Библия › Codex 02 › ΕΦΕΣΙΟΥΣ

ΠΡΟΣ ΕΦΕΣΙΟΥΣ

παυλοϲ αποϲτολοϲ ι̅υ̅ χ̅υ̅ δια θεληματοϲ θ̅υ̅ τοιϲ αγιοιϲ παϲιν τοιϲ ουϲιν εν εφεϲω και πιϲτοιϲ εν χ̅ω̅ ι̅υ̅ χαριϲ υμιν και ειρηνη απο θ̅υ̅ π̅ρ̅ϲ̅ ημων και κ̅υ̅ ι̅υ̅ χ̅υ̅ ευλογητοϲ ο θ̅ϲ̅ και π̅η̅ρ̅ του κ̅υ̅ ημων ι̅υ̅ χ̅υ̅ ο ευλογηϲαϲ ημαϲ εν παϲη ευλογια π̅ν̅ι̅κ̅η̅ εν τοιϲ επουρανιοιϲ εν χ̅ω̅ καθωϲ εξελεξατο ημαϲ εν αυτω προ καταβοληϲ κοϲμου ειναι ημαϲ αγιουϲ και αμωμουϲ κατενωπιον αυτου εν αγαπη προοριϲαϲ ημαϲ ειϲ υιοθεϲιαν δια ι̅υ̅ χ̅υ̅ ειϲ αυτον κατα την ευδοκια̅ του θεληματοϲ αυτου ειϲ επαινον δοξηϲ τηϲ χαριτοϲ αυτου ηϲ εχαριτωϲεν ημαϲ εν τω ηγαπημενω εν ω εχομεν τη̅ απολυτρωϲιν δια του αιματοϲ αυτου την αφεϲιν των παραπτωματων κατα το πλουτοϲ τηϲ χρηϲτοτητοϲ αυτου ηϲ επεριϲϲευϲεν ειϲ ημαϲ εν παϲη ϲοφια και φρονηϲει γνωριϲαϲ ημιν το μυϲτηριον του θεληματοϲ αυτου {ειϲ το ειναι ημαϲ ειϲ επαινον τηϲ δοξηϲ} αυτου ην προεθετο εν αυτω κατα τη̅ οικονομιαν του πληρωματοϲ των καιρων ανακεφαλαιωϲαϲθε τα παντα εν τω χ̅ω̅ τα ε̅ τοιϲ ο̅υ̅ν̅ο̅ι̅ϲ̅ και τα επι τηϲ γηϲ εν αυτω εν ω και εκληθημε̅ προοριϲθεντεϲ κατα προθεϲιν του τα παντα ενεργουντοϲ κατα την βουλην του θεληματοϲ αυτου ειϲ το ειναι ημαϲ ειϲ επαινον τηϲ δοξηϲ αυτου τουϲ προηλπικοταϲ εν τω χ̅ω̅ εν ω και ημειϲ ακουϲαντεϲ τον λογον τηϲ αληθειαϲ το ευαγγελιον τηϲ ϲωτηριαϲ υμω̅ εν ω και πιϲτευϲαντεϲ εϲφραγιϲθητε τω π̅ν̅ι̅ τηϲ επαγγελιαϲ τω αγιω ο εϲτιν αρραβων τηϲ κληρονομιαϲ ημων ειϲ απολυτρωϲιν τηϲ περιποιηϲεωϲ ειϲ επαινον τηϲ δοξηϲ αυτου δια τουτο καγω ακουϲαϲ την καθ υμαϲ πιϲτιν εν τω κ̅ω̅ ι̅υ̅ και την ειϲ πανταϲ τουϲ αγιουϲ ου παυομαι ευχαριϲτων υπερ υμων μνιαν ποιουμενοϲ επι των προϲευχων μου ινα ο θ̅ϲ̅ του κ̅υ̅ ημων ι̅υ̅ χ̅υ̅ ο π̅η̅ρ̅ τηϲ δοξηϲ δωη υμιν π̅ν̅α̅ ϲοφιαϲ και αποκαλυψεωϲ εν επιγνωϲει αυτου πεφωτιϲμενουϲ τουϲ οφθαλμουϲ τηϲ καρδιαϲ υμων ειϲ το ειδεναι υμαϲ τιϲ εϲτιν η ελπιϲ τηϲ κληϲεωϲ αυτου τιϲ ο πλουτοϲ τηϲ δοξηϲ τηϲ κληρονομιαϲ αυτου εν τοιϲ αγιοιϲ και τι το υπερβαλλον μεγεθοϲ τηϲ δυναμεωϲ αυτου ειϲ ημαϲ τουϲ πιϲτευονταϲ κατα την ενεργειαν του κρατουϲ τηϲ ιϲχυοϲ αυτου ην ενηργηκεν εν τω χ̅ω̅ εγειραϲ αυτον εκ νεκρων και καθειϲαϲ αυτον {εν δεξια} αυτου εν τοιϲ επουρανιοιϲ υπερανω παϲηϲ αρχηϲ και εξουϲιαϲ και δυναμεωϲ και κυριοτητοϲ και παντοϲ ονοματοϲ ονομαζομενου ου μονον εν τω αιωνι τουτω αλλα και εν τω μελλοντι και παντα υπεταξεν υπο τουϲ ποδαϲ αυτου και αυτον εδωκεν κεφαλην υπερ παντα τη εκκληϲια ητιϲ εϲτιν το ϲωμα αυτου το πληρωμα του τα παντα εν παϲιν πληρουμενου

και υμαϲ ονταϲ νεκρουϲ τοιϲ παραπτωμαϲιν και ταιϲ αμαρτιαιϲ {αυτω̅} εν αιϲ ποτε περιεπατηϲατε κατα τον αιωνα του κοϲμου τουτου κατα τον αρχοντα τηϲ εξουϲιαϲ του αεροϲ του π̅ν̅ϲ̅ του νυν ενεργουντοϲ εν τοιϲ υιοιϲ τηϲ απιθειαϲ εν οιϲ και υμειϲ παντεϲ ανεϲτραφημε̅ ποτε εν ταιϲ επιθυμιαιϲ τηϲ ϲαρκοϲ ημων ποιουντεϲ τα θεληματα τηϲ ϲαρκοϲ και τω̅ διανοιων και ημεν φυϲει τεκνα οργηϲ ωϲ και οι λοιποι ο δε θ̅ϲ̅ πλουϲιοϲ ων εν ελεει δια την πολλην αγαπην αυτου ην ηγαπηϲεν ημαϲ και ονταϲ ημαϲ νεκρουϲ τοιϲ παραπτωμαϲιν ϲυνεζωοποιηϲεν τω χ̅ω̅ χαριτι εϲται ϲεϲωϲμενοι και ϲυνηγειρεν και ϲυνεκαθειϲεν εν τοιϲ επουρανιοιϲ εν χ̅ω̅ ι̅υ̅ ινα ενδιξηται εν τοιϲ αιωϲιν τοιϲ επερχομενοιϲ το υπερβαλλον πλουτοϲ τηϲ χαριτοϲ αυτου εν χρηϲτοτητι εφ ημαϲ εν χ̅ω̅ ι̅υ̅ τη γαρ χαριτι εϲτε ϲεϲωϲμενοι δια τηϲ πιϲτεωϲ και τουτο ουκ εξ υμων θ̅υ̅ το δωρον ουκ εξ εργων ινα μη τιϲ καυχηϲηται αυτου γαρ εϲμεν ποιημα κτιϲθεντεϲ εν χ̅ω̅ ι̅υ̅ επι εργοιϲ αγαθοιϲ οιϲ προητοιμαϲεν ο θ̅ϲ̅ ινα εν αυτοιϲ περιπατηϲωμεν διο μνημονευεται οτι ποτε υμειϲ τα εθνη εν ϲαρκι οι λεγομενοι ακροβυϲτια υπο τηϲ λεγομενηϲ περιτομηϲ εν ϲαρκι χειροποιητου οτι ητε τω καιρω εκεινω χωρειϲ χ̅υ̅ απηλλοτριωμενοι τηϲ πολιτειαϲ του ι̅η̅λ̅ και ξενοι των διαθηκων τηϲ επαγγελειαϲ ελπιδα μη εχοντεϲ και αθεοι εν τω κοϲμω νυνι δε εν χ̅ω̅ ι̅υ̅ υμειϲ οι ποτε οντεϲ μακραν εγενηθητε εγγυϲ εν τω αιματι του χ̅υ̅ αυτοϲ γαρ εϲτιν η ειρηνη ημω̅ ο ποιηϲαϲ τα αμφοτερα εν και το μεϲοτοιχον του φραγμου λυϲαϲ την εχθραν εν τη ϲαρκει αυτου τον νομον των εντολων εν δογμαϲιν καταργηϲαϲ ινα τουϲ δυο κτιϲη εν αυτω ειϲ ενα καινον α̅ν̅ο̅ν̅ ποιων ειρηνην και αποκαταλλαξη τουϲ αμφοτερουϲ εν ενι ϲωματι τω θ̅ω̅ δια του ϲταυρου αποκτειναϲ την εχθραν εν αυτω και ελθων ευηγγελιϲατο ειρηνην υμι̅ τοιϲ μακραν και ειρηνην τοιϲ εγγυϲ οτι δι αυτου εχομεν τη̅ προϲαγωγην οι αμφοτεροι εν ενι π̅ν̅ι̅ προϲ τον π̅ρ̅α̅ αρα ουν ουκετι εϲται ξενοι και παροικοι αλλ εϲται ϲυνπολειτε των αγιων και οικειοι του θ̅υ̅ εποικοδομηθεντεϲ επι τω θεμελιω των αποϲτολω̅ και προφητων οντοϲ ακρογωνιαιου αυτου χ̅υ̅ ι̅υ̅ εν ω παϲα η οικοδομη ϲυναρμολογουμενη αυξει ειϲ ναον αγιον εν κ̅ω̅ εν ω και υμειϲ ϲυνοικοδομειϲθε ειϲ κατοικητηριον του θ̅υ̅ εν π̅ν̅ι̅

τουτου χαριν εγω παυλοϲ ο δεϲμιοϲ του χ̅υ̅ ι̅υ̅ υπερ υμων των εθνων ει γε ηκουϲατε την οικονομιαν τηϲ χαριτοϲ αυτου τηϲ δοθειϲηϲ μοι ειϲ υμαϲ οτι κατα αποκαλυψιν εγνωριϲθη μοι το μυϲτηριο̅ καθωϲ προεγραψα εν ολιγω προϲ ο δυναϲθε αναγεινωϲκοντεϲ νοηϲαι την ϲυνεϲι̅ μου εν τω μυϲτηριω του χ̅υ̅ ο ετεραιϲ γενεαιϲ ουκ εγνωριϲθη τοιϲ υιοιϲ των α̅ν̅ω̅ν̅ ωϲ νυν απεκαλυφθη τοιϲ αγιοιϲ αποϲτολοιϲ αυτου και προφηταιϲ εν π̅ν̅ι̅ ειναι τα εθνη ϲυνκληρονομα και ϲυ̅ϲωμα και ϲυνμετοχα τηϲ επαγγελειαϲ εν χ̅ω̅ ι̅υ̅ δια του ευαγγελιου ου εγενηθην διακονοϲ κατα την δωρεαν τηϲ χαριτοϲ του θ̅υ̅ τηϲ δοθειϲηϲ μοι κατα την ενεργεια̅ τηϲ δυναμεωϲ αυτου εμοι τω ελαχιϲτοτερω παντων αγιων εδοθη η χαριϲ αυτη τοιϲ εθνεϲιν ευαγγελιϲαϲθε το ανεξιχνιαϲτον πλουτοϲ του χ̅υ̅ και φωτιϲαι τιϲ η οικονομια του μυϲτηριου του αποκεκρυμμενου απο των αιωνων εν τω θ̅ω̅ τω τα παντα κτιϲαντι ινα γνωριϲθη νυν ταιϲ αρχαιϲ και ταιϲ εξουϲιαιϲ εν τοιϲ επουρανιοιϲ δια τηϲ εκκληϲιαϲ η πολυποικιλοϲ ϲοφια του θ̅υ̅ κατα προθεϲιν των αιωνων ην εποιηϲεν εν τω χ̅ω̅ ι̅υ̅ τω κ̅ω̅ ημων εν ω εχομεν τη̅ παρρηϲιαν και προϲαγωγην εν πεποιθηϲει δια τηϲ πιϲτεωϲ αυτου διο αιτουμαι μη ενκακειν εν ταιϲ θλιψεϲιν μου υπερ υμων ητιϲ εϲτιν δοξα υμων τουτου χαριν καμπτω τα γονατα μου προϲ τον π̅ρ̅α̅ εξ ου παϲα πατρια εν ο̅υ̅ν̅ο̅ι̅ϲ̅ και επι γηϲ ονομαζεται ινα δω υμιν κατα το πλουτοϲ τηϲ δοξηϲ αυτου δυναμει κραταιωθηναι δια του π̅ν̅ϲ̅ αυτου ειϲ τον εϲω α̅ν̅ο̅ν̅ κατοικηϲαι τον χ̅ν̅ δια τηϲ πιϲτεωϲ εν ταιϲ καρδιαιϲ υμων εν αγαπη ερριζωμενοι και τεθεμελιωμενοι ινα εξιϲχυϲητε καταλαβεϲθαι ϲυν παϲιν τοιϲ αγιοιϲ τι το πλατοϲ και μηκοϲ και βαθοϲ και υψοϲ γνωναι τε την υπερβαλλουϲαν αγαπην τηϲ γνωϲεωϲ του χ̅υ̅ ινα πληρωθητε ειϲ παν το πληρωμα του θ̅υ̅ τω δε δυναμενω υπερ παντα ποιηϲαι υπερ εκ περιϲϲου ων αιτουμεθα η νοουμεν κατα την δυναμιν την ενεργουμενην εν υμιν αυτω η δοξα εν τη εκκληϲια και εν χ̅ω̅ ι̅υ̅ ειϲ παϲαϲ ταϲ γενεαϲ του αιωνοϲ των αιωνων αμην

παρακαλω ουν υμαϲ εγω ο δεϲμιοϲ εν κ̅ω̅ αξιωϲ περιπατηϲαι τηϲ κληϲεωϲ ηϲ εκληθητε μετα παϲηϲ ταπεινοφροϲυνηϲ και πραοτητοϲ μετα μακροθυμιαϲ ανεχομενοι αλληλων εν αγαπη ϲπουδαζοντεϲ τηρει̅ την ενοτητα του π̅ν̅ϲ̅ εν τω ϲυνδεϲμω τηϲ ειρηνηϲ εν ϲωμα και εν π̅ν̅α̅ καθωϲ και εκληθητε εν μια ελπιδει τηϲ κληϲεωϲ υμων ειϲ κ̅ϲ̅ μια πιϲτιϲ εν βαπτιϲμα ειϲ θ̅ϲ̅ και π̅η̅ρ̅ παντων ο επι παντων και δια παντων και εν παϲιν ενι δε εκαϲτω ημων εδοθη η χαριϲ κατα το μετρον τηϲ δωρεαϲ του χ̅υ̅ διο λεγει αναβαϲ ειϲ υψοϲ ηχμαλωτευϲαϲ αιχμαλωϲιαν εδωκεν δοματα τοιϲ α̅ν̅ο̅ι̅ϲ̅ το δε ανεβη τι εϲτιν ει μη οτι και κατεβη ειϲ τα κατωτερα μερη τηϲ γηϲ ο καταβαϲ αυτοϲ εϲτιν και ο αναβαϲ υπερανω παντων των ο̅υ̅ν̅ω̅ν̅ ινα πληρωϲη τα παντα και αυτοϲ εδωκεν τουϲ μεν αποϲτολουϲ τουϲ δε προφηταϲ τουϲ δε ευαγγελιϲταϲ τουϲ δε ποιμεναϲ και διδαϲκαλουϲ προϲ τον καταρτιϲμον των αγιω̅ ειϲ εργον διακονιαϲ ειϲ οικοδομην του ϲωματοϲ του χ̅υ̅ μεχρι καταντηϲωμεν οι πα̅τεϲ ειϲ την ενοτητα τηϲ πιϲτεωϲ και τηϲ επιγνωϲεωϲ του υ̅υ̅ του θ̅υ̅ ειϲ ανδρα τελειο̅ ειϲ μετρον ηλικιαϲ του πληρωματοϲ του χ̅υ̅ ινα μηκετι ωμεν ηπιοι κλυδωνιζομενοι και περιφερομενοι πα̅τι ανεμω τηϲ διδαϲκαλειαϲ εν τη κυβεια των α̅ν̅ω̅ν̅ εν πανουργια προϲ ταϲ μεθοδιαϲ τηϲ πλανηϲ του διαβολου αληθευοντεϲ δε εν αγαπη αυξηϲωμεν ειϲ αυτον τα παντα οϲ εϲτιν η κεφαλη χ̅ϲ̅ εξ ου παν το ϲωμα ϲυναρμολογουμενον και ϲυνβιβαζομενο̅ δια παϲηϲ αφηϲ τηϲ επιχορηγιαϲ κατ ενεργειαν εν μετρω ενοϲ εκαϲτου μελουϲ την αυξηϲιν του ϲωματοϲ ποιειτε ειϲ οικοδομην εαυτου εν αγαπη τουτο ουν λεγω και μαρτυρομαι εν κ̅ω̅ μηκετι υμαϲ περιπατειν καθωϲ και τα εθνη περιπατει εν ματαιοτητι του νοοϲ αυτων εϲκοτωμενοι τη διανοια οντεϲ απηλλοτριωμενοι τηϲ ζωηϲ του θ̅υ̅ δια την αγνοιαν την ουϲαν εν αυτοιϲ δια την πωρωϲιν τηϲ καρδιαϲ αυτων οιτινεϲ απηλγηκοτεϲ εαυτουϲ παρεδωκαν τη αϲελγια ειϲ ακαθαρϲιαν παϲηϲ εν πλεονεξια υμειϲ δε ουχ ουτωϲ εμαθετε τον χ̅ν̅ ει γε αυτον ηκουϲατε και εν αυτω εδιδαχθητε καθωϲ εϲτιν αληθεια εν τω ι̅υ̅ αποθεϲθαι υμαϲ κατα τημ προτεραν αναϲτροφην το̅ παλαιον α̅ν̅ο̅ν̅ τον φθειρομενον κατα ταϲ επιθυμιαϲ τηϲ απατηϲ αναναιουϲθαι δε τω π̅ν̅ι̅ του νοοϲ υμων και ενδυϲαϲθαι τον καινο̅ α̅ν̅ο̅ν̅ τον κατα θ̅ν̅ κτιϲθεντα εν δικαιοϲυνη και οϲιοτητι τηϲ αληθειαϲ διο αποθεμενοι το ψευδοϲ λαλειτε αληθειαν εκαϲτοϲ μετα του πληϲιον αυτου οτι εϲμεν αλληλων μελη οργιζεϲθε και μη αμαρτανετε ο ηλιοϲ μη επιδυετω επι παροργιϲμω υμων μηδε διδοται τοπον τω διαβολω ο κλεπτων μηκετι κλεπταιτω μαλλον δε κοπιατω εργαζομενοϲ ταιϲ ιδιαιϲ χερϲιν το αγαθον ινα εχη μεταδιδοναι τω χριαν εχοντι παϲ λογοϲ ϲαπροϲ εκ του ϲτοματοϲ υμων μη εκπορευεϲθω αλλ ει τιϲ αγαθοϲ προϲ οικοδομην τηϲ χριαϲ ινα δω χαριν τοιϲ ακουουϲιν και μη λυπειτε το π̅ν̅α̅ το αγιον του θ̅υ̅ εν ω εϲφραγιϲθητε ειϲ ημεραν απολυτρωϲεωϲ παϲα πικρια και θυμοϲ και οργη και κραυγη και βλαϲφημια αρθητων αφ υμων ϲυν παϲη κακια γινεϲθε δε ειϲ αλληλουϲ χρηϲτοι ευϲπλαγχνοι χαριζομενοι εαυτοιϲ καθωϲ και ο θ̅ϲ̅ εν χ̅ω̅ εχαριϲατο υμιν

γινεϲθαι ουν μιμηται του θ̅υ̅ ωϲ τεκνα αγαπητα και περιπατειτε εν αγαπη καθωϲ και ο χ̅ϲ̅ ηγαπηϲεν υμαϲ και παρεδωκεν εαυτον υπερ ημων προϲφοραν και θυϲιαν τω θ̅ω̅ ειϲ οϲμην ευωδιαϲ πορνια δε και ακαθαρϲια παϲα η πλεονεξια μηδε ονομαζεϲθω εν υμιν καθωϲ πρεπει αγιοιϲ η αιϲχροτηϲ η μωρολογια η ευτραπελια α ουκ ανηκεν αλλα μαλλον ευχαριϲτεια τουτο γαρ ιϲτε γεινωϲκοντεϲ οτι παϲ πορνοϲ η ακαθαρτοϲ η πλεονεκτηϲ οϲ εϲτιν ειδωλολατρηϲ ουκ εχει κληρονομιαν εν τη βαϲιλεια του χ̅υ̅ και θ̅υ̅ μηδειϲ υμαϲ απατατω καινοιϲ λογοιϲ δια ταυτα γαρ ερχετε η οργη του θ̅υ̅ επι τουϲ υιουϲ τηϲ απιθειαϲ μη ουν γεινεϲθαι ϲυνμετοχοι αυτων ητε γαρ ποτε ϲκοτοϲ νυν δε φωϲ εν κ̅ω̅ ωϲ τεκνα φωτοϲ περιπατειτε ο γαρ καρποϲ του φωτοϲ εν παϲη αγαθωϲυνη και δικαιωϲυνη και αληθεια δοκιμαζοντεϲ τι εϲτιν ευαρεϲτον τω κ̅ω̅ και μη ϲυνκοινωνειται τοιϲ εργοιϲ τοιϲ ακαρποιϲ του ϲκοτουϲ μαλλον δε και ελεγχετε τα γαρ κρυφη γεινομενα υπ αυτων αιϲχρον εϲτιν και λεγει̅ τα δε παντα ελεγχομενα υπο του φωτοϲ φανερουνται παν γαρ το φανερουμενον φωϲ εϲτιν διο λεγει εγειρε ο καθευδων και αναϲτα εκ των νεκρων και επιφαυϲει ϲοι ο χ̅ϲ̅ βλεπετε ουν αδελφοι πωϲ ακριβωϲ περιπατειτε μη ωϲ αϲοφοι αλλ ωϲ ϲοφοι εξαγοραζομενοι τον καιρον οτι αι ημεραι πονηραι ειϲιν δια τουτο μη γεινεϲθε αφρονεϲ αλλα ϲυνιετε τι το θελημα του θ̅υ̅ και μη μεθυϲκεϲθε οινω εν ω εϲτιν αϲωτια αλλα πληρουϲθαι εν π̅ν̅ι̅ λαλουντεϲ εαυτοιϲ ψαλμοιϲ και υμνοιϲ και ωδαιϲ π̅ν̅ι̅κ̅α̅ι̅ϲ̅ εν χαριτι αδοντεϲ και ψαλλοντεϲ εν ταιϲ καρδιαιϲ υμω̅ τω κ̅ω̅ ευχαριϲτουντεϲ παντοτε υπερ παντων εν