Искони бе Слово и Слово бе отъ Бога. и Богъ бе слово. Се бе искони у Бога. и Темь вся бышя. и без Него ничьтоже не бысть еже бысть. въ Томь животъ бе. и животъ бе светъ чловекомъ. и светъ въ тьме свьтиться. и тьма его не объятъ. бысть человекъ посъланъ отъ Бога. имя ему Иоанъ. тъ придевъ съведетельство. да съведетельствуеть о Свете. да вьси веру имуть имь не бетъ светъ нъ да съведетельствуеть о Свете. бе Светь истиньны и. иже просвещаеть всякого человека. грядуща въ миръ. въ мире бе. и миръ Темь бысть. и миръ Его не позна. въ своя приде. и свои Его не прияшя. елико же ихъ приятъ И. дасть имъ область чядомъ Божиемъ быти верующемъ въимя Его. иже ни отъ кръви. ни отъ похоти плътьскыя. ни отъ похоти мужьскы. нъ отъ Бога родишяся. и Слово плъть бысть. и въселися въ ны. и видехомъ славу Его. славу. яко Единочядааго отъ Отца. испълнь благодати и истины. Иоанъ съведетельствова о Немь. и възъва глаголя. Сь бе Егоже рехъ. Грядыи по мъне. предъ мъною бысть. яко пьрвеи мене бе. и отъ испълнения Его. мы вьси прияхомъ благодать. яко законъ Мосеомь данъ бысть. благодать и истина Исусъ Христомь бысть. Бога никътоже никъдеже не виде. тъ къмо Единочяды и Сынъ сы въ лоне Отьчи. Тъ И исповеда. и се есть съведетельство Иоаново. егда посълашя июдеи отъ Иерусалима. иерея и левъгиты да въ просять его. ты къто еси. и исповеда. и не отъвържеся. и исповеда яко несмь азъ Христосъ. и въ просишя же и. къто убо ты еси. Илия ли еси. и глагола несмь. пророкъ. ли еси ты. и отъвеща ни. решя же ему. къто еси. да отъветь дамъ посълавъши имъ ны. чьто глаголеши о тебе самомь. рече же. азъ гласъ въпиющааго въ пустыни. исправите путь Господень. якоже рече. Исаия пророкъ. и посълании бяаху отъ фарисеи. и въпросишяи и решя ему. чьто убо крьщаеши. аще ты неси Христосъ. ни Илия. ни пророкъ. отъвеща имъ Иоанъ глаголя. азъ крьщаю въ воде. посреде же васъ стоить. Егоже не весте. Тъ есть Грядыи по мъне. яко пьрвеи мене бе. Емуже несмь достоинъ. да отрешу ремень сапогу Его. си въ Вифании бышя. об онъ полъ Иордана. идеже бе Иоанъ крьстя. Въ время оно. Видевъ Иоанъ Иисуса. грядуща къ себе. и глагола о Немь. се Агньць Божии. въземляи грехы вьсего мира. Сь есть о Немьже азъ рекохъ. по мъне идеть Мужь. иже предъ мъною бысть. яко прьвеи Мене бе. и азъ не ведеахъ Его. нъ да явиться и Израилеви. сего ради придохъ азъ. въ воде крьстя. и съведетельствова Иоанъ глаголя. яковидехъ Духъ. съходящь и грядущь на Нь. яко голубь сънебесе. и пребысть на Немь. и азъ не ведеахъ Его. нъ Посълавъи мя крьститъ въ воде. Тъ мъне рече надъ Ньже узьриши Духъ съходящь. и пребывающь на Немь. Сь есть крьстяи Духъмь Святыимь. и азъ видехъ и съведете льствовахъ. яко Сь есть Сынъ Божии. Въ оно время. стояше Иоанъ. и отъ ученикъ его дъва. и узьре Исуса идуща. и глагола. се Агньць Божии. и слышаста и оба ученика глаголющь. и по Исусе идоста. обращь же ся Исусъ. и видевъ я по Себе идуща. глагола има. чьсо ищета. она же реста Ему. Равви. еже глаголеться съказаемо учителю. къде живеши. глагола има. придета и види>та. придоста же и видеста къде живеше. и пребыста у Него дьнь тъ. година же бе яко десятая. бе же Андреа братъ Симона Петра. единъотъ обою слышавъшую отъ Иоана. и по Немь шьдъшую. обрете сь прежде брата своего Симона. и глагола ему. обретохомъ Месию. еже есть съказаемыи Христосъ. и приведе и къ Исусови. възьревъ же на нь Исусъ. рече. ты еси Симонъ. сынъ Ионинъ. ты наречешися Кифа. еже съказаеться Петръ. Въ утреи же въсхоте Исусъ изити въ Галилею. и обрете Филипа. и глагола Ему. гряди по Мъне. бе же Филипъ отъ Вифъсаидьска града. Андреова и Петрова. и обрете Филипъ Нафанаила. и глагола ему. Егоже писа Моисивъ законе и пророци. обретохомъ Исуса сына Иосифова. иже отъ Назарефа. и глагола ему Нафанаилъ. отъ Назарефа можеть ли. чьто добро быти. глагола ему Филипъ. приди и виждь. видевъ же Исусъ Нафанаила. грядуща къ Нему. и глагола о немь. се въистину израилитенинъ. въ немь же льсти несть. глагола ему Нафанаилъ. како мя знаеши. отъвещавъ же Исусъ рече ему. преже даже не възгласи тебе Филипъ. суща подъ смоковьницею видехъ тя. отъвеща Нафанаилъ и глагола Ему. Равви. Ты еси Сынъ Божии. Ты еси. Царь Израилевъ. отъвеща Исусъ и рече ему. за не рехъ. яко видехъ тя подъ смоковьницею. веруеши. больша сихъ узьриши. и глагола ему. аминъ аминъ глаголю вамъ. отъселе узьрите небо отъвърсто. и ангелы Божия. въсходящя и низъходящя. надъ Сына Чловечьскааго.
Въ оно время. бракъ бысть въ Кана Галилеи. и бе ту Мати Исусова. зъванъ же бе Исусъ. и ученици Его на бракъ. и недоставъшу вину. глагола Мати Исусова къ Нему. вина не имутъ. глагола Еи Исусъ. чьто есть Мъне и Тебе Жено. не уприде година Моя. глагола Мати Его слугамъ. еже аще глаголетъ вамъ створите. беше же ту водоносъ камянъ шесть лежящь. по очищению июдеиску. въместящь по дъвема ли по трьмъ мерамъ. глагола имъ Исусъ. напълните водоносы воды. и напълнишя до вьрха. и глагола имъ. почьрпете ныне. и принесете архитриклинови. они же принесошя. якоже въкуси архитриклинъ. вина бы въшааго отъ воды. и не ведеше отъкуду есть. а слугы ведеаху почьрпъшеи воду. и възгласи жениха архитриклинъ. и глагола ему. всакъ чловекъ прежде доброе вино полагаеть. и егда упиються тогда хуждее. ты же съблюде доброе вино доселе. се створи знамениемъ начятъкъ Исусъ. въ Кана Галилеи. яви славу Свою. и веровашя. въ Нь. ученици Его. Въ оно время. въниде Исусъ въ Каперънаумъ. Самъ и Мати Его. и братия Его. и ученици Его. и ту немъногы дьни пребысть. и близъ бе Пасха Июдеиска и въниде Исусъ въ Иерусалимъ. и обрете въ церкви. продающяя волы. и овьця и голуби. и пеняжьникы седящя. и створи яко бичь отъ вьрви. и изгъна вься и церкве. овьця и волы. и тържьникомъ расыпа пенязя. и дъскы опровьрже. и продающиимъ голуби рече. възьмете си отъсуду. не творите дому Отца Моего. дому купльнааго. помянушя же ученици Его. яко написано есть. жалость. дому Твоего сънесть мя. отъвещашя же июдеи и ре кошя Ему. кое знамение являеши намъ. яко си твориши. отъвеща Исусъ и рече имъ. разорите цьркъвь сию. и трьми дьньми въздвигну ю. решя же июдеи. четырьмидесяты. и шестию летъ съзъ дана бысть цьркы си. а Ты ли. трьми дьньми въздвигнеши ю. Онъ же глаголааше. о цьркъви. тела Своего. егда же въста отъ мьртвыихъ. помянушя ученици Его. яко се глаголааше. и веруяшя книгамъ. и словеси еже рече Исусъ.
Въ оно время. чловекъ етеръ отъ фарсеи. имя ему Никодимъ. кънязь июдеискъ. сь придекъ Исусови нощию. и рече ему Равви. вемь яко отъ Бога еси пришьлъ Учитель. никъто же бо не можеть знамении сихъ творити. яже Ты твориши. аще не будеть Богъ съ нимь. отъвещавъ Исусъ. и рече ему. аминъ аминъ глаголю тебе. аще къто не родиться съвыше. не можеть ведети Царьствия Божия. глагола къ Нему Никодимъ. како можеть человекъ родитися старъ сы. еда можетъ въторицею въ утробу вълести матере своея. и родитися. отъвеща Исусъ. и рече ему. аминъ аминъ глаголю тебе. аще къто не родиться водою и Духъмь. не можеть вънити въ Царство Божие. рожденое бо отъ плъти. плъть есть. и рожденое отъ Духа. духъ есть. не дивися яко рехъ ти. подобаеть вамъ родитися съвыше. духъ идеже хощеть дышеть. и гласъ его слышиши. нъ не веси отъкуду приходитъ. и камо идеть. такъ есть всякъ роже ныи отъ Духа. отъвеща Никодимъ и рече Ему. како могутъ си быти. отъвеща Исусъ и рече ему. ты еси. учитель. Израилевъ. и сихъ ли не веси. аминъ аминъ глаголю тебе. яко яже вемъ глаголемъ. и еже видехомъ съведетельствуемъ и съведетельства нашего не приемлете. аще земъна рехъ вамъ и не веруете. како аще реку вамъ небесьная веруете. никътоже възиде на небо. тъкъмо съшьдыи съ небесе. Сынъ Человечьскыи. съи на небесе. и яко Моиси. възнесе змию въ пустыни. тако подобаеть. възнестися Сыну Человечьскууму. да всакъ веруяи въ Нь не погыбнеть. нъ имать живота вечьнааго. Рече Господь Своимъ ученикомъ. тако възлюби Богъ мира. яко Сына Своего Единочядааго дасть. да всякъ веруяи въ Него не погыбнеть. нъ имать живота вечьнааго. не посъла Богъ Сына Своего въ миръ. да судить миру. нъ да спасеться миръ Его ради. веруя и въ Нь. не будеть осужденъ. а не веруяи уже осужденъ есть. яко не верова. въ имя. Единочядааго Сына Божия. се же есть судъ. яко светъ приде въ миръ. и възлюбишя человеци. паче тьму. неже светь. бешя бо. ихъ дела зъла. всякъ бо делая зълая. ненавидить света. и не приходить къ свету. да не обличяться дела его. а творяи истину. грядеть къ свету. да явяться дела его. яко о Бозе суть съделана. Въ оно время. въниде Исусъ и ученици Его. въ Июдеискую землю. и ту живяаше и крьщаше. бе же Иоанъ крьстя въ Еноне. близъ Салима. яко воды мъногы беху ту. и крьщаахуся. не убо бе въсажденъ въ тьмъницу Иоанъ. бысть же сътязание отъ ученикъ Иоановъ. съ июдеи о очищении и придошя къ Иоану и решя ему. равви. Иже бе съ тобою. обонъ полъ Иердана. Емуже ты съведетельствова. се Тъ крьщаеть. и въси грядуть къ Нему. отъвеща Иоанъ и рече. не можеть человекъ приимати ничьсоже. аще не будеть ему дано съ небесе. вы сами мъне съведетельствовасте. яко рехъ. несмь. азъ Христосъ. нъ посъланъ есмь предъ Нимь. имеяи невесту женихъ есть. а другъ жениховъ. стоя и послушая его. ра достию радуеться за гласъ жениховъ. си убо радость моя испълнися. Оному подобаеть. расти. а мъне мьнитися. грядыи съвыше. надъ вьсеми есть. иже отъ земля. отъ земля есть. и отъ земля глаголеть. грядыи съ небесе надъ вьсеми есть. еже виде и слыша. се съведетельствуеть. и съведетельства Его. никътоже приемлеть. приимыи Его съведетельство. запечатъле яко Богъ истиньнъ есть.
Въ оно время. приде Иисусъ въ градъ Самареискъ. нарицаемы Сухарь. близь вьси юже дасть Ияковъ Иосифу сынусвоему. бе же ту студеньць Ияковль. Иисусъ же труждься отъ пути седеаше тако на студеньци. година же бе яко шестая. приде жена отъ Самария почреть воды. глагола еи Иисусъ. даждь Ми пити ученици бо Его ошьли беаху въ градъ. да брашьно купять. глагола Ему же на самаряныни како Ты иудеи сы. отъ мене пити про сиши жены самаряныня сущя. не прикасають бо ся иудеи самаренехъ. отъвеща Иисусъ и рече. аще бы ведела даръ Божии. и Къто есть глаголяити даждь Ми пити. ты бы просила у Него. и далъ ти бы воду живу. глагола Ему жена. Господи. ни почрьпальника имаши. и студеньць глубокъ есть. отъкуду убо имаши водуживу. еда Ты боли и еси отца нашего Иякова. иже дасть намъ студеньць. и тъ из него пи и сынове его и скоти его. отъвеща Иисусъ и рече еи. вьсякъ пияи отъ воды сея. въжяждеться пакы. а иже пиеть отъ воды юже Азъ дамь ему. не иматъ въждядатися въ векъ. нъ вода юже Азъ дамь ему. будеть въ немь источьникъ воды истекающяя въ животъ вечьныи. глагола къ Нему жена. Господи даждь ми сию воду. да ни жяжду ни прихожду почьрьпатъ глагола еи Иисусъ. иди призови мужъ твои. и приди семо. отъвеща жена и рече Ему не имамъ мужа. глагола еи Иисусъ. добре рече. яко мужа не имамъ пять бо мужъ имела еси. и ныне егоже имаши несть тимужь. се въистину рече. глагола Ему жена. Господи. вижду яко пророкъ еси Ты отци наши въ горе сеи поклонишяся и вы глаголете яко въ Иерусалиме есть место. идеже кланятися подобаеть. глагола еи Иисусъ. жено. веру Ми ими. яко идеть година. егда ни въ горе сеи. ни въ Ерусалимехъ. поклонитеся отцу вы кланяетеся еже не весте. мы кланяемъся еже вемь. яко спасение отъ Иудеи есть нъ придеть година. и ныне есть. егда истиньнии поклоньници. поклоняться Отцу духъмъ и истиною. ибо Отець тацехъ ищеть. кланяющихъся Ему духъ есть Богъ. иже кланяеться Ему духъмь и истиною. достоить кланятися. глагола Ему жена. вемьяко Месия придетъ. нарицаемы Христосъ. егда Тъ придеть. възвестить намъ вся. глагола еи Иисусъ. Азъ есмь глаголяи съ тобою и тогда же придошя ученици Его. и чюждаахуся якосъ женою глаголааше и никътоже не рече Ему. чесо ищеши. или чьто глаголешисъ нею. остави же водоносъ свои жена. и иде въ градъ. и глагола человякомъ. придете и видите Человека. иже рече ми вься елико сътворихъ. еда Тъ есть Христосъ. придошя же из града. и идеаху къ Нему между же симь. моляаху И ученици Его глаголюще. Равви еждь. Онъ же рече имъ. Азъ брашьно имамъ ести. его же вы не весте. глаголааху же ученици Его къ себе. еда къто принесе Ему ести. глагола имъ Иисусъ Мое брашьно есть. да сътворю волю Посълавъшааго Мя и съврьшу дело Его не вы ли глаголете. яко еще четыре месяци суть и жятва придеть. се глаголю вамъ възведете очи ваши и видите нивы. яко плавы суть. къ жатве уже. и жъняи мьзду прииметь. и събираеть плодъ въ животъ вечьныи. да сеяи въкупе радуеться. и жьняи о семь бо слово есть истиньное. яко инъ есть сеяи. и инъ есть жьняи. Азъ же послахъ выжятъ. идеже вы не трудистеся. ини трудишяся. и вы въ трудъ ихъ вънидосте отъ града же того. мънози веровашя въ Нь отъ самарянъ. за слово жене съведетельствующи. яко рече ми вься елико сътворихъ егда же придошякъ Нему самаряне. моляаху Его. да бы пребылъ у нихъ. и пребысть ту дъва дъни. и мънози паче веровашя за слово Его. жене же глаголааху яко уже не за твою беседу веруемъ. сами бо слышаахомъ и вемь яко есть въистину Съпасъ миру Христосъ. Въ время оно. бенекыи цесарь мужь. егоже сынъ болешевъ Каперънауме. сь слышавъ яко Исусъ приде отъ Июдея въ Галилею. и иде къ Нему. и моляаше И. да сънидеть исцелитъ сынъ его. хотяаше бо умрети. рече Исусъ къ нему аще знамении и чудесъ не видите не имате веры я ти. глагола къ Нему цесаревъ мужь Господи. съниди прежде. даже не умьреть отрочя мое и глагола ему Исусъ. иди сынъ твои живъ есть. и веру имъ чловекъ словеси. еже рече ему Исусъ. и идеше. и абие съходящу ему. се раби егосъретошя и. глаголюще ему яко сынъ твои живъ есть. въпраашаше же годниы отъ нихъ. въ кыи часъ сулее ему бысть. решя же ему яко вьчера въ годину семую. остави и огнь. разумевъ же отьць его. яко та година бе. въ нюже рече ему Исусъ. сынъ твои живъ есть. и верова самъ. и домъ его въ сь. се пакы въторое знамение сътвори Исусъ. пришьдъ отъ Июдея въ Галилею.
Въ оно время. въниде Исусъ въ Ерусалимъ. есть же въ Иерусалимехъ. на Овьчи купели. яже нарицаеться евреискы Вифезда. пять притворъ имущи въ техъ лежааше мъножьство болящиихъ. слепъ. хромъ сухъ. чающиихъ движение воде. аньгелъ бо Господьнь. на вься лета мыяшеся въ купели. и възмущааше воду. и иже прежде вълажааше по възмущении воды. съдра въ бывааше. я цемь же недугъ мь одьржимъ бывааше бе же единъ ту чловекъ. тридесяте и осмь леть имы въ недузе своемь. сего видевъ Исусъ. и разумевъ яко мънога лета уже имяаше. глагола ему хощеши ли целъ быти. отъвеща Ему недужьныи Господи чловека не имаамь. да егда възмутитъся вода. въвьржетьмя въ купель. егъда же прихожу азъ. инъ прежде мене вълазить глагола ему Исусъ. въстани. възьми одръ твои. и иди въ домъ твои. и абие целъ бысть чловекъ. и възя одръ свои. и хождааше бе же субота въ тъ дьнь. глаголаху же июдеи исцелевъшууму. субота есть и не достоить те бе възяти одра твоего. онъ же отъвеща имъ. Иже мя сътвори цела. Тъ мъне рече възми одръ твои и ходи. въпросишя же и. къто есть Чловекъ. рекы и тебе. възьми одръ твои и ходи исцелевыи же не ведяаше къто есть. Исусъ бо уклонися народу сущю на месте. потомь же Исусъ обрете и въцьркви. и рече Ему се целъ еси кътому не съгрешаи. да не горе ти чьто будеть. и иде чловекъ. и поведа июдеомъ. яко Исусъ есть. Иже мя сътвори цела. Рече Господь къ пришь дъшиимъ къ Нему июдеомъ. Отець Мои. доселе делаетъ. и Азъ делаю. сего ради паче. искаху Его июдеи уби ти. яко не тъкмо разаряше суботу. нъ и Отца Своего глаголаше Бога. равьнъ ся творя Богу. отъвеща же Исусъ и рече имъ. аминъ аминъ глаголю вамъ. не можеть Сынъ творити о Себе ничесоже. аще не еже видить Отца творяща. яже бо Онъ творить. си и Сынъ творить. Отець бо любить Сына. и вьсе показаеть Ему. яже Самъ творить. и больша сихъ показаеть Ему дела. да вы чудитеся. яко бо Отець въскрешаеть мьртвыя и живитъ. такоже и Сынъ. яже хощеть живитъ. Отець бо не судить никомуже. нъ судъ вьсь дасть Сынови. да вьси чьтутъ Сына. якоже чьтутъ Отца. иже не чьтеть Сына. не чьтетъ Отца. Иже посъла Его. аминъ аминъ глаголю вамъ. яко слушаяи словесе Моего. и веру емля и Посълавъшууму Мя. имать живота вечьнаго. и на судъ не придеть. нъ преидеть отъ съмьрти въ животъ. аминъ аминъ глаголю вамъ. яко грядеть година и ныне есть. егда мьртвии услышятъ гласъ Сына Божия. и слышавъше оживуть. яко же бо Отець живота иматъ въ Себе. тако дасть и Сынови животъ имети въ Себе. и область дасть Ему. и судъ тво рити. яко Сынъ Чловечьскъ есть. не дивитеся сему. яко грядеть година. въ нюже вьси сущеи въ гробехъ. услышять гласъ Его. и изидуть створьшии благая. въ въскрешение живота. а сътворьшии зълая. въ въскрешение суда. не могу Азъ о Себе творити ни чьсоже. якоже слышу и сужду. и судъ Мои правьдьнъесть. яко не ищу воля Моея. нъ воля Посълавъшааго Мя Отца. аще Азъ съведетельствую о Мъне. съведе тельство Мое несть истиньно. и нъ есть съведетельствуяи о Мъне. и вемь яко истиньно есть съведетельство его. еже съведетельствуеть о Мъне. вы посъласте къ Иоану. и съведетельствова о истине. Азъ же не отъ человекъ съведетельство приемлю. нъ си глаголю. да вы спасени будете. онъ бе. светильникъ. горя и светя. вы же хотесте въздрадоватися. въ годину свьтения его. Азъ же. имамъ съведетельство боле Иоанова. дела бо яже дасть Мъне Отець та съвьршаю. та дела. яже твору. съведетельствують о Мъне. яко Отець Мя посъла. и Посълавыи Мя Отець. Тъ съведетельствова о Мъне. и гласа Его никъ деже слышасте. ни видения Его видесте. и словесе Его не имате пребывающа въ васъ. зане Егоже Тъ посъла. Сему вы веры не емлете. испытаите книгы. яко вы мьните въ нихъ имети живота вечьнааго. и ты сутъ съведетельствующя о Мъне. и не хощете прити къ Мъне. да живота имаате. славыотъ человекъ не приемлю. нъ разумехъ вы. яко любъве въ себе Божия не имаате. Азъ придохъ въ имя Отца Моего. и не при
емлете Мене. аще инъ придеть въ имя свое. того приемлете како вы можете веровати. славу другъ отъ друга приемлюще. и славы яже отъ Единочядааго Сына Божия не ищете. не мьните. яко Азъ на вы реку къ Отцу. есть иже глаголя и на вы Моиси. на негоже вы упъваете. аще бо бысте веру имели Мосеови. веру яли бысте и Мъне. о Мъне бо тъ писа. аще ли того кънигамъ веры не емлете. како Моимъ глаголомъ веру имете.
