К ФІЛИППИСИЕМЪ • ПОСЛАНІЯ АПОСТОЛА ПАВЛА СКАЗАНИЕ • ДОКТОРОМЪ ФРАНЦИСКОМ СКОРИНОЮ • КЪ БОЖИЕЙ ХВАЛЕ ПОЧИНАЕТСЯ •
Найпервъшая часть Макидоніи, суть Филіппусы • Яко пишеть во Деаниехъ Апостольских глава 16, к нимже былъ пришолъ первее Божіимъ проявлениемъ, святый Апостолъ Павелъ • И тамо пребываше дни некия во граде Колоніа • И многа в немъ пострада Христа ради • Биша бо его палицами, вкупе и Силу с нимъ, и вовергоша их во темницу • Тамо стража темници со всем домомъ его, и Лідию жену, и многы ины навернулъ на веру Христову • О семъ ширей во Деаніи знайдеши •
Сие слышавше Павла пойманого в Риме • Послаша к нему Епафродитомъ, потребы на поживление его • Ониже первее и во Селун посылаху ему • Яко самъ о том на конци епистолы сее светчить •
Протожъ и пишеть к нимъ хвалячи их, и свою любов являючи, и к лепшему е приводячи • Дабы множилися пребывающе во вере Христове • Таж кажеть имъ иже для Евангелия Божия ятъ бысть в Риме, и готовъ ест проповедания ради Христова, не толико беды терпети, но и умрети • Затым напоминаеть их, абы во згоде и в любви пребывали, еже промежду гордыми быти не можеть • Сего ради ко смирению образомъ Господьнимъ е приводить • Обещаеть теже к нимъ послати Тимофея • А за нимъ хощеть и самъ воскоре пріити • Но первее шлеть до них Епафродита, егоже з великое немощи Богъ воздвиже • О сихъ пишеть во первой, и во другой главе •
Во треи пакъ утвержаеть Філипписианъ напротиву лжеапостолом, ониже повелеваху обрезатися, и Законъ Ветхій хранити • Сихъ зоветь Апостолъ, псы, делатели злыми, отрезатели веры, врагы креста Христова, иже чрево имеють въ Бога место, ихъже конъчина ест погибель, и многа иная на нихъ кажеть •
Во останочной же главе пишеть залецая, и поздравуя некіи во Філиппусе • Таж ко добрымъ деломъ, науку имъ во кратъких словахъ даеть • И на конци дякуеть за многая добродеания их еже сылаху потребы многажды к нему • Затым скончеваеть свое послание •
Конець сказанию •