ονοματι του κ̅υ̅ ημων ι̅υ̅ χ̅υ̅ τω θ̅ω̅ και π̅ρ̅ι̅ υποταϲϲομενοι αλληλοιϲ εν φοβω χ̅υ̅ αι γυναικεϲ τοιϲ ιδιοιϲ ανδραϲιν υποταϲϲεϲθωϲαν ωϲ τω κ̅ω̅ οτι ανηρ εϲτιν κεφαλη τηϲ γυναικοϲ ωϲ και ο χ̅ϲ̅ κεφαλη τηϲ εκκληϲιαϲ αυτοϲ ο ϲωτηρ του ϲωματοϲ αλλ ωϲ η εκκληϲια υποταϲϲεται τω χ̅ω̅ ουτωϲ και αι γυναικεϲ τοιϲ ιδιοιϲ ανδραϲιν εν παντι οι ανδρεϲ αγαπατε ταϲ γυναικαϲ καθωϲ και ο χ̅ϲ̅ ηγαπηϲεν την εκκληϲιαν και εαυτον παρεδωκεν υπερ αυτηϲ ινα αυτην αγιαϲη καθαριϲαϲ τω λουτρω του υδατοϲ εν ρηματι ινα παραϲτηϲη αυτοϲ εαυτω ενδοξον την εκκληϲιαν μη εχουϲαν ϲπιλο̅ η ρυτιδα η τι των τοιουτων αλλ ινα η αγια και αμωμοϲ ουτωϲ και οι ανδρεϲ οφιλουϲιν αγαπα̅ ταϲ εαυτων γυναικαϲ ωϲ τα εαυτων ϲωματα ο αγαπων την εαυτου γυναικα εαυτον αγαπα ουδειϲ γαρ ποτε την εαυτου ϲαρκα εμειϲηϲεν αλλα εκτρεφει και θαλπει αυτην καθωϲ και ο χ̅ϲ̅ την εκκληϲιαν οτι μελη εϲμεν του ϲωματοϲ αυτου αντι τουτου καταλιψει α̅ν̅ο̅ϲ̅ το̅ π̅ρ̅α̅ αυτου και την μ̅ρ̅α̅ και προϲκολληθηϲεται τη γυναικι αυτου και εϲονται οι δυο ειϲ ϲαρκα μια̅ το μυϲτηριον τουτο μεγα εϲτιν εγω δε λεγω ειϲ χ̅ν̅ και ειϲ την εκκληϲιαν πλην και υμειϲ οι καθ ενα εκαϲτοϲ την εαυτου γυναικα ουτωϲ αγαπατω ωϲ εαυτο̅ η δε γυνη ινα φοβηται τον ανδρα

τα τεκνα υπακουετε τοιϲ γονευϲιν υμων εν κ̅ω̅ τουτο γαρ εϲτι̅ δικαιον τιμα τον π̅ρ̅α̅ ϲου και τη̅ μ̅ρ̅α̅ ητιϲ εϲτιν εντολη πρωτη εν επαγγελεια ινα ευ ϲοι γενηται και εϲη μακροχρονιοϲ επι τηϲ γηϲ και οι π̅ρ̅ε̅ϲ̅ μη παροργιζεται τα τεκνα υμων αλλα εκτρεφεται αυτα εν παιδια και νουθεϲια κ̅υ̅ οι δουλοι υπακουετε τοιϲ κατα ϲαρκα κυριοιϲ μετα φοβου και τρομου εν απλοτητι τηϲ καρδιαϲ υμων ωϲ τω κ̅ω̅ μη κατ οφθαλμοδουλεια̅ ωϲ ανθρωπαρεϲκοι αλλ ωϲ δουλοι χ̅υ̅ ποιουντεϲ το θελημα του θ̅υ̅ εκ ψυχηϲ μετ ευνοιαϲ δουλευοντεϲ ωϲ τω κ̅ω̅ και ουκ α̅ν̅ο̅ι̅ϲ̅ ειδοτεϲ οτι εκαϲτοϲ ο εαν ποιηϲη αγαθο̅ τουτο κομιϲετε παρα κ̅υ̅ ειτε δουλοϲ ειτε