Навчаеть Апостолъ яко не потреба ест обрезатися • И ни в чемъ Ветхому Закону повиноватися, и кажеть о делехъ плотских •
1 Во свободе пакъ еюже нас Христосъ свободи стойте, и не паки подъ иго работы поддаваітеся •
2 Се азъ Павелъ глаголю вамъ: яко аще обрезаетеся, Христосъ вамъ ни въ кою ползу естъ •
3 Сведетелствую же паки всякому человеку обрезающемуся, яко долженъ естъ весъ закон наполнити •
4 Упразнистеся от Христа, иже закономъ оправдаетеся, и от благодати отпадаете •
5 Мы же духомъ от веры надеждю чаемъ правды •
6 О Христе бо Ісусе, ни обрезание что можеть, ни необрезание • Но вера любовию преиспевающа •
7 Течасте добре, и кто возбрани вамъ истинне не покарятися?
8 Сие возбранение не естъ от зовущего васъ •
9 Малъ квасъ все вмешение квасить •
10 Азъ надеяхся в васъ о Господе, яко ничтожъ иного мыслите • Смущая же васъ понесеть судъ, онже аще ест •
11 Азъ же братие ест ли обрезание единаче проповедую, что еще гоним есмъ? Упразнися убо соблазнъ креста •
12 Но да изъдрогнутся развещевающие васъ •
13 Вы бо на свободу звани бысте братие • Точию свободы вашея не давайте в вину плоти, но лубовию духа работайте другъ другу •
14 Ибо весь законъ во единомъ слове скончевается: возлюбиши ближнего своего яко самъ себе •
15 Аще ли же себе сами кусаете и гризаете, блюдитеся да не другъ от друга снедени будете •
16 Глаголю же вамъ: духомъ ходите, и похоти плотския не совершайте •
17 Плоть бо похотьствуеть на духъ, дух же на плоть • Сия бо противитася едино другому • Да не все еже похощете сие творите •
18 Аще ли духом водими есте, несте под закономъ •
19 Явна убо суть дела плотъская • Еже естъ: прелюбодеание, блудъ, нечистота, скверность,
20 идолослужение, чародеание, вражда, ревнование, зависть, гневъ, раздражнения, сварове, распря, ереси,
21 ненависти, убийства, пианства, обжарства, и подобная сим, о нихже предповедаю вамъ, яко и прежде рекохъ • Иже таковая чинящие Царствия Божия не неследять •
22 Плодъ же духовный естъ: любовь, радость, миръ, долготерпение, благодать, добротливость, вера,
23 кротость, и воздержание • На таковых несть закона •
24 Ониже Христови плот распяша со страстьми и похотями •
25 Аще живемы духомъ, духовных и наследуймы •
26 Не будем тъщеславни другъ, друга презирающе • Другъ другу завидяще •
