КО ТІТУ ПОСЛАНИЯ СВЯТОГО СЛАВНОГО АПОСТОЛА ПАВЛА СКАЗАНИЕ • ДОКТОРОМЪ ФРАНЦИСКОМ СКОРИНОЮ С ПОЛОЦКА • БОГУ ВСЕДЕРЖИТЕЛЮ КО ЧТИ ПОЧИНАЕТСЯ •
Островъ преславный Критъскій иже естъ в мори Посредеземном имея в собе градовъ сто • В немже святый Апостолъ Павелъ, поставилъ архиепископом Тіта возлюбленнаго ученика своего, егоже имеаше вместо сына, для превеликое доброты иже бе в немъ • К нему и пишеть епистолию сию • Напервей поведаеть веру Христову не нову быти, но прежде векъ обетовану от Бога • Потомъ велить поставляти попы, и епископы, а яковыхъ имать на тот достойный чинъ выбирати • Тажъ кажеть обличати илъжеучителей от жидовъства приходящихъ, и уставы Ветхаго Закона хранити учащих, поведая вся чиста быти чистымъ •
Затымъ старыхъ мужей, и женъ наказует • И яко имають навчати младыхъ • И како подобаеть рабомъ господе своей покарятися • Воспоминая иже мы не от своих делъ, но благодатию Божиею спасени быхомъ •
Таже велит князем и властелем повиноватися • Празныхъ и суетныхъ въ законе прениих отметатися • На конъци кажеть самому Тіту пріити к собе в Никополь, яко скоро пришлеть к нему Артему, и Тихика • Таж конает послание •
Конець сказанию •
