улюбёны, пераймай не ліхое, а добрае. Хто творыць дабро, той — ад Бога; хто творыць ліха, той не бачыў Бога.
12 Пра Дзімітрыя засведчана ўсімі, і самою праўдай; і мы таксама сведчым, і ты ведаеш1, што наша сведчанне праўдзівае.
13 Шмат я меў напісаць табе, але не хачу пісаць табе чарнілам і пяром;
14 а спадзяюся хутка ўбачыць цябе, і мы пагаворым з вуснаў у вусны.
15 Мір табе. Вітаюць цябе сябры. Прывітай сяброў пайменна. [Амін].

Примечания:

 
Пераклад Анатоля Клышкi
12 1: У некат. рукап.: вы ведаеце.
 
 


2007–2024. Зроблена з любоўю для тых, што любяць і шукаюць Бога. Калі ў вас ёсць пытанні ці пажаданні, то пішыце нам: bible-man@mail.ru.