ПОСЛАНИЯ • ВТОРАГО ПЕТРОВА СКАЗАНІЕ • ДОКТОРОМЪ ФРАНЦИСКОМЪ СКОРИНОЮ С ПОЛОЦКА • З БОЖИЕЮ ПОМОЩИЮ ПОЧИНАЕТСЯ •
Сие второе соборное послание, пишеть святый Петръ, во старости своей, ведый близко быти конець жития своего • Напоминая насъ къ душъному спасению, о немже пророци превозъвестиша не от себе сами, но от Духа Свята • Потом кажеть иже пріидуть илъжи учители, хотяще некия прелстити, ихъже не имамы послухати • Яко Богъ отмститель ест злымъ • И приводить насъ к доброму житию, приповестями книгъ • И страхомъ судъного дня отводит от злых делъ • И велит святого Павла епистолы часто чести •
Конець сказанию Петрова 2 послания •
