Лікі 1 глава

¹ І прамовіў ГОСПАД да Майсея ў пустыні Сынай у Намёце Спатканьня ў першы дзень другога месяца, у другім годзе пасьля выхаду з Эгіпту, кажучы:

² «Пералічыце ўсю грамаду сыноў Ізраіля паводле сем’яў іхніх, паводле дамоў бацькоў іхніх, усіх мужчынаў паводле імёнаў па галовах.

³ Ад дваццаці гадоў і вышэй, усіх здатных да бою ў Ізраілі палічыце паводле дружынаў іхніх ты і Аарон.

⁴ З кожнага пакаленьня павінен быць з вамі чалавек, князь роду бацькоў сваіх.

⁵ Вось імёны тых мужоў, якія будуць з вамі: для Рубэна — Эліцур, сын Шэдэура,

⁶ для Сымона — Шэлюміэль, сын Цурышадая,

⁷ для Юды — Нахшон, сын Амінадава,

⁸ для Ісахара — Натанаэль, сын Цуара,

⁹ для Завулёна — Эліяў, сын Гэлёна,

¹⁰ для сыноў Язэпа: для Эфраіма — Элішама, сын Амігуда; для Манасы — Гамаліэль, сын Пэдагсура;

¹¹ для Бэн’яміна — Абідан, сын Гідэоні,

¹² для Дана — Ахіезэр, сын Амішадая,

¹³ для Асэра — Пагіэль, сын Акрана,

¹⁴ для Гада — Эліясаф, сын Дэўэля,

¹⁵ для Нэфталі — Ахіра, сын Энана».

¹⁶ Гэтыя пакліканыя з усёй грамады, князі пакаленьняў бацькоў сваіх і начальнікі тысячаў Ізраіля.

¹⁷ Іх узяў Майсей і Аарон, тых мужоў, якія былі паіменна названыя.

¹⁸ У першы дзень другога месяца сабралі яны ўсю грамаду дзеля сьпісу іх паходжаньня паводле сем’яў іхніх, паводле дамоў бацькоў іхніх і лічылі кожнага па імені ад дваццаці гадоў і вышэй.

¹⁹ Як загадаў ГОСПАД Майсею, быў зроблены перапіс у пустыні Сынай.

²⁰ Сыноў Рубэна, першароднага Ізраіля, паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, усіх мужчынаў ад дваццаці гадоў і вышэй, усіх, здольных да бою,

²¹ тых, якіх палічылі з пакаленьня Рубэна, [было] сорак шэсьць тысячаў пяцьсот.

²² Сыноў Сымона паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, усіх мужчынаў, ад дваццаці гадоў і вышэй, усіх, здольных да бою,

²³ тых, якіх палічылі з пакаленьня Сымона, [было] пяцьдзясят дзевяць тысячаў трыста.

²⁴ Сыноў Гада паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, усіх мужчынаў ад дваццаці гадоў і вышэй, усіх, здольных да бою,

²⁵ тых, якіх палічылі з пакаленьня Гада, [было] сорак пяць тысячаў шэсьцьсот пяцьдзясят.

²⁶ Сыноў Юды паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, усіх мужчынаў ад дваццаці гадоў і вышэй, усіх, здольных да бою,

²⁷ тых, якіх палічылі з пакаленьня Юды, было семдзясят чатыры тысячы шэсьцьсот.

²⁸ Сыноў Ісахара паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, ад дваццаці гадоў і вышэй, усіх, здольных да бою,

²⁹ тых, якіх палічылі з пакаленьня Ісахара, было пяцьдзясят чатыры тысячы чатырыста.

³⁰ Сыноў Завулёна паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, ад дваццаці гадоў і вышэй, усіх, здольных да бою,

³¹ тых, якіх палічылі з пакаленьня Завулёна, было пяцьдзясят сем тысячаў чатырыста.

³² Сыноў Язэпа, сыноў Эфраіма паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, ад дваццаці гадоў і вышэй, усіх, здольных да бою,

³³ тых, якіх палічылі з пакаленьня Эфраіма, было сорак тысячаў пяцьсот.

³⁴ Сыноў Манасы паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, ад дваццаці гадоў і вышэй, усіх, здольных да бою,

³⁵ тых, якіх палічылі з пакаленьня Манасы, было трыццаць дзьве тысячы дзьвесьце.

³⁶ Сыноў Бэн’яміна паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, ад дваццаці гадоў і вышэй, усіх, здольных да бою,

³⁷ тых, якіх палічылі з пакаленьня Бэн’яміна, было трыццаць пяць тысячаў чатырыста.

