Библия » Елизаветинская на русском

1-е послание Тимофею 4 глава

1 Дух же явственне глаголет, яко в последняя времена отступят нецыи от веры, внемлюще духовом лестчым и учением бесовским,
2 в лицемерии лжесловесник, сожженных своею совестию,
3 возбраняющих женитися, удалятися от брашен, яже Бог сотвори в снедение со блгодарением верным и познавшым истину.
4 Зане всякое создание Божие добро, и ничтоже отметно, со блгодарением приемлемо,
5 освящается бо словом Божиим и молитвою.
6 Сия вся сказуя братии, добр будеши служитель Иисуса Христа, питаемь словесы веры и добрым учением, емуже последовал еси.
7 Скверных же и бабиих басней отрицайся, обучай же себе ко благочистию:
8 телесное бо обучение вмале есть полезно, а благочистие на все полезно есть, обетование имеющее живота нынешняго и грядущаго.
9 Верно слово и всякаго приятия достойно.
10 На сие бо и труждаемся и поношаеми есмы, яко уповахом на Бога жива, иже есть спаситель всем человеком, паче же верным.
11 Завещавай сия и учи.
12 Никтоже о юности твоей да нерадит: но образ буди верным словом, житием, любовию, духом, верою, чистотою.
13 Дондеже прииду, внемли чтению, утешению, учению.
14 Не неради о своем даровании живущем в тебе, еже дано тебе бысть пророчеством с возложением рук священничества.
15 В сих поучайся, в сих пребывай, (в сих разумевай,) да преспеяние твое явлено будет во всех.
16 Внимай себе и учению и пребывай в них: сия бо творя, и сам спасешися и послушающии тебе.
Нашли ошибку в тексте? Выделите её и нажмите: Ctrl + Enter

Первое послание к Тимофею святого апостола Павла, 4 глава

Обратите внимание. Номера стихов – это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно вы будете приятно удивлены.


2007-2021, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.
Рекомендуем хостинг, которым пользуемся сами – Beget. Стабильный. Недорогой.