Левит 10 глава

Левит, Пятикнижие Моисея
Синодальный перевод → Елизаветинская Библия

 
 

Надав и Авиуд, сыны Аароновы, взяли каждый свою кадильницу, и положили в них огня, и вложили в него курений, и принесли пред Господа огонь чуждый, которого Он не велел им;
 
И҆ взе́мше два̀ сы҄на а҆арѡ҄нѧ, нада́въ и҆ а҆вїѹ́дъ, кі́йждо свою̀ кади́лницѹ, вложи́ста въ нѧ̀ ѻ҆́гнь и҆ возложи́ста на́нь ѳѷмїа́мъ, и҆ принесо́ста пред̾ гд҇а ѻ҆́гнь чѹ́ждь, є҆гѡ́же не повелѣ̀ и҆́ма гд҇ь.

и вышел огонь от Господа, и сжёг их, и умерли они пред лицом Господним.
 
И҆ и҆зы́де ѻ҆́гнь ѿ гд҇а, и҆ поѧдѐ ѧ҆̀, и҆ ѹ҆мро́ста пред̾ гд҇емъ.

И сказал Моисей Аарону: вот о чём говорил Господь, когда сказал: в приближающихся ко Мне освящусь и пред всем народом прославлюсь. Аарон молчал.
 
И҆ речѐ мѡѷсе́й ко а҆арѡ́нѹ: сїѐ є҆́сть, є҆́же речѐ гд҇ь, гл҃ѧ: въ приближа́ющихсѧ мнѣ̀ ѡ҆сщ҃ѹ́сѧ и҆ во все́мъ со́нмѣ просла́влюсѧ. И҆ ѹ҆мили́сѧ а҆арѡ́нъ.

И позвал Моисей Мисаила и Елцафана, сынов Узиила, дяди Ааронова, и сказал им: пойдите, вынесите братьев ваших из святилища за стан.
 
И҆ призва̀ мѡѷсе́й мїсаи́ла и҆ є҆лїсафа́на, сы́ны ѻ҆зїи́лєвы, сы́ны бра́та ѻ҆тца̀ а҆арѡ́нѧ, и҆ речѐ и҆̀мъ: пристѹпи́те и҆ возми́те бра́тїй свои́хъ ѿ лица̀ ст҃ы́хъ внѣ̀ полка̀.

И пошли, и вынесли их в хитонах их за стан, как сказал Моисей.
 
И҆ пристѹпи́ша, и҆ взѧ́ша и҆̀хъ въ ри́захъ и҆́хъ, (и҆ и҆знесо́ша) внѣ̀ полка̀, ѩ҆́коже речѐ мѡѷсе́й.

Аарону же, и Елеазару, и Ифамару, сынам его, Моисей сказал: голов ваших не обнажайте и одежд ваших не раздирайте, чтобы вам не умереть и не навести гнева на всё общество; но братья ваши, весь дом Израилев, могут плакать о сожжённых, которых сожёг Господь,
 
И҆ речѐ мѡѷсе́й ко а҆арѡ́нѹ и҆ є҆леаза́рѹ и҆ ї҆ѳама́рѹ, сынѡ́мъ є҆гѡ̀ ѡ҆ста́вшымсѧ: гла́въ ва́шихъ не ѿкрыва́йте и҆ ри́зъ ва́шихъ не раздира́йте, да не ѹ҆́мрете, и҆ на ве́сь со́нмъ бѹ́детъ гнѣ́въ: бра́тїѧ же ва́шѧ ве́сь до́мъ ї҆и҃левъ да пла́чѹтсѧ запале́нїѧ, и҆́мже запали́шасѧ ѿ гд҇а:

и из дверей скинии собрания не выходите, чтобы не умереть вам, ибо на вас елей помазания Господня. И сделали по слову Моисея.
 
и҆ и҆з̾ две́рїй ски́нїи свидѣ́нїѧ не и҆сходи́те, да не ѹ҆́мрете: є҆ле́й бо пома́занїѧ, и҆́же ѿ гд҇а, на ва́съ є҆́сть. И҆ сотвори́ша по словесѝ мѡѷсе́овѹ.

И сказал Господь Аарону, говоря:
 
И҆ речѐ гд҇ь ко а҆арѡ́нѹ, гл҃ѧ:

вина и крепких напитков не пей ты и сыны твои с тобою, когда входите в скинию собрания, чтобы не умереть. Это вечное постановление в роды ваши,
 
вїна̀ и҆ сїке́ра не пі́йте, ты̀ и҆ сы́нове твоѝ съ тобо́ю, є҆гда̀ вхо́дите въ ски́нїю свидѣ́нїѧ, и҆лѝ пристѹпа́ющымъ ва́мъ ко ѻ҆лтарю̀, да не ѹ҆́мрете: (и҆ бѹ́детъ сїѐ) зако́ннѡ вѣ́чнѡ въ ро́ды ва́шѧ:

чтобы вы могли отличать священное от несвященного и нечистое от чистого,
 
ѿлѹчи́ти междѹ̀ вещмѝ ст҃ы́ми и҆ междѹ̀ скверна́выми, и҆ междѹ̀ нечи́стыми и҆ междѹ̀ чи́стыми,

и научать сынов Израилевых всем уставам, которые изрёк им Господь через Моисея.
 
и҆ ѹ҆стро́ити сынѡ́мъ ї҆и҃лєвымъ всѧ҄ закѡ́ннаѧ, ѩ҆̀же гл҃а гд҇ь къ ни҄мъ рѹко́ю мѡѷсе́овою.

