ІАКОВЛЕВА СОБОРЪНАГО ПОСЛАНИЯ СКАЗАНИЕ, ДОКТОРОМ ФРАНЦИСКОМ СКОРИНОЮ С ПОЛОЦКА, З БОЖИЮ ПОМОЩИЮ ПОЧИНАЕТСЯ •
Іаковъ Апостолъ Ісусъ Христовъ, будучи епископом во Ерусалиме • Пишеть сие Послание ко всем верующимъ во Христа • Различными заповедми наставляя насъ всехъ хрестианъ • Найпервей учить, абыхомъ для веры Господа нашего Ісуса Христа, всякое искушение претерпели, и от Бога помощи жадали, Онъ убо никогоже искушаеть, но сами от себе бываемъ злые • Теже будет ли что доброе в нас от Бога дано • Не имамы о собе много глаголати, ни на иных гневатися • Затым не толико словом, але и делом показати веру хрестианскую, къ тому обуздовати языкъ свой • Убогыми не гордети • Милостыню недостаточьнымъ чинити, вера бо без делъ мертва ест • Не многымъ учителемъ бывати, но более умети языкъ свой справовати • От негоже все злые, и добрые речи походять • Потомъ пишеть о премудрости земной, и о премудрости вышней хрестианской • И яко мы на семъ свете не можемъ имети покою, не отдалим ли от себе жадостей плотъских • Дружба убо мира сего отводить нас от милости Божіи • Не велит быти гордым, но къ Богу во смиреніи приближатися, от злого бежати • Друга не оклеветати ни осужати, Богъ единъ судия ест всехъ насъ • Таж являеть краткость, и неуставичность жития нашего • И яко богатіи обидяще убогих пріимут отмщение, велит все до часу терпети, и на Бога въскладати, и блуднаго брата на пут прав навращевати •
Конец сказанию Іаковлева послания •