и посемь иде Исусъ. на онъ полъ моря Тиверъядьска. и по Немь идяашенародъ мъногъ. яко видяаху знамения. яже творяаше на недужьныихъ. Въ время оно. възведъ Иисусъ очи Свои. и видевъ яко мъногъ народъ идеть къ Нему. глагола Филипу. чимь купимъ хлебы. да едятъ си се же глаголаше искушая и Самъ бо ведеаше чьто хотя сътворити. отъвеща Ему Филипъ дъвемасътома съребрьникъ хлеби не довьлеють имъ. дакъжъдо мало чьто прииметь. глагола Ему единъ отъ ученикъ Его. Андреа братъ Симону Петру есть отрочищь сьде. иже имать. пять хлебъ ячьменьнъ и дъве рыбе. нъ си чьто суть селику народу. рече же Иисусъ сътворите человекы възлещи. бе же трава мънога на месте възлеже убо мужъ числъмь яко пять тысущь. приятъ же хлебы Иисусъ. и хвалу въздавъ. дасть ученикомъ. а ученици възлежящиимъ такожде и отъ рыбу елико хотеаху. и яко насытишяся. глагола ученикомъ Своимъ съберете избытъкы укрухъ. да не погыбнеть ни чьтоже събьрашя же и наплънишя дъванадесяте коша укрухъ. отъ пяти хлебъ ячьняныихъ. иже избышя едъши имъ. человеци же видевъше еже сътвори знамение Иисусъ глаголаху яко Сь есть въистину. пророкъ. грядыи въ миръ. Исусъ же разумевъ. яко хотя ть прити. да въсхытять И. и створять царя. отъиде пакы въ гору единъ. и яко позде бысть. сънидошя ученици Его на море. и вълезъше въ корабль. едяаху на онъ полъ моря. въ Каперънаумъ. и тьма бысть. и не у бе къ нимъ пришьлъ Исусъ. море же ветру велику дыхающу. въстаяше. гребъше же. яко 20. и 6. стадии. или. 30. узьрешя Исуса ходяща по морю. и близъ корабля бывъшу. убояшяся. Онъ же глагола имъ. Азъ есмь не боитеся. хотеаху же и прияти И въ корабль. и абие бысть корабль на земли. въ нюже едяаху. Въ утреи же дьнь. народъ иже стояаше об онъ полъ моря. видевъше яко корабля иного не бе ту. тъкъмо единъ тъ. вънь же вънидошя ученици Его. и яко не въниде съ ученикы Своими Исусъ въ корабль. нъ едини. ученици Его вънидо шя. и ини придошя корабли отъ Тиверияды. близъ места идежеешя хлебы. хвалу въздавъшю Господу. и егда видешя народи. яко Исуса не бысть ту. ни ученикъ Его. вълезошя сами въ корабля. и придошя въ Каперънаумъ. ищуще Исуса. и обретъше И об онъ полъ моря. и решя Ему Равви. къгда семо приде. отъвеща Исусъ. и рече. аминъ аминъ глаголю вамъ. ищете Мене. не яко видесте знамения нъ яко есте хлебы и насытистеся. делаите не брашьно гыбнущее. нъ брашьно пребывающее. въ животъ вечьныи иже Сынъ Чловечьескыи. дасть вамъ. сего бо Отьць знамена Богъ. решя же къ Нему чьто сътворимъ. да делаемъ дела Божия отъвеща Исусъ. и рече имъ. се есть дело Божие. да веруете въ Тъ. Егоже посъла Онъ решя же Ему кое убо Ты твориши знамение. да видимъ и веру имемъ Тебе. чьто делаеши. отьци нашиешя ману въ пу стыни. якоже есть писано. хлебъ съ небесе дасть имъ ести. рече же имъ Исусъ аминъ аминъ глаголю вамъ не Моиси дасть вамъ хлебъ съ небесе нъ Отьць Мои даеть вамъ хлебъ истиньныи съ небесе. хлебъ бо Божии есть съходяи съ небесе. и дая и животъ всему миру. Рече Господь. къ веровавъшиимъ къ Нему июдеомъ. Азъ есмь хлебъ животьныи. грядыи къ Мъне. не имаать възалъкатися и веруяи въ Мя. не иматъ въждядатися никогъ даже нъ рехъ вамъ. яко видесте Мя и не веруете вьсе еже дасть Мъне Отьць. къ Мъне придеть. и гря дущааго къ Мъне не иждену вънъ яко сънидохъ съ небесе. да не творю воля Моея. нъ волю Посълавъшааго Мя. се же есть воля Посълавъшааго Мя Отьца. да вьсе еже дасть Мъне Отьць. не погублю отъ Него. нъ въскрешу и въ последьнии дьнь. се же есть воля Отьца Моего. да вьсь видяи Сына и веруяи въ Нь. имать животъ вечьныи. и въскрешу и Азъ въ последьнии дьнь. ръ пътааху же июдеи о Немь. яко рече Азъ есмь хлебъ съшьдыи съ небесе. и глаголааху не Сь ли есть Исусъ сынъ Иосифовъ. Емуже мы знаемъ отьца и Матере како убо Сь глаголеть. яко съ небесе сънидохъ отъвеща Исусъ и рече имъ не ръпъщите между собою никътоже не можеть прити къ Мъне. аще не Отьць Посълавыи Мя привлечеть его. и Азъ въскрешу и въ последьнии дьнь. Рече Господь. къ пришьдъшиимъ къ Нему июдеомъ. Азъ есмь хлебъ животьныи. отци ваши ешя ману въ пустыни и умрешя сь есть хлебъ съходяи съ небесе да аще къ то отъ него есть не умьреть. Азъ есмь хлебъ живыи. съшьдъи съ небесе. аще къто сънесть отъ хлеба сего. живъ будеть въ векъ хлебъ бо. иже Азъ дамь. плъть Моя есть. юже Азъ дамь. за животъ вьсего мира пьряаху же ся июдеи между собою глаголюще. како можеть Сь плъть Свою дати намъ ести рече имъ Исусъ аминъ. аминъ глаголю вамъ аще не есте плъти Сына Чловечьскааго. и пиете кръви Его. живота не имате въ себе еды плъть Мою. и пияи кръвь Мою. имать животъ вечьныи. и Азъ въскрешу и въ последьнии дьнь. Рече Господь. къ веровавъшиимъ къ Нему июдеомъ. еды Мою плъть. и пияи Мою кръвъ. въ Мъне пребываеть. и Азъ въ немь. якоже посъла Мя живыи Отьць. и Азъ живу Отьца ради и ядыи Мя. и тъ живъ будеть Мене ради се есть хлебъ съшьдыи съ небесе. не якоже ешя отци ваши маньну и умрешя едыи хлебъ сь. живъ будеть въ векъ. си рече на съборищи учя. въ Каперънауме. мнози же слышавъшеи отъ ученикъ Его рекошя. жестоко есть слово се. къто можеть его слушати. веды же Исусъ въ Себе. яко ръпъщуть
о семь ученици Его. рече имъ. се
ли вы блазни
ть аще убо у
зьрите Сына Чло
вечьскааго. въ
сходяща идеже
бе прежде. духъ
есть. иже живи ть. отъ плъти
несть пользя ни
коеяже. глаго
лы яже Азъ гла
голахъ вамъ. ду
хъ суть. и живо
тъ суть нъ суть
отъ васъ друзи
и. иже не веру
ють. ведяаше
бо испьрва Ису
съ. къто суть не
верующеи. и
къто есть хотя
и предати И. и гла
голааше. сего ра
ди рехъ вамъ. яко никътожене можеть прити
къ Мъне аще не
будеть дано ему
отъ Отьца Моего отъ сего мънози. о
тъ ученикъ Его
идошя въспять
и кътому не хожда
аху съ Нимь. рече
же Исусъ. обемана
десяте. еда и вы хо щете ити отъве
ща Ему Симонъ Пе
тръ Господи къ кому
идемъ глаголы жи
вота вечьнааго и
мааши. и мы ве
ровахомъ. яко Ты еси Христосъ. Сынъ Бога
живааго.
Въ время оно. хождааше Исусъ. въ Галилеи. не хотеше бо въ Иудеи ходити. яко искааху Его июдеи убити. бе же близъ праздьникъ иудеискъ Скинопигиа. рякошя же къ Нему братия Его преиди отъсуду. и иди въ Иудею да и ученици Твои видять дела Твоя. яже твориши никътоже бо ничьсо же въ таине творить. и ищеть самъ яве быти аще си твориши. явися вьсему миру. ни братия бо Его вероваху въ Него глагола же имъ Исусъ время Мое не у приде. а время ваше вьсегда есть готово не можеть миръ. ненавидети васъ. Мене же ненавидить. яко Азъ съведетельствую о немь. яко дела его зъла суть възидете въ праздьникъ сь. Азъ не възиду въ праздьникъ. яко время Мое не у приближися. си рекъ оста Самъ въ Галилеи егда же възидошя братия Его. тогда и Самъ възиде не яве. нъ яко отаи иудеи же искаху Его въ праздьникъ. и глаголааху. къде есть Онъ и ръпътъ мъногъ бе о Немь въ народехъ ови глаголааху яко благъ есть ини же глаголааху ни. нъ льстить народы никыи же убо яве глаголааше о Немь. страха ради иускааго. Въ преполовле ние праздьника. възиде Иисусъ въ црькъвъ и учааше и дивляхуся иудеи глаголюще. како убо Сь умееть кънигы не учивъся. отъ веща Иисусъ и рече имъ. Мое учение. несть Мое. нъ Посълавъшааго Мя аще къто хощеть волю Его творити. разумееть учение кое отъ Бога есть или Азъ о Себе глаголю глаголяи о себеславы своея ищеть. а ищяи славы посълавъшааго и. сь истиньнъ есть и неправьды въ немь несть не Мусили дасть вамъ законъ. никътоже отъ васъ творить закона чьто Мене ищете убити отъвеща народъ и рече бесъ ли имашию къто Тебе ищеть убити. отъвеща Иисусъ и рече имъ едино дело сътворихъ. и вьси дивитеся сего ради Муси дасть вамъ обрезание. не яко отъ Мосеа есть нъ отъ Отьць. и въ суботу обрезаете человека аще обрезание приемлеть человекъ въ суботу. да не разориться законъ Мосеовъ на Мя ли гневаетеся. яко вьсего человека съдрава сътворихъ въ суботу не судите налиця. нъ правьдьныи судъ судите глаголааху же етери отъ иерусалимлянъ. не Сьли есть Егоже ищутъ убити. и се необинуяся глаголеть и ничьсоже Ему не глаголють. еда како разумешя кънязи. яко Сь есть Христосъ. нъ Сего вемь отъкуду есть а Христосъ егда придеть никътоже Его не весть отъкуду будеть. възъва же въ церкви учя Иисусъ и глаголя и Мене весте. и весте отъ куду есмь. и о Себе не придохъ. нъ есть истиньнъ Посълавыи Мя Его же вы не весте Азъ И вемь. яко отъ Него есмь и Тъ Мя посъла. и искаху иудеи яти И. и никътоже не възложи рукы на Нь. яко не у бе пришьла година Его. Въ последьнии дьнь. великыи праздьникъ. стояаше Иисусъ. и зъвааше глаголя. аще къто жяждеть. да придеть къ Мъне и пиетъ веруяи въ Мя яко же кънигы рекошя. рекы отъ чрева его истекуть воды живы. се же рече о Дусе иже хотяаху примати. верующии въ Него. не у бе Духъ Святыи данъ яко Иисусъ не у бе прославленъ. мънози же отъ народа слышавъше словеса си. глаголааху се есть въистину пророкъ. друзии же глаголааху се есть Христосъ. друзи и глаголааху. еда отъ Галилея Христосъ придеть. не кънигы ли рекошя. яко отъ семене Давыдова и отъ Вифлеомьскааго градьца идеже бе Давыдъ придеть Христосъ. распьря же бысть въ народе Его ради. етери же отъ нихъ хотеаху яти И. нъ никътоже не възложи на Нь руку. придошя же слугы къ архиереомъ. и фарисеомъ. и рекошя имъ ти. почьто не приведосте Его отъвещашя слугы. николиже тако есть. глаголаалъ человекъ. яко Сь Человекъ. отъвещашя имъ фарисеи да и вы прельщение бысте. еда къто отъ кънязь веровавъ Нь. ли отъ фарисеи. нъ народъ сь. иже не весть закона прокляти сутъ. глагола Никодимъ къ нимъ. пришьды къ Нему нощию. единъ сы отъ нихъ еда законъ нашь судить человеку. аще не слышить отъ него прежде и разумееть чьто творить. отъвещашя и рекошя Ему. еда и ты отъ Галилея еси. и спытаи и виждъ. яко отъ Галилея пророкъ не приходить.