И сказал Моисей Аарону, и Елеазару, и Ифамару, оставшимся сынам его: возьмите приношение хлебное, оставшееся от жертв Господних, и ешьте его, пресное, у жертвенника, ибо это великая святыня;
 
И҆ речѐ мѡѷсе́й ко а҆арѡ́нѹ, и҆ є҆леаза́рѹ и҆ ї҆ѳама́рѹ, сынѡ́мъ є҆гѡ̀ ѡ҆ста́вшымсѧ: возми́те же́ртвѹ ѡ҆ста́вшѹюсѧ ѿ прино́сѡвъ гд҇нихъ и҆ ѩ҆ди́те ѡ҆прѣсно́ки ѹ҆ ѻ҆лтарѧ̀: ѩ҆́кѡ ст҃а҄ѧ ст҃ы́хъ сѹ́ть:

и ешьте его на святом месте, ибо это участок твой и участок сынов твоих из жертв Господних: так мне повелено от Господа;
 
и҆ ѩ҆ди́те ѧ҆̀ на мѣ́стѣ свѧ́тѣ: зако́нно бо тебѣ̀ є҆́сть, и҆ зако́нно сынѡ́мъ твои҄мъ сїѐ ѿ прино́сѡвъ гд҇нихъ: си́це бо мѝ заповѣ́да гд҇ь:

и грудь потрясания и плечо возношения ешьте на чистом месте, ты и сыновья твои и дочери твои с тобою, ибо это дано в участок тебе и в участок сынам твоим из мирных жертв сынов Израилевых;
 
и҆ грѹ҄ди ѹ҆ча́стїѧ и҆ ра́мо ѹ҆ча́стїѧ ѩ҆ди́те на мѣ́стѣ свѧ́тѣ ты̀ и҆ сы́нове твоѝ, и҆ до́мъ тво́й съ тобо́ю: зако́ннѡ бо тебѣ̀, и҆ зако́ннѡ сынѡ́мъ твои҄мъ даде́сѧ ѿ же́ртвъ спасе́нїи сынѡ́въ ї҆и҃левыхъ:

плечо возношения и грудь потрясания должны они приносить с жертвами тука, потрясая пред лицом Господним, и да будет это вечным участком тебе и сыновьям твоим с тобою, как повелел Господь.
 
ра́мо ѹ҆ча́стїѧ и҆ грѹ҄ди ѹ҆ча́стїѧ въ прино́сѣхъ тѹ́чныхъ да принесѹ́тъ, ѹ҆ча́стїе є҆́же приноси́ти пред̾ гд҇а: и҆ да бѹ́детъ тебѣ̀ и҆ сынѡ́мъ твои҄мъ и҆ дще́ремъ твои҄мъ съ тобо́ю зако́ннѡ вѣ́чнѡ, ѩ҆́коже повелѣ̀ гд҇ь мѡѷсе́ю.

И козла жертвы за грех искал Моисей — и вот он сожжён. И разгневался Моисей на Елеазара и Ифамара, оставшихся сынов Аароновых, и сказал:
 
И҆ козла̀, и҆́же грѣха̀ ра́ди, взыскѹ́ѧ взыска̀ мѡѷсе́й: и҆ се́й сожже́нъ бѧ́ше. И҆ разгнѣ́васѧ мѡѷсе́й на є҆леаза́ра и҆ ї҆ѳама́ра, сы́ны а҆арѡ҄ни ѡ҆ста́вльшыѧсѧ, глаго́лѧ:

почему вы не ели жертвы за грех на святом месте? ибо она святыня великая, и она дана вам, чтобы снимать грехи с общества и очищать их пред Господом;
 
почто̀ не снѣдо́сте на мѣ́стѣ свѧ́тѣ, є҆́же грѣха̀ ра́ди; ѩ҆́кѡ ст҃а҄ѧ ст҃ы́хъ сѹ́ть, сїѐ дадѐ ва́мъ ѩ҆́сти, да ѿи́мете грѣ́хъ со́нма и҆ помо́литесѧ ѡ҆ ни́хъ пред̾ гд҇емъ:

вот, кровь её не внесена внутрь святилища, а вы должны были есть её на святом месте, как повелено мне.
 
не внесе́сѧ бо ѿ кро́ве є҆гѡ̀ въ ст҃о́е: пред̾ лице́мъ внѹ́трь да ѩ҆́сте є҆̀ на мѣ́стѣ свѧ́тѣ, ѩ҆́коже повелѣ̀ мнѣ̀ гд҇ь.

Аарон сказал Моисею: вот, сегодня принесли они жертву свою за грех и всесожжение своё пред Господом, и это случилось со мною; если я сегодня съем жертву за грех, будет ли это угодно Господу?
 
И҆ речѐ а҆арѡ́нъ къ мѡѷсе́ю, глаго́лѧ: а҆́ще дне́сь принесо́ша ѩ҆̀же грѣха̀ ра́ди своегѡ̀ и҆ всесожже́нїѧ своегѡ̀ пред̾ гд҇а, и҆ слѹчи́шасѧ мнѣ̀ сицева҄ѧ, и҆ снѣ́мъ, ѩ҆̀же грѣха̀ ра́ди, дне́сь, є҆да̀ ѹ҆го́дно бѹ́детъ гд҇ѹ;

И услышал Моисей, и одобрил.
 
И҆ слы́ша мѡѷсе́й, и҆ ѹ҆го́дно є҆мѹ̀ бы́сть.



2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.