ПОСЛАНИЕ • КО ФІЛИМОНУ СВЯТОГО ПАВЛА АПОСТОЛА • ЕЖЕ ПОСЫЛАЕТЬ ОТ РИМА СЕДЯ ВО ОКОВАХЪ ОНИСИМОМЪ • СКАЗАНИЕ •
Той Онисим былъ ест рабъ Філимонов, и втекши от него, приде в Рим, и послуговаше Павлу, и бысть его велми пиленъ • Павелъ пакъ, занеже любляше Філимона яко брата, не хоте оскорбити и • Протож и отстылаеть к нему раба его • Дивным же обычаемъ, и дивными прімолвами пишет за нимъ • Дабы не толико гневъ отпустилъ ему • Но к тому яко брата возлюбленнаго принялъ его • Хотяй самъ во всемъ за него досыть учинити, скончевает послание •
Конець сказанию •