Рече Господь. къ пришьдъшиимъ къ Нему иудеомъ. Азъ есмь светъ вьсему мируходяи по Мъне. не иматъ ходити въ тьме нъ иматъ животъ вечьныи. решя же Ему фарисеи. Ты о Себе Самъ съведетельствуеши и съведетельство Твое несть истиньно. отъвеща Иисусъ и рече имъ аще Азъ съведетельствую о Мъне Самомь. съведетельство Мое истиньно есть. яко вемь отъкуду придохъ. и камо иду вы же не весте отъкуду гряду и камо иду вы же по плъти судите Азъ не сужду никомуже. аще ли сужду Азъ. судъ Мои истиньнъ есть. яко единъ несмь. нъ Азъ и посълавы Мя Отець. въ законе вашемь писано есть яко дъвою человеку съведетельство истиньно есть. Азъ есмь съведетельствуя о Мъне Самомь. и съведетельствуеть о Мьне Посълавыи Мя Отець глаголашя Ему къто есть Отець Твои. отъвеща Иисусъ ни Мене весте ни Отьца Моего. аще Мя бысте ведели. и Отца Моего бысте ведели. сия глаголы глагола Иисусъ. въ газофилакии учя въ црькъви и никъто же не ятъ Его. яко не у бе пришьла година Его. Рече Господь. къ пришьдъшиимъ Не му иудеомъ. Азъ иду и възищете Мене. и въ гресе вашемь умьрете. яко яможе Азъ иду. вы не можете прити глаголаху же иудеи еда ся Самъ убиеть. яко глаголеть. яможе Азъ иду вы не можете прити и рече имъ Иисусъ. вы отъ нижьнихъ есте Азъ отъ вышьнихъ есмь. вы отъ сего мира есте. Азъ отъ сего мира несмь. рекохъ убо вамъ. яко умьрете въ гресехъ вашихъ. глаголааху же Ему иудеи Ты къто еси. и рече имъ Иисусъ начятъкъ яко и глаголахъ вамъ мъного имамъ глаголати и судити нъ Посълавы Мя истиньнъ есть и Азъ яже слышахъ отъ Него. си глаголю въ вьсемь мире. и не разумешя яко о Отьци имъ глаголааше рече же имъ Иисусъ. егда възнесете Сына Человечьскааго. тогда разумеете яко Азъ есмь. и о Себе ничесоже не твору. нъ якоже научи Мя Отець. си глаголю и посълавы Мя Отець съ Мъною есть. не остави Мене единого Отець. яко Азъ угодьна Ему твору вьсегда си глаголющу Ему. мънози веровашя въ Него. Рече Господь. къ веровавъшиимъ къ Нему иудеомъаще вы пребудете въ словеси Моемь. въистину ученици Мои будете. и разумеете истину. и истина свободить вы. отъвещашя же Ему. семя Авраамле есмъ. и никому же не работахомъ николиже. како Ты глаголеши яко свободъ будете. отъвеща имъ Иисусъ аминъ аминъ глаголю вамъ. яко вьсакъ творяи грехъ. ра бъ есть греху а рабъ не пребываеть въ дому въ векы сынъ же пребываеть въ векы аще бо Сынъ вы свободить. въ истину свободъ будете. вемь яко семя Авраамле есте нъ ищете Мене убити. яко слово Мое не въмещаеться въ вы Азъ яже видехъ у Отца Моего глаголю. и вы убо яже видесте у отца вашего творите. отъвещашя и решя Ему отьць нашь Авраамъ есть. глагола имъ Иисусъ аще чяда Авраамля бысте были. дела Авраамля творили бысте ныне же ищете Мене убити. Человека иже истину вамъ глаголахъ. яже слышахъ отъ Бога. сего Авраамъ несть творилъ. вы творите дела отца вашего. решя же Ему мы отъ любодеа ния несмь рождени. мы единого Отца имаамъ Бога. рече же имъ Иисусъ. аще Богъ Отець вашь бы былъ. любили Мя бысте. Азъ бо отъ Бога изидохъ и придох. Рече Господь. къ пришъдъшиимъ къ Нему иудеомъ аще Богъ Отець вашъ бы былъ. люби ли Мя бысте. Азъ бо отъ Бога изидохъ и придохъ. не о Себе бо придохъ. нъ Тъ Мя посъла почьто беседы Моея не разумеете. яко не можете слышати словесе Моего вы отъ отца диявола есте. и похоти отца вашего хощете творити. онъчеловекоубиица бе испрьва. и въ истине не стоить. яко несть истины въ немь. егда глаголеть лъжу. отъ своихъ глаголеть. яко лъжъ есть и отець его. Азъ же зане истину глаголю. не емлете веры Мъне. къто отъ васъ обличаеть Мя о гресе. аще истину глаголю. почьто вы не емлете веры Мъне иже есть отъ Бога. глаголъ Божии послуша еть. сего ради вы не послушаете. яко отъ Бога несте отъвещашя иудеи. и рекошя Ему не добре ли глаголемъмы. яко самарянинъ еси Ты и бесъ имаши. отъвеща Иисусъ. Азъ беса не имамъ. нъ чьту Отца Моего. и вы нечьтете Мене. Азъ же не ищу славы Моея. есть ищяи и судя аминъ. аминъ. глаголю вамъ аще къто слово Моесъблюдеть. съмьрьти не имать видети въ векъ. рекошя же Ему иудеи. ныне разумехомъ яко бесъ имаши. Авраамъ умретъ и пророци. и Ты глаголеши. яко аще къто слово Мое съблюдеть. не имать въкусити съмьрьти въ векъ еда Ты болии еси отца нашего Авраама. иже умьретъ и пророци умрешя. кого ся Самъ твориши. отъвеща Иисусъ. аще Азъ славлю ся Самъ. слава Моя ничьтоже есть. есть Отець Мои славяи Мя. Егоже вы глаголете. яко Богъ нашь есть и не познаете Его. Азъ же вемь И. и аще рекуяко вемь Его. буду подобьнъ вамъ лъжъ. нъ вемь И. и слово Его съблюдаю Авраамъ отець вашъ радъ бы былъ да бы виделъ дьнь Мои. и виде и въздрадовася. рекошя же иудеи къ Нему. пятьдесятъ леть не у имаши. Авраама ли еси виделъ. рече имъ Иисусъ. аминъ. аминъ глаголю вамъ прежде даже не бысть Авраамъ Азъ е смь възяшя же камение да вьрьгуть на Нь. Иисусъ же съкрыся. и изиде изъцрькъве. и прошъдъ посреде ихъ. идяаше и хождааше.
Въ время оно. мимо иды Иисусъ. виде чловека слепа отъ рожьства и въпросишя И ученици Его глаголюще. Равви. къто съгреши. сь ли или родителя его. да слепъ родися. отъвеща Иисусъ. ни сь съгреши ни родителя его. нъ да явяться дела Божия на немь Мъне подобаеть делати дела Посълавъшааго Мя. доньдеже дьнь есть. придеть же нощь. егда никътоже не можеть делати. егда же въ мире есмь. светь есмь миру. си рекъ плину на землю. и сътвори бръние отъплюновения. и помаза ему очи бръниемъ. и рече ему. иди умыися въ купели Силуамьсте. еже съказаеться посъланъ шьдъ же и умыся и приде видя суседи же и иже беаху видели прежде яко слепъ бе. глаголааху. не сь ли есть седяи и прося. друзии же глаголааху подобьнъ Ему есть. онъ же глаголааше яко азъ есмь. глаголааху же Ему. како ти ся отъврьзоста очи отъвеща онъ и рече Человекъ нарицаемыи Иисусъ. бръние сътвории помаза очи мои. и рече ми идивъ купель Силуамлю и умыися. шьдъ же и умывъся прозьрехъ рекошя же ему къто Сь есть глагола не вемь. ведошя же и къ фарисеомъ. иже бе иногда слепъ. бе же субота. егда сътвори бръние Иисусъ. и отъвьрьзе ему очи. пакы же въ прашааху и фарисеи како прозьре. онъ же рече имъ. бръние положи мъне на очию. и умыхъся и вижду. глаголааху же едини отъ фарисеи несть сь отъ Бога Человекъ. яко суботы не чьтеть друзии же глаголааху. како можеть человекъ грешьнъсица знамения творити . и распьря бе въ нихъ глаголашя же слепьцу пакы ты чьто глаголеши о Немь яко отвьрзе очи твои. онъ же рече яко пророкъ есть не яшя же веры иудеи о немь. яко бе слепъ и прозьре. доньде же възгласишя родителя тогопрозьревъшааго. и въгласишя я глаголюще. сь ли есть сынъ ваю. его же вы глаголета яко слепъ родися. како убо ныне видить. отъвещаста имъ родителя его и рекоста. вевеве яко сь есть сынъ наю. и яко слепъ родися. како же ныне видить не веве. или къто ему отъ вьрьзе очи. ве не веве. самого въпросите. самъ въздрастъ имать самъ о себе. да глаголеть. си рекоста родителя его. яко боястася иудеи. уже бо бяаху ся съложили иудеи. да аще къто исповесть Христа. отълученъ съборища будеть. сего ради родителя его рекоста. яко въздрасть имать самого въ просите възвашя же въторое чловека иже бе слепъ. и рекошя ему даждь славу Богу мы вемь. яко Чловекъ Сь грешьнъ есть. отъвеща онъ и рече. аще грешьникъ есть невемь. едино вемь. яко слепъ бехъ. ныне же вижду. рекошя же Ему пакы. чьто сътвори тебе. како отъвьрьзе очи твои отъвеща имъ. рекохъ вамъ и не слышасте. чьто еще хощете слышати. еда и вы хощете ученици Его быти они же укоришяи. и решя ему ты ученикъ еси Того мы же Моисеови есмь ученици. мы вемь яко Мосиеови глагола Богъ Сего же не вемъ. отъкуду есть отъвеща человекъ и рече имъ. о семь бо дивьно есть. яко вы не весте отъкуду есть и отъвьрьзе очи мои вемь же. яко грешьныихъ Богъ не послушаеть нъ аще къто Бого чьтьць есть. и волю Его творить. того послушаеть отъ века несть слышано. яко отвьрьзе къто очи слепу рождену. аще Сь не бы отъ Бога былъ. не моглъ бы творити ничесоже. отъвеща шя и рекошя ему въ гресехъ родилъся еси вьсь. и ты ли ны учиши. и изгънашя же и въ нъ слышавъ же Иисусъ. яко изгънашя и вънъ. и обретъ и рече ему ты веруеши ли въ Сынъ Божии. отъвеща онъ и рече и къто есть Господи да веру иму въ Нь рече ему Иисусъ. и виделъ И еси. и глаголяисъ тобою Тъ есть онъ же рече верую Господи. и поклонися Ему. Рече Господь. къ пришъдъшиимъ къ Нему иудеомъ на судъ Азъ въ сь миръ придохъ да не видящеи видять. и видящеи слепи будуть слышашя же отъ фарисеи си. сущии съ Нимь. и решя Ему. еда и мы слепи есмь. рече имъ Иисусъ. аще бысте слепи были. не бысте имели греха. ныне же глаголете яко видимъ. и грехъ вашъ пребываеть
аминъ. амиинъ. глаголю вамъ. не въходяи двьрьми въ дворъ овьчии. нъ прелазя инуду. тать есть и разбоиникъ. а въходяи двьрьми пастырь есть овъцамъ. сему вратарь отъврьзаеть. и овьца гласъ его слышять и своя овьця глашаеть по имени. и и згонить я. и егда своя овьця ижденеть. предъ ними ходить и овьця по немь идуть. яко ведять гласъ его по щуждемь же не идуть. нъ бежять отъ него. яко не знають щужди ихъ гласа сию притъчу рече имъ Иисусъ они же не разумешя. чьто бешя яже глаголааше имъ. рече имъ пакы Иисусъ аминъ. аминъ. глаголю вамъ. Азъ есмь двьрь овьцамъ. вьсе елико ихъ приде прежде Мене. татие суть и разбоиницинъ не послушашя ихъ овьця. Азъ есмь двьрь. Мъною аще къто вънидеть. спасеться. и вънидеть и изидеть. и пажить обрящеть. тать не приходить. нъ да украдеть и убиеть и погубить Азъ придохъ да животъ имуть и лише имуть. Азъ есмь пастухъ добрыи. пастухъ добрыи. душу свою полагаеть за овьця. а наимьникъ. иже несть пастырь. емуже не суть овьця своя. видить вълкъ грядущъ. и оставяеть овьця. и бегаеть. и вълкъ расхытить я. и распудить овьця. а на имьникъ бежить. яко наимьникъ есть и небрежеть о овьцахъ Азъ есмь пастырь добрыи. и знаю Моя. и знають Мя Моя. яко же знаеть Мя Отець. и Азъ знаю Отца. и душу Мою полагаю за овьця. и ины овьця имаамъ. яже не суть отъ двора сего. и ты Ми подобаеть привести. и гласъ Мои услышять. и будеть едино стадо. и единъ Пастырь. Рече Господь. къ пришъдъшиимъ къ Нему иуде омъ сего ради Мя Отець любить. яко Азъ полагаю душу Мою. да пакы приму ю никъто же възьметь ея отъ Мене нъ Азъ полагаю ю о Себе область имамъ положити ю и область имамъ пакы прияти ю сию заповедь прияхъ отъ Отца Моего распьря же пакы бысть въ иудеихъ. засловеса си. глаголаху же мънози отъ нихъ. бесъ имать. и неистовъ есть чьто Его послушаете. ини глаголааху. си глаголи не суть бесьнующаагося. еда бесъ можеть слепомъ очи отврести Бышя же тогда священия въ Иерусалимехъ. и зима бе и хождааше Иисусъ въ црькъви. въ притворе Соломони. объидошя же И иудеи. и глаголааху Ему доколе душя нашя въ землеши. аще Ты еси Христосъ. рьци намъ не обинуяся отъвеща имъ Иисусъ. рехъ вамъ и не веруете дела яже Азъ творю. въ имя Отьца Моего. та съведетельствують о Мне. нъ вы не веруете несте бо отъ овьць Моихъ. якоже рекохъ вамъ. овьця Моя гласа Моего послушають и Азъ знаю я. и по Мъне идуть. и Азъ животъ вечьныи даю имъ. Отець Мои. иже дасть Мъне. болии вьсехъ есть и никътоже не можеть въсхытити ихъ отъ рукы Отца Моего. Азъ и Отець едино есве. възяшя же камение иудеи. да И побиють. отъвеща имъ Иисусъ мънога дела добра явихъ вамъ. отъ Отьца Моего. за кое дело камение на Мя мещете. отъвещашя Ему июдеи глаголюще. о добре деле камения не мещемъ на Тя. нъ о власфимии. яко Ты Чловекъ сы. твориши ся Самъ Богъ. отъвеща имъ Иисусъ несть ли писано въ законе вашемь. яко Азъ рехъ бози есте. аще оны нарече богы. къ нимъже бысть слово Божие и не могуть ся разорити кънигы Егоже Отець святи. и посъла въ миръ вы глаголете. яко власфимисаеши зане рекохъ. яко Сынъ Божии есмь аще не творю делъ Отца Моего не имете Ми веры. аще ли творю. аще и Мъне веры не емлете. деломъ Моимъ веру имете да разумеетеи веру имете. яко въ Мъне Отець и Азъ въ Отци.