³⁸ Сыноў Дана паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, ад дваццаці гадоў і вышэй, усіх, здольных да бою,

³⁹ тых, якіх палічылі з пакаленьня Дана, было шэсьцьдзясят дзьве тысячы семсот.

⁴⁰ Сыноў Асэра паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, ад дваццаці гадоў і вышэй, усіх, здольных да бою,

⁴¹ тых, якіх палічылі з пакаленьня Асэра, было сорак адна тысяча пяцьсот.

⁴² Сыноў Нэфталі паводле радаводу іхняга, паводле сем’яў іхніх, паводле дамоў бацькоў іхніх, па ліку імёнаў, ад дваццаці гадоў і вышэй, усіх, здольных да бою,

⁴³ тых, якіх палічылі з пакаленьня Нэфталі, было пяцьдзясят тры тысячы чатырыста.

⁴⁴ Гэта палічаныя, якіх палічылі Майсей і Аарон, і князі Ізраіля, дванаццаць мужоў, па адным з кожнага дому бацькоў сваіх.

⁴⁵ І было ўсіх палічаных сыноў Ізраіля паводле дамоў бацькоў іхніх, ад дваццаці гадоў і вышэй, усіх, здольных да бою ў Ізраілі,

⁴⁶ шэсьцьсот тры тысячы пяцьсот пяцьдзясят.

⁴⁷ Лявіты паводле пакаленьняў бацькоў сваіх не былі палічаны сярод іх,

⁴⁸ бо ГОСПАД прамовіў да Майсея, кажучы:

⁴⁹ «Не перапісвай пакаленьня Левія і не лічы іх разам з сынамі Ізраіля,

⁵⁰ але даручы лявітам Сялібу Сьведчаньня, усе прылады яе і ўсё, што да яе [належыць]. Яны будуць насіць Сялібу і ўсе прылады яе, будуць пры ёй служыць і вакол Сялібы разложаць табар [свой].

⁵¹ Калі трэба рушыць Сялібе [ў дарогу], разьбяруць яе лявіты, а калі трэба затрымацца Сялібе, паставяць яе лявіты. Калі нехта [чужы] наблізіцца да яе, будзе забіты.

⁵² Сыны Ізраіля разложацца табарам, кожны на месцы сваім, кожны пад сьцягам сваім, паводле дружынаў сваіх.

⁵³ А лявіты разложацца табарам вакол Сялібы Сьведчаньня; і кара не спадзе на грамаду сыноў Ізраіля. Лявіты будуць вартаваць каля Сялібы Сьведчаньня».

⁵⁴ І зрабілі сыны Ізраіля ўсё; як ГОСПАД загадаў Майсею, так і зрабілі.

Стих 3

Эти двадцатилетние юноши предваряли образ нового народа, когда вступили в землю обетования и, как было сказано, не уклонились ни вправо, ни влево1. Двадцатилетний возраст не должен сравниваться с невинностью младенцев, но, если не ошибаюсь, это число отражает нечто таинственное. Ведь Ветхий Завет известен Пятикнижием Моисея, а Новый Завет сверкает авторитетом четырех Евангелий. Если эти числа перемножить, получится двадцать: четыре раза по пяти или пять раз по четыре будет двадцать. Этот народ, как я уже сказал, знающий о Царствии Небесном, благодаря двум заветам — Ветхому и Новому, не уклоняясь ни вправо — в гордой надежде на праведность, ни влево — легкомысленно любя грех, вступит в землю этого обетования, где мы не будем просить о прощении грехов и не будем бояться наказания, освобожденные тем Искупителем, Который, не будучи продан в рабство греху2 , искупил народ Израиля от всех его беззаконий, совершенных в чьей-либо частной жизни или действующих с самого начала.

Примечания

• 1 — Ср. 17 позволь нам пройти землею твоею: мы не пойдем по полям и по виноградникам и не будем пить воды из колодезей [твоих]; но пойдем дорогою царскою, не своротим ни направо ни налево, доколе не перейдем пределов твоих. Чис 20:17; 6 Посему во всей точности старайтесь хранить и исполнять все написанное в книге закона Моисеева, не уклоняясь от него ни направо, ни налево. Нав 23:6
• 2 — Ср. 14 Ибо мы знаем, что закон духовен, а я плотян, продан греху. Рим 7:14

О том, чего заслуживают грешники, отпущении грехов и крещении детей 2.35.57, CSEL 60:126