КОРИНФОМЪ ПЕРВАГО ПОСЛАНИЯ СВЯТОГО АПОСТОЛА ПАВЛА СКАЗАНИЕ • ДОКТОРОМЪ ФРАНЦИСКОМЪ СКОРИНОЮ С ПОЛОЦКА • БОГУ КО ЧТИ, И ЛЮДЕМЪ К НАВЧЕНИЮ ПОЧИНАЕТСЯ •
Коринфъ бе негды во Ахаіи главъное место близко моря, тамъ убо была ест пристань, славная со всея Асіи • В немже прежде живяше святый Апостолъ Павел полтора годы, проповедая Еввангелие Христово • И тако навратилъ Коринфянъ къ вере христианской • И по вышти его с Коринфа, посполите пріходяху разноличные людие, яко к таковому граду, более приносяще злые обычае, нежели добрые • Перве Іудеи лжеапостоли, ко ветхому закону Моисееву их намолвяючи • Второе Еллини мудролюбъци, и краснословци, смиреное а простое благовествование Христово быти поведаючи • Третее распря межи их самих бываше • Неціи бо глаголаху мы Павлови, иніи мы Петрови, а иніи мы Аполосови • И для тых речей святый Павел писалъ к нимъ послание сее • Ведя бо иже не толико родители, имають похвалу о чадехъ зродившихъ • Но повинни суть стеречи, и навчати их • А понеже онъ породилъ был Коринфянъ Христу в Духу Святомъ, яко самъ о собе во епистоліи сей светчить • Такожъ и остерегая их от злого, ко доброму навчаеть • Найпервей пишеть о згоде, с неяже все доброе, всякому граду и всякому собранию приходит • Незгода бо и найболшие царства разрушаеть • А понеже распря посполите для гордости бываеть • А гордость походит от мирское премудрости • Прото Апостолъ отводить их от гордомудрования сего света, и приводить ко смиреному въмучению Христову, имже быс всехъ насъ спасение • Поведая яко и сам не пришолъ ест к нимъ во премудрости века сего, но во сведетелстве Божиемъ, и во премудрости Духа Святого • Абы тое паметаючи, выстерегалися • От неверия и от прекословия Еллинскаго •
Второе пишеть яко мудрый строитель, основание положивъ вере христианъской Евангелие Ісусъ Христово • Дабы на немъ сооружалися, в нем пребывали, а илжеапостоловъ не послушали и от них иное науки противное вере Христове не пріимовали •
Третее пишеть яко ласкавый отець, жадая их покорне да не погордят имъ противная для Христа терпящимъ • И да не отступають от смиренаго вчения его, и да не поддаются опять въ моць пестуномъ, от жидовъскаго закона к нимъ приходящимъ •
А о сихъ наболей пишеть во предних четырехъ главахъ •
Во пятой пакъ главе караеть явного любодейца, и от таковыхъ велит ся выстерегати, да не едина овца кростава все стадо заразить •
Таже во шестой дает науку о судех, естъ ли бы ся пригоділа между ними пря, да с обу сторонъ свою братию хрестианъ посадять, и что тые знайдут да терпят, а предъ иноверки да не тяжутся •
Во седмой главе учить о житіи мужа со женою, о вдовъцехъ, о неровномъ слученіи, о роспущеніи, о девичстве еже выхваляеть надъ иные чины сего суетнаго жития, не хулячи женатых • Но в чемъ кто изволит, в томъ да пребываеть •
По семъ не кажеть ясти мяс идоложертвеныхъ, ачьколве идоли и жертвы их ничто суть • Но для соблазнения брата своего • Потомуже и от иныхъ греховъ отдалятися велить • Писма Ветхаго Закону ко сведомию приводяй • И самъ себе имъ залецаеть яко Коринфяномъ во благовествованіи Христове поработаше • А о тых • Въ осмой, во девятой и во десятой главахъ знайдеши •
Затымъ пишет яко имають приходити во церковь, мужи непокровенными главами с почтивостию, а жены да покривають главы своя для повиновения, и да молчать во церкви • И яко имають причастятся Господьския вечеры, или тайнъ Христовых • И да не сходятся до храму Божия ясти, или пити • Но послушати слова Божия, воспевати, и молитися • Дома же да ядять и пиють • Потомъ заповедаеть единому каждому не хвалитися самому в собе божествеными духовъными даровании • Но яко уды разно имуще в теле деание, вси вкупе собе суть помощни • Тако каждый хрестианинъ свое имея дарование, къ посполитого доброго розмножению да уделяеть • Найболей любовь ко всимъ да соблудаеть, еже ест совершена над все иные дарования, без неяже ничто проспешно естъ • Затым вера тажде надежа • Потом прорецание, или выкладание святыхъ Божественыхъ Писмъ • А при таковомъ выкладаніи, велить рядъ сохранити • Единому или двема сказывати, а инымъ всемъ послушати • Женам во церкви не вопрошати, но дома мужей своих • О тых пишеть во главе одиннадесятой, дванадесятой, тринадесятой, и четыренадесятой •
Во пятнадесятой же главе, о воскресеніи изъ мертвых, писмы и разумомъ прироженымъ • Яково имать быти, являет • Въ останочной пакъ главе о собраніи милостыни братіи во Ерусалимъ, и о навращении своемъ в Коринфъ пишет • Напоследы же Тимофея имъ с некоею братиею залецает •
Конец сказания •