Въ время оно. бе единъ боля Лазарь отъ Вифания градьца Мариина и Марфы сестры ея. бе же Мария. помазавъшия Господа миръ мь. и отьръши нозе Его власы своими. ея же братъ. Лазарь болеаше. посъласте же сестре его къ Нему. глаголющи Господи. се егоже любиши болить. слышавъ же Иисусъ рече. си болезнь несть къ съмрьти. нъ о славе Божии. да прославитъся Сынъ Божии ею. люблеаше же Иисусъ Марфу. и сестру ея и Лазаря. егда же слыша яко болить. тогда пребысть на немьже бе месте дъва дьни потомьже. глагола ученикомъ идемъ въ Иудею пакы. глагола шя Ему ученици Его. Равви. ныне искааху Тебе камениемь побити иудеи и пакы ли идеши тамо. отъвеща Иисусъ. не дъве ли надесяте године есте въ дьни. аще къто ходить въ дьне. не потъкнеться. яко светъ мира сего видить. аще ли къто ходить нощию потъкнеться. яко света несть о немь. си рекъ. и посемь глагола имъ. Лазарь другъ нашь усъпе. нъ иду да възбужду и. рекошя же ученици Его. Господи аще усъпе. спасенъ будеть. рече же Иисусъ. о съмьрти его. они же мьнешя. яко о усъпении съну глаголеть. тогда. рече имъ Иисусъ не обинуяся. Лазарь умре. и радуюся васъ ради. да веру имете. яко не бехъ ту. нъ идемъ къ нему. рече же Фома нарицаемы и Близньць. къ ученикомъ. идемъ и мы. да умьремъ съ Нимь. Пришьдъ же Иисусъ въ Вифанию. обрете и четыри дьни уже имуща въ гробе. бе же Вифания. близъ Иерусалима. яко. 15. поприщь мнози же отъ иудеи беаху пришъли къ Марфе и Марии. да утешять и о брате ею. Марфа же. егда услыша яко Иисусъ грядеть. сърете И а Мария. дома седеаше. рече же. Марфа къ Иисусови. Господи. аще бысьде былъ. не бы братъ мои умьрлъ. нъ и ныне вемь. яко егоже колижь до просиши отъ Бога. дасть Тебе Богъ. глагола еи Иисусъ въскрьснеть братъ твои. глагола Ему Марфа. вемь. яко въскрьснеть въ въскрешение въ последьнии дьнь. рече же Иисусъ. Азъ есмь животъ и въскрешение веруяи въ Мя. аще умьреть оживеть и вьсякъ живыи. и веруя въ Мя. не умьреть въ векъ. имеши ли веру сему глагола Ему. еи Господи. азъ верую. яко Ты еси Христосъ Сынъ Божии. грядыи въ миръ. и се рекъши. иде. и призъва Марию сестру свою. отаи и рекъши. Учитель се есть и зоветь тя она же яко услыша. въста скоро и иде къ Нему. не уже бе пришълъ Иисусъ въ вьсь. нъ бе на месте еще. идеже сърете И Марфа. иудеи же сущеи. съ нею въ дому. и утешающе ю видевъше Марию. яко скоро въста и изиде. по неи идошя. глаголюще. яко идеть на гробъ да плачеться ту. Мария же. яко приде идеже бе Иисусъ. видевъши И паде Ему на ногу. глаголющи Ему Господи. аще бы былъ сьде. не бы мои братъ умьрлъ Иисус же. яко виде ю плачущу ся. и пришъдъшяя съ нею. иудея плачущася. запрети духу и възмутися Самъ. и рече. къде положисте и. глаголашя Ему Господи. приди и виждъ. и просльзися Иисусъ глаголаху же иудеи. виждъ како любляаше и неции же отънихъ решкошя не можаше ли Сь. отврьзыиочи слепууму. сътворити. да и сь не умьреть. Иисусъ же пакы претя въ себе. приде къ гробу. бе же пещера. и камень належааше на неи. глагола же Иисусъ. възьмете камень. глагола Ему сестра умьръшааго Марфа. Господи уже смрьдить. четвредьневьнъ бо есть. глагола еи Иисусъ. не рекохъ ли ти. яко аще веруеши узьриши славу Божию. възяшя же камень. идеже бе умьрыи лежя. Иисусъ же възведъ очи горе. и рече. Отче. хвалу Тебе въздаю. яко услыша Мя. Азъ же ведеахъ яко вьсегда Мене послушаеши. нъ народа ради стоящааго окрьстъ. рехъ. да веру имуть. яко Ты Мя посъла. и се рекъ. гласъмь великъмь възъва. Лазаре гряди вънъ. и абие изиде умьръи. обязанъ ногама и рукама. укроимь. и лице его убрусъмь обязано. и глагола имъ Иисусъ. раздрешите и. и не деите его ити. мънози же отъ иу деи. пришъдъше къ Марии. видевъше еже сътвори Иисусъ. веровашя въ Него. Въ время оно. събьрашя архиереи и фарисеи съборъ. и глаголааху чьто сътворимъ. яко Человекъ Сь знамение мънога творить аще оставимъ И тако. вьси веру имуть въ Нь. и придуть римляне. и възьмуть и место и я зыкъ нашъ. единъ же некыи отъ нихъ Каиафа архиереи сы лету тому. рече имъ вы не весте ничесо же. ни помышляяете. яко уне есть вамъ. да единъ человекъ умьреть за люди. а не вьсь языкъ погыбнеть. сего же о себе не рече нъ архиереи сы лету тому прорече. яко хотеаше Иисусъ умрети за люди. и не тъкъмо за люди. нъ да и чяда Божия расточеная събереть въедино. отъ того же дьне съвещашя. да И бышя убили. Иисусъ же кътому не яве хождааше въ Иудеихъ нъ иде отътуду въ страну. близъ пустыня. въ Ефремъ нарицаемыи градъ. и ту живеаше съ ученикы Своими.
Прежде шестидьни Пасхы. приде Иисусъ въ Вифанию. идеже бе Лазарь умьрыи. егоже въскреси из мьртвыихъ. сътворишя же Ему вечеру ту. и Марфа служааше. Лазарь же единъбе отъ възлежящиихъ съ Нимь Мария же. приимъши литру мира. нарда пистикия мъногоценьныя. помаза нозе Иисусове. и отьре власы своими нозе Его. храмина же. напълнися отъ воня мирьныя глагола же единъ отъ ученикъ Его. Июда Симонъ. Искариоть скыи. иже хотеаше предати И чесо ради миро се не продано бысть на трьхъсъ техъ съребрьникъ. и дано нищиимъ. се же рече. не яко о нищиихъ печаашеся. нъ яко тать бе. и рачицу имы. и въметаемая ношааше. рече же Иисусъ. не деи ея. въ дьнь погребения Моего съблюдеть ю. нищяя бо вьсегда съ собою имаате. Мене же не вьсегда имаате. разуме же народъ мъногъ отъ иудеи. яко ту есть и придошя. не Иисуса ради тъкъмо. нъ да и Лазара видять егоже въскреси отъ мрьтвы ихъ. съвещашя же архиереи. да и Лазара у биють. яко мънози его ради. идеаху иудеи. и веровааху въ Иисуса въ утреи же дьнь. народъ мъногъ пришьдъи въ праздьникъ. слышавъше. яко Иисусъ идеть въ Иерусалимъ. прияшя веие отъ финикъ. и изидошя противу Ему. и зъвааху глаголюще. осанна. благословленъ Грядыи. въ имя Господне. Царь Израилевъ. обретъ же Иисусъ осьля. въседе на не. яко же есть писано. не боися дъщи Сионова. се Царь твои грядеть. седя на жребяте осьли. сихъ же. не разумешя ученици Его прежде. нъ егда прослави ся Иисусъ. тогда помянушя. яко си бешя о Немь писана. и си сътворишя Ему. съведетельствовааше же народъ. иже бе съ Нимь егда Лазара възгласи отъ гроба. и въскреси его отъ мрьтвыихъ. сего ради. и протииву изиде Ему народъ. яко слышашя И сътворьша знамение. Въ время оно. съветъ сътворишя фарисеи на Иисуса. рекошя къ себе видите. яко никая же польза есть се вьсь миръ по Немь иде бяаху же елини неции отъ въшьдъшихъ. да поклонятъся въ праздьникъ. си же приступишя къ Филипу иже бе отъ Видъсаиды Галилеискыя. и моляху и глаголюще. господи. хощемъ Иисуса видети. приде Филипъ. и глагола Аньдреови. и пакы Андрея и Филипъ. глаголаста Иисусови Иисусъ же отъвещаима глаголя. приде година да прославиться Сынъ Чловечьскыи. амиинъ. аминъ. глаголю вамъ. аще зьрьно пьшеничьно. падъ въ земли не умьреть. то едино пребываеть аще ли умьреть. многъ плодъ сътворить. любяи душу свою погубить ю. и ненавидяи душя своея въ мире семь. въ животе вечьнемь съхранить ю. аще къто Мъне служить. по Мъне да ходить. идеже Азъ есмь. ту и слуга Мои будеть аще къто Мъне служить. почьтеть и Отець. нынедуша Моя възмутися и чьто реку. Отче спаси Мя отъ гоидны сея нъ сего ради придохъ на годину сию. Отьче прослави имя Твое приде же гласъ съ небесе и прославихъ. и пакы прославлю. народъ же стоя и слышавъ. и глаголааху громъ бысть. ини глаголаху ангелъ глагола Ему. отъвеща Иисусъ и рече. не Мене ради гласъ сь бысть. нъ васъ ради. ныне судъ есть миру сему. ныне кънязь мира сего изгънанъ будетъ вънъ. и азъ аще възнесенъ буду отъ земля. вься привлеку къ Себе. се же глаголааше знаменая. коею съмьрьтию хотеаше умрети. отъвеща Ему народъ мы слышахомъ отъ закона. яко Христосъ пребываеть въ векы. и какоТы глаголеши. възнестися подобаеть Сыну Человечьскууму. къто Сь есть Сынъ Человечьскыи. рече же имъ Иисусъ. еще мало время. светь въ васъ есть ходите. доньдеже светь имаате. да тьма васъ не иметь и ходяи въ тьме. не весть камо идеть донь деже светъ имате. веруите въ светъ. да сынове свету будете. толика же знамения сътворьшу Ему предъ ними. не веровааху въ Нь. да слово Исаия пророка събудеться. еже рече. Господи. къто верова слуху нашему. и мышьца Господня кому отъкрыся. сего ради не можааху веровати. яко пакы рече Исаия. ослепи очи ихъ. и окаменилъ есть срьдьца ихъ. да невидять очима. и не разумеють сердцемь. и о братятъся и исцелю я. си рече Исаия. егда виде славу Его. и глагола о Немь. обаче убо и отъ кънязь. мънози веровашя въ Нь. нъ фарисеи ради не исповедааху. да не исъборища изгънани будуть. възлюбишя бо паче славу человечьску. неже славу Божию. Иисусъ же възъва и рече. веруяи въ Мя. не веруеть въ Мянъ въ Посълавъшааго Мя. и видя и Мя. видить Посълавъшааго Мя Азъ светь въ миръ придохъ. да вьсякъ веруяи въ Мя. въ тьме не пребудеть. и аще къто услышить глаголы Моя. и не веруеть. Азъ не сужду ему. не придохъ бо да сужду миру. нъ да съпасу миръ.
