Да Калосцаў 1 глава

Ліст да Калосцаў
Пераклад Чарняўскага 2017 → Комментарии Скоуфилда

Пераклад Чарняўскага 2017

1 Паўла, з волі Божай Апостал Ісуса Хрыста, і Цімафей, брат,
2 тым святым і веруючым братам у Хрысце, што ў Калосах: ласка вам і супакой ад Бога, Айца нашага, і Госпада Ісуса Хрыста.
3 Дзякуем Богу Айцу Госпада нашага Ісуса Хрыста, заўсёды молячыся за вас
4 і чуючы пра веру вашу ў Хрыста Ісуса і пра любоў, якую маеце да ўсіх святых,
5 дзеля надзеі, якая прыгатавана для вас у небе, аб якой чулі вы раней у слове праўды Евангелля,
6 якая дайшла да вас, як і па ўсім свеце разышлася, і дае плады, і расце, як і ў вас ад таго дня, у які вы пачулі ды пазналі ласку Божую ў праўдзе,
7 як вы і навучыліся ад Эпафраса, супрацоўніка нашага найдаражэйшага, вернага для вас паслугача Хрыста,
8 які таксама паведаміў нам пра вашу любоў у Духу.
9 Таму і мы ад таго дня, у які гэта пачулі, не перастаём за вас маліцца і прасіць, каб вы напоўніліся пазнаннем волі Яго ва ўсякай мудрасці і духоўным разуменні
10 і каб жылі вы дастойна Госпада, ва ўсім падабаючыся Яму, прыносячы плод у кожным добрым дзеянні і ўзрастаючы ў пазнанні Бога,
11 дужэючы ўсякай сілаю паводле магутнасці славы Яго ва ўсякай цярплівасці і велікадушнасці, з радасцю,
12 дзякуючы Айцу, Які ўчыніў нас дастойнымі ўдзельнічаць у лёсе святых у свеце,
13 Які вырваў нас з улады цемры і перанёс у Валадарства Сына ўлюбёнага Свайго,
14 у Якім атрымалі мы адкупленне праз кроў Яго і дараванне грахоў,
15 Які ёсць вобраз нябачнага Бога, Першынец усяго стварэння,
16 бо Ім заснавана ўсё, што ёсць у небе і на зямлі, бачнае і нябачнае, ці то троны, ці то валадарствы, ці начальствы, ці ўлады. Усё праз Яго і для Яго створана,
17 і Ён ёсць перад усім, і ўсё ў Ім заключаецца.
18 І Ён — Галава цела Царквы; Ён — Пачатак, Першынец з мёртвых, каб ва ўсім Ён трымаў першынство,
19 бо спадабалася, каб у Ім прабывала ўсякая паўната,
20 каб праз Яго ўсё пагадзіць з Сабою, ці што на зямлі, ці што ў нябёсах ёсць, робячы супакой Крывёю крыжа Яго.
21 І вас, што былі калісьці чужымі і ворагамі праз схільнасць да ліхіх учынкаў,
22 цяпер пагадзіў у целе смерцю цела Свайго, каб паставіць вас перад Сабою святымі, беззаганнымі і бездакорнымі,
23 калі толькі застанецеся моцнымі верай, стойкімі і непарушнымі ў надзеі Евангелля, якое вы чулі, якое абвяшчаецца ўсяму стварэнню, якое пад небам, якога я, Паўла, стаўся паслугачом.
24 Цяпер радуюся я з цярпенняў маіх за вас і дапаўняю тое, чаго нестае з пакут Хрыстовых, у сваім целе за Цела Яго, якім ёсць Царква,
25 якой я стаўся слугой за пастановай Божай, дадзенай мне адносна вас, каб я споўніў слова Божае,
26 таямніцу, схаваную ад вякоў і пакаленняў, а цяпер выяўленую Яго святым,
27 якім захацеў Бог выявіць, якое багацце славы гэтай таямніцы сярод паганаў. Гэта ёсць Хрыстос у вас, надзея хвалы.
28 Яго абвяшчаем мы, выяўляючы кожнаму чалавеку ва ўсякай мудрасці, каб прадставіць кожнага чалавека дасканалым у Хрысце Ісусе.
29 Дзеля гэтага я і працую, змагаючыся пры Яго садзеянні, якім Ён ува мне дзейнічае магутна.

Комментарии Скоуфилда

22 Примирение. Соответствующее греческое слово означает «полностью изменить» — сделать из одного другое, и встречается в Рим 5:10; 11:15; 1Кор 7:11; 2Кор 5:18−20. Примирение предполагает, что Христос смертью Своей приносит Богу жертву умилостивления за человека (Рим 3:25, примеч.), а на верующего грешника смерть Христа воздействует в том плане, что дает в нем место Божественной силе, которая полностью изменяет его отношение к Богу: вместо вражды и отвращения, грешник питает теперь к Нему любовь и доверие. Бог умилостивлен, а грешник примирен с Ним. (Ср. 2Кор 5:18−21).



2007–2024. Зроблена з любоўю для тых, што любяць і шукаюць Бога. Калі ў вас ёсць пытанні ці пажаданні, то пішыце нам: bible-man@mail.ru.