ελευθεροϲ και οι κυριοι τα αυτα ποιειτε προϲ αυτουϲ ανιεντεϲ την απειλη̅ ειδοτεϲ οτι και αυτων και υμω̅ ο κ̅ϲ̅ εϲτιν εν ο̅υ̅ν̅ο̅ι̅ϲ̅ και προϲωπολημψια ουκ εϲτιν παρ αυτω του λοιπου ενδυναμουϲθαι αδελφοι εν κ̅ω̅ και εν τω κρατει τηϲ ιϲχυοϲ αυτου ενδυϲαϲθε την πανοπλιαν του θ̅υ̅ προϲ το δυναϲθε υμαϲ ϲτηναι προϲ ταϲ μεθοδιαϲ του διαβολου οτι ουκ εϲτιν ημιν η παλη προϲ αιμα και ϲαρκα αλλα προϲ ταϲ αρχαϲ προϲ ταϲ εξουϲιαϲ προϲ τουϲ κοϲμοκρατοραϲ του ϲκοτουϲ τουτου προϲ τα πνευματικα τηϲ πονηριαϲ εν τοιϲ επουρανιοιϲ δια τουτο αναλαβετε την πανοπλιαν του θ̅υ̅ ινα δυνηθητε αντιϲτηναι εν τη ημερα τη πονηρα και απαντα κατεργαϲμενοι ϲτηναι ϲτητε ουν περιζωϲαμενοι τη̅ οϲφυν υμων εν αληθεια και ενδυϲαμενοι τον θωρακα τηϲ δικαιοϲυνηϲ και υποδηϲαμενοι τουϲ ποδαϲ εν ετοιμαϲια του ευαγγελιου τηϲ ειρηνηϲ επι παϲιν αναλαβοντεϲ τον θυραιον τηϲ πιϲτεωϲ εν ω δυνηϲεϲθε παντα τα βελη του πονηρου τα πεπυρωμενα ϲβεϲαι και την περικεφαλαιαν του ϲωτηριου δεξαϲθαι και την μαχαιραν του π̅ν̅ϲ̅ ο εϲτιν ρημα θ̅υ̅ δια παϲηϲ προϲευχηϲ και δεηϲεωϲ προϲευχομενοι εν πα̅τι καιρω εν π̅ν̅ι̅ και ειϲ αυτο αγρυπνουντεϲ εν παϲη προϲκαρτερηϲει και δεηϲει περι παντων των αγιων και υπερ εμου ινα μοι δοθη λογοϲ εν ανοιξει του ϲτοματοϲ μου εν παρρηϲια γνωριϲαι το μυϲτηριον του ευαγγελιου υπερ ου πρεϲβευω εν αλυϲει ινα εν αυτω παρρηϲιαϲωμαι ωϲ δει με λαληϲαι ινα δε και υμειϲ ιδητε τα κατ εμε τι πραϲϲω παντα υμιν γνωριϲει τυχικοϲ ο αγαπητοϲ αδελφοϲ και πιϲτοϲ διακονοϲ εν κ̅ω̅ ον επεμψα προϲ υμαϲ ειϲ αυτο τουτο ινα γνωται τα περι ημων και παρακαλεϲη ταϲ καρδιαϲ υμων ειρηνη τοιϲ αδελφοιϲ και ελεοϲ μετα πιϲτεωϲ απο θ̅υ̅ π̅ρ̅ϲ̅ και κ̅υ̅ ι̅υ̅ χ̅υ̅ η χαριϲ μετα παντων των αγαπωντων τον κ̅ν̅ ημων ι̅ν̅ χ̅ν̅ εν αφθαρϲια



2007–2026. Сделано с любовью для любящих и ищущих Бога. Если у вас есть вопросы или пожелания, то пишите нам bible-man@mail.ru.