Прежде праздьника Пасхы. веды Иисусъ. яко приде Ему година. да преидеть отъ мира сего къ Отцу. възлюбль Своя сущяя въ вьсемь мире. до коньца възлюби я. и вечери бывъши. дияволу уже въложьшу въ сердце Июде. Симонову Искариотьскууму. да Его предасть. ведыже Иисусъ. яко вься дасть Ему Отець въ руце. и яко отъ Бога изиде. и къ Богу идеть. въставъсъ вечеря. положи ризы Своя и приимъ лентии. препоясася. потомь вълия воду въ умывальницу. и начатъ умывати ногы ученикомъ. и отиратилентиемь. и мьже бе препоясанъ. приде же къ Симону Петру. и глагола Ему тъ. Господи Ты ли мои умыеши нозе. отъвеща Иисусъ. и рече ему еже Азъ твору. ты не веси ныне. разумееши же по сихъ. глагола Ему Петръ. не умыеши моею ногу въ векъ. отъвеща ему Иисусъ. аще не умыютебе. не имаши чясти съ Мъною глагола Ему. Симонъ Петръ. Господи не нозе мои тъкъмо. нъ и руце и главу. глагола Ему Иисусъ. измъвеныи. не требуеть тъкъмо нозе умыти. есть бо вьсь чистъ. и вычисти есте. нъне вьси. ведяаше бо предающааго И. се го ради рече. яко не вьси чисти есте. Въ время оно. егда умы Иисусъ. нозе ученикомъ Своимъ. приятъ ризы Своя. и възлеже пакы. рече имъ весте ли. чьто сътворихъ вамъ. вы глашаете Мя. Учитель и Господь. и добре глаголете есмь бо. аще убо Азъ умыхъ ваши нозе. Господь и Учитель. и вы дълъжьни есте другъ другу. умывати нозе. образъ бо дахъ вамъ. да якоже Азъ сътворихъ вамъ. и вы творите амин. амин. глаголю вамъ. несть рабъ. боли и господина своего. ни апостолъ болии посълавъшааго и. аще си творите. блажени есте. аще си творите я. Рече Господь къ Своимъ ученикомъ. ныне прославися Сынъ Человечь скыи. и Богъ прославися о Немь аще Богъ прославися о Немь. и Богъ прославить И въ Себе. и абие прославить И. чядьца. еще мало съ вами есмь. възищете Мене. и яко же рекохъ иудеомъ. яко я може Азъ иду. вы не можете прити. и вамъ глаголю ныне. заповедь новудаю вамъ. да любите другъ друга. яко же възлюбихъ вы. да и вы любите другъ друга. о семь разумевають вьси. яко Мои ученици есте. аще любъве имаате между собою Глагола Ему Симонъ Петръ. Господи камо идеши. отъвеща Ему Иисусъ. яможе Азъ иду. не можеши ныне по Мъне ити. последь же по Мъне идеши. глагола Ему Петръ. Господи. почьто не могу ныне по Тебе ити. ныне душу мою за Тя положу. отъвеща Иисусъ. душу ли твою за Мя положиши. амин. амин глаголю тебе не възгласить куръ. доньдеже отъвьржешися Мене трикраты.
Рече Господь. къ ученикомъ Своимъ. да не съмущаеться сердце ваше веруите въ Богъ. и въ Мя веруите. въ дому Отца Моего обители мъногы суть аще ли же ни реклъ быхъ вамъ. яко иду уготоваю место вамъ. па кы приду и поииму вы къ Себе. да идеже Азъ есмь и вы будете. и ямо же Азъ иду весте. и путь весте. глагола Ему Фома. Господи. не вемь камо идеши и како путь можемъ ведети. глагола ему Иисусъ. Азъ есмь путь и истина и животъ. никътоже придеть къ Отцу. тъкъмо Мъною аще Мя бысте знали. и Отца Моего знали бысте убо. отъселе знаете И. и видесте И. глагола Ему Филипъ. Господи покажи намъ Отца. и довьлеть намъ глагола ему Иисусъ. толико время съ вами есмь и не познали Мене Филипе. видевыи Мене виде Отца. и како ты глаголеши. покажи намъ Отца не веруеши ли. яко Азъ въ Отци. и Отець въ Мъне есть глаголы яже Азъ глаголю вамъ. о Себе не глаголю Отець же пребывая въ Мъне. Тъ творить дела веруите Мъне. яко Азъ въ Отци. и Отець въ Мъне. амиинъ. аминъ глаголю вамъ. веруяивъ Мя дела яже Азъ творю. и тъ сътворить и бо льша сихъ сътворить. яко Азъ къ Отцю гряду и егоже колижьдо просите въ имя Мое то сътвору. да прославиться Отець о Сыну и а ще чесо просите въ имя Мое. Азъ сътвору аще любите Мя. заповеди Моя съблюдете. и Азъ умолю Отца за вы. и иного Параклита дасть вамъ. да будеть съ вами въ векъ. Духъ истиньныи. Егоже миръ не можеть прияти. яко не видить Его ни знаеть Его. вы же знаете И яко въ васъ пребываеть. и въ васъ будеть не оставлю васъ сиръ. приду къ вамъ еще мало и миръ Мене кътому не видить. вы же видите Мя. яко Азъ живу. и вы живи буде те. въ тъ дьнь разумеете вы. яко Азъ въ Отци Моемь. и вы въ Мъне. и Азъ въ васъ имеяи заповеди Моя. и съблюдая я тъ есть любя и Мя. а любя и Мя. възлюбленъ будеть Отьцемь Моимь. и зъ възлюблю и. и явлюся ему Самъ глагола Ему Июда не Искариотьскыи. Господи. и чьто бысть. яко намъ явитися хощеши. а не вьсему миру. отъвеща Иисусъ и рече ему аще къто любить Мя слово Мое съблюдеть. и Отець Мои възлюбить и. и къ нему идеве и обитель у него сътвориве. а не любя и Мене словесъ Моихъ не съблюдеть. и слово еже слышасте несть Мое нъ посълавъшааго Мя Отца. си глаголахъ вамъ въ васъ сы. Парааклитъ же Духъ Святыи. Его же посълеть Отець въ имя Мое. Тъ вы научить вьсему. и въспомянеть вамъ вься. яже рекохъ вамъ. миръ оставляю вамъ. миръ Мои даю. вамъ. не якоже вьсь миръ даеть. Азъ даю вамъ. да не съмущаеться сердце ваше. ни устрашаеть слышасте яко Азъ рекохъ вамъ. иду. и приду къ ва мъ. аще бысте любили Мя въздрадовалися бысте убо. яко иду къ Отцу. яко Отець болии Мене есть. и ныне рекохъ вамъ прежде да же не будеть. да егда будеть веру имете. уже не мъного глаголю съ вами. грядеть бо сего мира кънязь. и въ Мъне не имать ничесоже. нъ да разумееть миръ. яко люблю Отца. и якоже заповеда Мъне Отьць. тако твору. въстанете идемъ отъ суду.
Азъ есмь лоза истинъная и Отець Мои делатель есть вьсяку розгу о Мъне плода не творящую изьметь ю и вьсяку творящую плодъ. отребить ю. да плодъ болии сътворить уже вы чисти есте за словоеже глаголахъ вамъ будете въ Мъне. и Азъ въ васъ. яко бо розга не можеть плода сътворити о себе. аще не будеть на лозе. тако и вы. аще въ Мъне не пребудете Азъ есмь лоза а вырождие. иже будеть въ Мъне. и Азъ въ немь сътворить плодъ мъ ногъ. яко без Ме не не можете творити ничесоже аще къто въ Мъне не пребудеть. извьрьжеться въ нъ яко розга ни съшеть и събирають ю. и въ огнь вълагають и съгараеть. аще пребудете въ Мъне. и глаголи Мои въ васъ пребудуть. е муже колижьдо хощете просите и будеть вамъ. о семь прославися Отець Мои. да плодъ мъногъ сътворите. и будете Мои ученици. якоже възлюби Мя Отець. и Азъ възлюбихъ вы. будете въ любъви Моеи. аще заповеди Моя съблюдете. пребудете въ любъви Мое и. якоже Азъ. заповеди Отца Моего съблюдохъ. и пребываю въ Него любъви. си глаголахъ вамъ. да радость Моя въ васъ будеть. и радость ваша наспълниться. си же есть заповедь Моя. да любите другъ друга. якоже възлюбихъ вы. большя сея любъве никътоже не иматъ. да къто душу свою положить за другы своя. вы друзи Мои есте. аще творите. елико Азъ заповедаю вамъ. южене глаголю васъ рабъ. рабъ бо невесть чьто творить господь его. вы же рекохъ другы. яко вьса яже слышахъ отъ Отца Моего. съказаахъ вамъ. не вы Мене избьрасте. нъ Азъ избьрахъ вы. и положихъ вы. да и вы идете и плодъ принесете. и плодъ вашь пребудеть. да его же колижьдо просите отъ Отьца въ имя Мое дасть вамъ. Си заповедаю вамъ. да любите другъ друга. аще миръ васъ ненавидить. ведите яко Мене прежде васъ възненавиде. аще отъ мира бысте были. миръ убо свое любилъ бы. нъ якоже отъ мира несте. нъ Азъ избьрахъ вы отъ мира. сего ради ненавидить васъ миръ. помьните слово еже Азъ рекохъ вамъ. нестъ рабъ болии господа своего. аще Ме не изгнашя. и вы ижденуть. аще слово Мое съблюдошя. и ваше съблюдуть. нъси вься сътво рять вамъ за имя Мое. яко не ведять Посълавъшааго Мя аще не быхъ пришълъ и глаголалъ имъ. греха не бышя имели. ныне же вины не имуть о гресе своемь. ненавидя и Мене. и Отца Моего ненавидить. аще делъ не быхъ сътворилъ въ нихъ. ихъже никътоже инъ не сътвори. греха не бышя имели. ныне же и видешя и възненавидешя и Мене и Отца Моего. нъ да събудеться слово писаное въ законе ихъ. яко възнена видешя Мя без ума. егда же придеть Параклитъ Его же Азъ посълю вамъ отъ Отца Духъ истиньныи. иже отъ Отца исходить Тъ съведетельствуеть о Мъне. и вы же съведетельствуете. яко исъкони съ Мъною есте.
