1 И речеши в день оный: благословлю и тя, Господи, яко разгневался еси на мя, и отвратил еси ярость твою (от мене), и помиловал мя еси.
2 Се, Бог мой спас мой, уповая буду на него и не убоюся: зане слава моя и похвала моя Господь, и бысть ми во спасение.
3 И почерпите воду со веселием от источник спасения.
4 И речеши в день оный: хвалите Господа, воспойте имя его, возвестите во языцех славная его, поминайте, яко вознесеся имя его.
5 Хвалите имя Господне, яко высокая сотвори: возвестите сия по всей земли.
6 Веселитеся и радуйтеся, живущии в сионе, яко вознесеся святый израилев посреде тебе.
Нашли в тексте ошибку? Выделите её и нажмите:
Ctrl + Enter
Книга пророка Исаии, 12 глава. Елизаветинская на русском.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.
Public Domain — общественное достояние.
Елизаветинская Библия, на русском языке.
© 1751, 1756, 1762, 1784 +