ВТОРАГО КО ТІМОФЕЮ ПОСЛАНИЯ, СВЯТОГО АПОСТОЛА ПАВЛА, СКАЗАНИЕ ДОКТОРОМ ФРАНЦИСКОМ СКОРИНОЮ С ПОЛОЦКА • БОГУ МИЛОСТИВОМУ КО ЧТИ ПОЧИНАЕТСЯ •
Тое второе послание пишеть Апостолъ ко Тімофею, будучи поиман в Риме от Нерона царя • И не можай по том пріити к нему, во Ефес, якоже обещался былъ во первой епистоле своей • Прото утвержаеть и во вере Христове • Найпервей приводяй ему к памети прародителей его • Тажъ самого себе, и добродейство Божие • И любовь Онъсифорову •
Потомъ велить ему готову быти, муку приняти для веры Христовы • Яко и самъ терпить изъбранных ради • И всякия слова празныя, и похоти юношския отдаляти •
Затым проповедаеть иже настануть времена люта, в нихже будут человеци велми зліи, от таковых кажеть отвращатися • И добрых делъ во терпеніи наследовати • А не послухати похлебныхъ словъ их, понеже законъ Христовъ не во словахъ любых • Но во делехъ чистых поставлен ест •
На конци о приближеніи смерти своея, и како инии вси оставили его пишеть, протож велить Тімофею, с Маркомъ пріити к собе, тажъ конаеть послание •