си глаголахъ вамъ. да не съблазнитеся. отъ съньми щь ижденуть вы. нъ придеть година. да вься къ иже убиеть вы. мьниться служьбу приносити Богу. и си творять вамъ. яко не познашя Отца ни Мене нъси глаголаахъ вамъ. да егда придеть година. поминаите си. яко Азъ рекохъ вамъ. сихъ же вамъ испьрьва не рекохъ. яко съ вами бехъ ныне же иду къ Посълавъшуу му Мя. и никъ тоже отъ васъ не въпрашаеть Мене. камо идеши. нъ яко си глаголаахъ вамъ. скъръбь и сплъни сердце ваше. нъ Азъ истину вамъ глаголю. у не есть вамъ. да Азъ иду. аще бо не иду Азъ. Параклитъ не придеть къ вамъ. аще ли иду посълю И къ вамъ и пришъдъ Онъ. обличить мира. о гресе и о правьде. и о суде о гресе убо. яко не верують въ Мя о правьде же. яко иду къ Отцу. и къ тому не видите Мене о суде же. яко кънязь мира сего осужденъ бысть еще мъного имамъ глаголати вамъ. нъ не можете носити ныне егда же придеть онъ Духъ истиньныи. наставить вы на всяку истину. Рече Господь. къ ученикомъ Свои мъ. вься елико иматъ Отець Моя сутъ. сего ради рекохъ. яко отъ Моего приметь. и въ звестить вамъ въмале и къто му не видите Мене. и пакы въмале узьрите Мя. и яко Азъ иду къ Отцу. рекошя же отъ ученикъ Его къ себе. чъто се есть. еже глаголеть намъ въмале и не видите Мене. и пакы въмале и узьрите Мя. и яко Азъ иду къ Отьцу и глаголааху чьто се есть. еже глаголеть въмале не вемь чьто глаголеть разуме же Иисусъ. яко хотеаху ти въ прашати. и рече имъ. о семь ли сътязаетеся между собою. яко рекохъ. въмале и не видите Мене. и па кы въмале и узьрите Мя. амиинъ аминъ. глаголю вамъ. яко въсплачетеся. и въздры даете вы. а миръ въздрадуеться. вы же печаль ни будете. нъ печаль ваша. въ радость будеть. жена егда раждаеть печаль имаатъ. яко приде годъ ея. егда же родить отрочя. кътому не помьнить скъръби за радость. яко родися человекъ въ миръ и вы же убо ныне печальни будете. пакы же узьру вы. и въздрадуеться сердьце ваше. и радости вашея. никътоже не възьметь отъ васъ. и въ тъ дьнь Мене не въпросите ничесоже. аминъ аминъ. глаголю вамъ аще чесо просите у Отьца въ имя Мое дасть вамъ. доселе не просисте ничесоже. въ имя Мое просите и приимете. да радость ваша исплънена будеть. си въ притъчахъ глаголаахъ вамъ. придеть година. егда кътому въ притъчахъ не глаголю вамъ нъ не обинуяся о Отци. възвещу вамъ. въ тъ дьнь въ имя Мое въспросите. и не глаголю вамъ. яко Азъ умолю Отца о васъ. самъ бо Отець любить вы. яко вы Мене възлюбисте. и веровасте яко отъ Бога изидохъ и изидохъ отъ Отца. и придохъ въ миръ. пакы оставляю миръ. и иду къ Отцу. глаголашя же Ему ученици Его. се ныне не обинуяся глаголеши. а притъчя никоеяже не глаголеши. ныне вемь. яко вьсе веси. и не требуеши. да къто Тя въпрашаеть о семь веруемъ. яко отъ Бога еси ишьлъ. отъвеща имъ Иисусъ. ныне ли веруете. се грядеть година. и ныне приде. да разидеться къжъдо въ своя и Мене единого оставите и несмь единъ яко Отець съ Мъною есть. си глаголахъ вамъ. да въ Мъ не миръ имаате.
си глагола Иисусъ. и възведе очи Свои на небо и рече. Отче приде година. прослави Сына Твоего. да и Сынъ Твои прославить Тя. якоже далъ Ему еси власть. вьсякоя плъти. да вьсако еже Ему еси далъ. дасть имъ животъ вечьныи. се же есть вечьныи животъ. да знають Тебе единого истиньнааго Бога и Егоже посъла Иисусъ Христа. Азъ прославихъ Тя на земли. дело сътворихъ еже далъ еси Мъне. да сътвору. и ныне прослави Мя Отче. у Тебе Самого. славою юже имехъ преже даже не бысть миръ у Тебе. явихъ имя Твое человекомъ яже далъ еси Мъне отъ мира. Твои бешя. и Мъне я далъ еси. и слово Твое съблюдошя ныне разумешя. яко вьсе елико далъ еси Мъне. отъ Тебе суть яко глаголы яже далъ еси Мъне. дахъ имъ и ти прияшя. и разумешя въистину. яко отъ Тебе изидохъ. и веровашя яко Ты Мя посъла. Азъ о сихъ молю. не о мире молю. нъ о техъ яже далъ еси Мъ не. яко Твои суть. и Моя вься Твоя суть. и Твоя Моя. и прославихъся въ нихъ. и къ тому несмь въ мире. и си въ мире сутъ. и Азъ къ Тебе гряду. Отче Святыи съблюди я въ имя Твое. яже далъ еси Мъне да будуть едино. якоже и Мы егда бехъ съ ними въ мире. Азъ съблюдахъ я въ имя Твое. яже далъ еси Мъне. съхранихъ. и никътоже отъ нихъ не погыбе. тъкъмо сынъ погыбельныи. да събудуться кънигы ныне же къ Тебе гряду. и си глаголю въ мире. да имуть радость съ Мъною. напълнену въ себе Азъ дахъ имъ слово Твое. и миръ възненавиде я. яко не суть отъ мира. якоже и Азъ отъ мира несмь не молю да възьмеши я отъ мира. нъ да съблюдешия отъ неприязни. отъ мира не суть. якоже и Азъ отъ мира несмь. Святи явъ истину. слово Твое и истина есть. якоже Ты Мя посъла въ миръ. и Азъ посълахъ я въ миръ. и за ня Азъ свящуся Самъ. да будуть и ти священи въ истину не о сихъ же молю тъкъмо. нъ и о верующиихъ словомъ ихъ въ Мя. да вьси едино буду ть. якоже Ты Отче въ Мъне. и Азъ въ Тебе. да и ти въ Насъ. едино будуть. да и миръ веру иметь. яко Ты Мя посъла и Азъ славу юже далъ еси Мъне. дахъ имъ да будуть едино. якоже и Мы едино и Азъ въ нихъ. и ти въ Мъне. да будуть съвьршени въ едино. и да разумееть миръ. яко Ты Мя посъла. и възълюбилъ я еси. якоже и Мя възлюбилъ еси. Отьче яже далъ еси Мъне. хощу да
идеже есмь Азъ. и ти будуть съ Мъною. да видять сла
ву Мою. юже далъ еси Мъне. яко възлюбилъ Мя еси. преже съложения мира. Отче правьдьныи. и миръ Тебе не позна. Азъ же Тя познахъ. и си познашя. яко Ты Мя посъла. и съказаахъ имъ имя Твое и съкажу. да любы еюже Мя еси възлюбилъ. въ нихъ будеть и Азъ въ нихъ.
се рекъ Иисусъ. изидесъ ученикы Своими. на онъ полъ потока Кедрьска идеже бе вьртьпъ. вънь же въниде Самъ. и ученици Его. ведеаше же Июда иже И предаяаше место. яко мъногашъди събираашеся Иисусъту. съ ученикы Своими. Июда же примъспиру. и отъ архиереи и фа
рисеи слугы приде тамо. съ светильникы и съ свещами и оружии. Иисусъ же веды вьсе идущее на Нь. и ишъдъ рече имъ. кого ищете. отъвещашя Ему Иисуса Назарея. глагола имъ Иисусъ. Азъ есмь. стояаше же Июда иже И предаяше съ ними. да яко рече имъ Азъ есмь. идошя въспять. и падошя на земли. пакы же я въпроси Иисусъ. кого ищете. они же рекошя. Иисуса Назарея. отъвеща Иисусъ. рекохъ вамъ яко Азъ есмь. аще Мене ищете. не деите сихъ ити. да събудеться слово еже рече. яко яже далъ еси Мъне. не погубихъ никого же отъ нихъ. Симонъ же Петръ имея ножъ извлече и. и удари архиереова раба. и уреза ему ухо десное. бе же имя рабу Малхъ. рече же Иисусъ Петрови. въньзи ножъ въ ножьниця. чашу юже дасть Мъне Отець. не имамъ ли пити ея. спира же и тысящь никъ. и слугы иудеискыяшя Иисуса. и съ вязашя И. и ведошя И къ Анне пьрвее бе бо тьсть Каияфе. иже бе архиереи лету тому. бе же Каияфа. давыи съветъ иудеомъ. яко у не есть единому человеку умрети за люди. по Иисусе же идеаше Симонъ Петръ. и другы ученикъ. ученикъ же тъ бе знаемъ архиереови. ивъниде съ Иисусомь въ дворъ архиереовъ. Петръ же стояаше при двьрьхъ въне. изиде же ученикъ тъ иже бе знаемъ архиереови. и рече двь
рьници. въведи Петра. глагола же раба двьрьница Петрови. еда и ты отъ ученикъ еси Человека Сего. глагола онъ. несмь стояаху же раби и слугы огнь сътворьше. яко зима бе и греяахуся. бе же съ ними Петръ стоя и греяся архиереи же въ проси Иисуса. о ученицехъ Его. и о учении Его. отъвеща ему Иисусъ. Азъ не обинуяся глаголаахъ вьсему миру. Азъ вьсегда учихъ на съборищии въ церкъви. идеже вьси иудеи събираються. и отаи не глаголаахъ ничесоже. чьто Мя въпрашаеши. въпроси слышавъшяя. чьто глаголаахъ имъ. се сиведять яже рекохъ Азъ. се рекъшу Ему единъ отъ престоящиихъ слугъ. ударивъ ланиту Иисуса рекъ. тако ли отъвещаваеши архиереови. отъвеща ему Иисусъ. аще зъле глаголаахъ съведетельствуи о зъле аще ли добре чьто Мя биеши. посъла же Анна. съвязанъ къ Каияфе архиереови. бе же Симон Петръ стоя игреяся. рекошя же ему. еда ты отъ ученикъ Его еси. отъвьржеся онъ и рече. несмь. глагола единъ отъ рабъ архиереовъ. ужика сы. ему же уреза Петръ ухо. не азъ ли тя видехъ въ вьръто граде съ Нимь. пакы же Петръ отъвьржеся. и абие куръ възгласи. ведошя Иисуса. отъ Каиафы въ преторъ. бе же заутра. и ти не вънидошя въ преторъ. да не осквьрняться. нъ да едять пасху. изиде же Пилатъ къ нимъ въ нъ рече. ку ю речь приносите на Человека Сего. отъвещашя же и рекошя ему. аще не бы былъ Сь зълодеи. не быхомъ предали Его тебе рече же имъ Пилатъ. поимете И вы и по закону вашему судите Ему рекошя же ему июдеи. намъ недостоить убити никогоже. да слово Иисусово събудеться. еже рече назнаменая. коею съмьртию хотеаше умрети въниде же пакы Пилатъвъ преторъ. и призъва Иисуса. и рече Ему. Ты ли еси Царь Иудеискъ. отъвеща ему Иисусъ. о себе ли се глаголеши или ини рекошя тебе о Мъне. отъвеща Пилатъ. еда Азъ жидовинъ есмь родъ Твои. архиереи предашя Тя мъне. чьто еси сътвори лъ отъвеща Иисусъ. Царьство Мое несть отъ мира сего. аще отъ мира сего бы было Царьство Мое слугы Моя убо подвизалыся бышя да не преданъ быхъ былъ иудеомъ. ныне же Царство Мое несть отъсуду рече же Ему Пилатъ. убо Царь ли Ты еси отъвеща Иисусъ. ты глаголеши яко Царь есмь Азъ. Азъ на се родихъся и на се придохъ въ миръ. да послушьствую о истине. вьсякъ иже есть отъ истины. послушаеть гласа Моего. глагола Ему Пилатъ. чьто есть истина и се рекъ пакы изиде къ иудеомъ. и глагола и мъ. азъ ни единоя же вины не обретаю въ Немь. есть же обычаи вамъ. да единого вамъ отъпущу на Пасху. хощете ли убо да отъпущу вамъ Цара Июдеиска. възъпишя же вьси глаголюще. не Сего нъ Варавъву. бе же Варавъва разбоиникъ.
