Гэты Ліст адрэсаваны з Эфэзу да аднае з хрысціянскіх гмінаў у Малой Азіі пад псэўдонімам «Спажы Выбранцы», як і першы, з мэтай распаліць гарачую любасьць да Збавіцеля і непамыльную веру ў Ягона Боства, перасьцярагаючы ад антыхрыставага духа, пагражаючага сьвету. Дзеля некаторых сумніваў спачатных аб натхнёнасьці, уважаецца ён за дэўторокананічны, аднак такія аўтарытэты, як сьв. Ірэнэй, Клеменс Александрыйскі, Фрагмэнт Мураторыя ды інш. заўсёды уважалі яго за натхнёны і напісаны праз Сьв. Яна, слава якога сярод тамтэйшых хрысьціян была так вялікай, што яму без ніякага подпісу іменнага даволі было назваць сябе скромным прэзбітэрам, ці старшым, каб усе адразу пазналі ягоны голас.