тогда поятъ Пилатъ Иисуса. и би Его. и воини съплетъше веньць отъ трьния въ зложишя на главу Ему. и въ ризу багъряну облекошя И. и прихождааху къ Нему и глаголааху. радуися Царю Июдеискъ. и бияаху И по ланитама изиде же пакы Пилатъ вънъ и глагола имъ. се извожду И вамъ вънъ. да разумеете яко въ Немь вины не обретаю изиде же Иисусъ въ нъ нося трьнянъ веньць и багъряну ризу. и глагола имъ Се Человекъ егда же видешя И архиереи и слугы. възъпишя глаголюще. распьни распьни Его. глагола имъ Пилатъ. поимете И вы и распьнете. азъ бо не обретаю въ Немь вины. отъвещашя ему июдеи. мы законъ имаамъ и по закону нашему дължънъ есть умрети. яко Сынъ Божии творить ся. егда же Пилатъ се слыша слово. паче убояся и въниде въ преторъ пакы Пилатъ. и глагола Иисусови. отъкуду еси Ты. Иисусъ же отъвета не дасть ему. глагола же Ему Пилатъ. мъне ли не глаголеши не веси ли. яко власть имамъ распяти Тя. и власть имамъ пустити Тя. отъвеща Иисусъне имаши власти не Мъне никоеяже. аще не быти дано съвыше. сего ради предавыи Мя тебе болии грехъ имать. отътоли Пилатъ искааше пустити И. июдеи же въ пияаху глаголюще. аще сего пустиши. неси другъ кесареви. вьсякъ иже ся творить царь. противиться кесареви. Пилатъ же слышавъ та словеса. изведъ вънъ Иисуса. и седе на судищи на месте нарицаемеемь ли фостротъ. евреискы же гавафа. бе же параскевги Пасхе. година же бе яко шестая. и глагола июдеомъ. се Царь вашь они же въпияаху. възьми възьми. пропьни Его. глагола имъ Пилать. Цара ли вашего распьну. отъвещашя архиереи не имамъ царатъкъмо кесара. тогда же предасть имъ да Его распьнуть. Въ время оно. стояаху прикрьсте Исусове. Мати Его. и сестра Матере Его. Мария Клеопова. и Мария Магдалыни. Иисусъ же видевъ Матере. и ученика стояща егоже любляаше. глагола Матери Своеи. Жено. се сынъ Твои. потомь же глагола ученику. се Мати твоя. и отъ того часа поятъ Ю ученикъ тъ въ своя посемь веды Иисусъ. яко вьса уже съвьршишяся. да събудуться кънигы. глагола жяжду. съсудъ же стояаше. пълнъ оцьта. губу же напълньше оцьта. на иссопъвъзньзъше. придешя къ устомъ Его. егда же убо приятъ оцьтъ Иисусъ. рече. съвьршишяся. и преклонь главу. предасть духъ. июдеи же. понеже параскевги бе. да не остануть телеса на крьсте въ суботу. бе бо великъ дьнь тоя суботы. молишя Пилата. да пре биють голени ихъ и възьмуть я. придошя воини. и прьвууму пребишя голени и другууму распятууму съ Нимь. на Иисуса же пришъдъше. яко видешя И уже умьръшь не пребишя Ему голению. нъ единъ отъ воинъ. копиемь Ему ребра прободе. и изиде абие. кръвь и вода. и видевъи съведетельствова. и истиньно есть съведетельство его. и тъ весть. яко истину глаголеть. да и вы веру имете. бышя бо си. да събудуться кънигы кость не съкрушиться отъ Него. и пакы другыя кънигы глаголють. възь рять на Нь. Его же прободошя. Въ время оно. проси у Пилата Иосифъ иже отъ Аримафея. сы ученикъ Исусовъ. таинъ же страха ради июдеиска. да възьметь тело Исусово. и повеле Пилатъ приде же и възя тело Иисусово приде же и Никодимъ. пришъдъи къ Иисусови нощию прежде. несы съмешение змирно и алоино. яко и литръ. 100. прияста же тело Иисусово. и обиста Е ризами съ ароматы. якоже обычаи есть июдеомъ погребати. бе же на ме сте идеже И распяшя вьртьпъ и въ вьртьпе гробъ новъ въ немьже николиже никътоже не бе положенъ. ту же запараскевгию июдеиску. яко близъ беаше гробъ положиста Иисуса.
Въ единыи же суботы. Мария Магдалыни. приде заутра. еще сущи тьме на гробъ. и виде камень. възятъ отъ гроба. тече же. и приде къ Симону Петру. и къ другууму ученику. егоже любляаше Иисусъ. и глагола има. възяшя Господа отъ гроба. и не вемь къде положишя И. изиде же Петръ и другыи ученикъ. идеаста къ гробу. течааста же оба въкупе и другыи ученикъ тече скорее Петра. и приде прежде къ гробу. и приникъ. виде ризы лежящя. обаче не въниде. приде же и Симонъ Петръ. въследъ его. и въниде прежде въ гробъ. и виде ри зы лежяща. и сударь. иже бе на главе Его. не съ ризами лежящь нъ особь. съвитъ на единомь месте. тогда же въниде и другыи ученикъ. пришъдъи прежде къ гробу. и виде и верова не убо ведеаху кънигъ. яко подобаеть Ему. отъ мрътвыхъ въскрьснути. идоста же пакы къ себе ученика. Въ время оно. Мария стояаше у гроба. въ не плачущися. я коже плакаашеся. приниче въ гробъ. и виде дъва ангела въ белахъ. седяща. единого у главы. и единого у ногу. идеже бе лежало. тело Иисусово. и глаголаста еи она. жено. чьто плачушеся. глагола има яко възяшя Господа Моего. ине вемь къде положишя И и си рекъши. обратися въспять. и виде Иисуса стояща. и не ведеаше яко Иисусъ есть. глагола еи Иисусъ жено. чьто плачешис. я кого иштеши. она же мьнящи яко вьртоградарь есть. глагола Ему господи аще ты възялъ еси Его. повеждь мъне. къде еси положилъ Его. и азъ възьму И. глагола еи Иисусъ Марие. обращьши же ся она. глагола Ему Раввуни. еже нарицаеться Учителю. глагола еи Иисусъ. не при касаися Мъне. не убо възидохъ къ Отцу Моему. иди же къ братии Моеи. и рьци имъ. въсхожду къ Отцу Моему. и Отцу вашему. и Богу Моему. и Богу вашему приде Мария Магдалыни. поведеющи ученикомъ. яко виде Господа. и си рече еи. Сушту позде въ тъ дьнь. Сущу позде въ тъ дьнь. въ единыи суботы. и двьрьмъ затворенамъ. иде же беху ученици Его събьрани. за страхъ июдеискъ. приде Исусъ и ста посреде ихъ. и глаголаимъ. миръ вамъ. и се рекъ. показа имъ руце и ребра Своя. въздрадовашя же ся ученици видевъше Господа. рече имъ Исусъ пакы. миръ вамъ. якоже посъла Мя Отець и Азъ посылаю вы. и се рекъ дуну и глагола имъ. приимете Духъ Святыи. имъже отъпустите грехы. отъпустятьсяимъ. и имъже дьржите дьржяться имъ. Фома же единъ отъ обоюнадесяте. нарицаемы и Близньць. не бе ту съ ними. егда приде Исусъ. глаголаху же ему друзии ученици. видехомъ Господа. онъ же рече имъ. аще не вижду на руку Его. язвы гвоздииныя. и въложу пьрста моего. въ язву гвоздииную. и въложу руку мо ю въ ребра Его. не иму веры. и по осмидьнъ. пакы бяаху вънутрь ученици Его. и Фомасъ ними. приде Исусъ двьрьмъ затворе намъ. и ста посреде. и глагола имъ. миръ вамъ. потомь глагола Фоме. принеси пьрстъ твои семо и виждь руце Мои. и принеси руку твою. и въложи въ ребра Моя. и не буди неверьнъ нъ верьнъ. отъвеща Фома и рече Ему. Господь мои и Богъ мои. глагола ему Исусъ. яко видевъ Мя верова. блажени не видевъшеи и веровавъше. мънога же ина знамения створи Исусъ. предъ ученикы Своими. яже не суть писана. въ кънигахъ сихъ. си же писана бышя. даверу имете. яко Исусъ есть Христосъ Сынъ Божии. и да верующе. живота ве чьнааго. имате въ имя Его.
Въ время оно. явися Иисусъ ученикомъ Своимъ. въставъ отъ мьртвыихъ на мори Тивериадьстеемь. яви же ся тако. беаху въкупе. Симонъ Петръ. и Фома наицаемыи Близньць. и Нафанаилъ. иже бе отъ Кана Галилеискыя. и сына Зеведеова. и ина отъ ученикъ Его дъва глагола имъ Симонъ Петръ. иду рыбъ ловитъ глаголашя ему идемъ и мы съ тобою. и изидошя и въ седошя въ корабль. и абиевъ ту нощь. неяшя ничесоже утру же абие бывъшу ста Иисусъ при брезе не познашя же ученици яко Иисусъ есть. глагола же имъ Иисусъ. дети. еда чьто сънедьно имаате. отъвещашя Ему. ни. Онъ же рече имъ. въ вьрзете одесную страну корабля мрежя и обрящете. въ вьргошя же. и кътому не можааху привлещи ея. отъ мъножьства рыбъ глагола же ученикъ. егоже любляаше Иисусъ. Петрови. Господь есть. Симонъ же Петръ слышавъ. яко Господь есть. епендитъмь препоясася. бе бо нагъ. и въвьржеся въ море. а друзии ученици. корабицемъпридошя. небешя бо далече отъ земля. нъ яко дъвесъте лакъть. влекуще мрежу рыбъ. и яко излезошя на землю. видешя огнь лежящь. и рыбу лежащу не немь и хлебъ глагола имъ Иисусъ принесете отъ рыбъ. яже ясте ныне. вълезъ же Симо нъ Петръ. извлече мрежу на землю. пълну. великыхъ рыбъ. 100. и. 50. и. 3. и толику же сущу. не протръжеся мрежа глагола имъ Иисусъ. придете обедуите. и никъто же не съмеаше отъ ученикъ. истязати Его. Ты къто еси ведуще. яко Господь есть. приде же Иисусъ. и приятъхлебъ. и дасть имъ. и рыбу такожде се уже третие е. явися Иисусъ ученикомъ Своимъ. въставъ отъ мьртвы ихъ. Въ время оно. явися Иисусъ ученикомъ Своимъ. въставъ отъ мьртвыхъ. и глагола Симону Петр. Въ время оно. явися Иисусъ ученикомъ Своимъ. въставъ отъ мрътвыихъ. и глагола Симону Петру Симоне Ионинъ любиши ли Мя паче сихъ. глагола Ему. еи Господи. Ты веси яко люблю Тя. глагола ему. паси овьця Моя. глагола ему пакы въто рое Симоне Ионинъ любиши ли Мя. глагола Ему. еи. Господи. Ты веси яко люблю Тя. глагола ему. паси овъця Моя глагола ему третиее. Симоне Ионинъ. любиши ли Мя. оскърбе же Петръ. яко рече ему третиее любиши ли Мя. и глагола Ему Господи. Ты вьсе веси. Ты веси яко люблю Тя. глагола ему. паси овьця Моя. аминъ. аминъ. глаголю тебе егда бе юнъ поясаашеся самъ. и хождааше ямо же хотяаше. егда же състареешися. въздежеши руце твои. и инътя пояшеть. и ведеть тя яможе не хощеши. се же рече знаменая. коею съмрьтию прославить Бога. и се рекъ глагола ему иди по Мъне. обращь же ся Петръ. виде ученика егоже любляаше Иисусъ идуща въследъ. иже и възлеже на вечери пьрьси Его и рече Господи къто есть предаяи Тя. сего видевъ Петръ. глагола Иисусови Господи. а сь чьто. глагола ему Иисусъ. аще хощу да тъ пребываеть. доньдеже приду чьто е тебе. ты по Мъне иди. изиде же слово се въ братию. яко ученикъ тъ не умьретьне рече же ему Иисусъ яко не умьреть нъ аще хощу датъ пребываеть. доньдеже приду. чьто есть Тебе сь есть ученикъ. съведетельствуяи о сихъ. иже и написа си и вемь. яко истинь но есть съведетельство его. сутъ же и ина мънога. яже сътвори Иисусъ. яже аще по единому писана бывають. ни са мому мьню миру въместити. пишемыихъ кънигъ аминъ.