ΚΑΙΝΉ ΔΙΑΘΉΚΗ » Codex 05 Кодекс Безы — 5 век

ΜΑΡΚΟΝ 4 ΚΑΤΑ ΜΑΡΚΟΝ 4 ΚΕΦΆΛΑΙΟ

1 και ηρξατο παλιν διδαϲκειν προϲ την θαλαϲϲαν και ϲυνηχθη προϲ αυτον ο λαοϲ πολυϲ ωϲτε αυτον ειϲ το πλοιον ενβαντα καθηϲται περαν τηϲ θαλαϲϲηϲ και παϲ ο οχλοϲ περαν τηϲ θαλαϲϲηϲ ην
2 και εδιδαϲκεν αυτουϲ εν παραβολαιϲ πολλαιϲ και ελεγεν αυτοιϲ εν τη διδαχη αυτου
3 ακουετε ιδου εξηλθεν ο ϲπειρων
4 και εν τω {τ} [13] ϲπειραι ο μεν επεϲεν παρα την οδον και ηλθαν τα πετεινα του ουρανου και κατεφαγαν αυτο
5 και αλλα επεϲαν επει τα πετρωδη και οτι ουκ ειχεν γην πολλην και ευθυϲ εξανεϲτειλεν δια το μη εχειν βαθοϲ την γην
6 και οτε ανετειλεν ο ηλιοϲ εκαυματιϲθηϲαν και δια το μη εχειν ριζαν εξηρανθηϲαν
7 και αλλο επεϲεν επι ταϲ ακανθαϲ και ανεβηϲαν αι ακανθαι και ϲυνεπνιξαν αυτο και καρπον ουκ εδωκεν
8 και αλλο επεϲεν ειϲ την γην την καλην και εδιδου καρπον αναβαινοντα και αυξανομενον και φερει εν λ̅ και εν ξ̅ και εν ρ̅
9 και ελεγεν οϲ εχι ωτα ακουειν ακουετω και ο ϲυνειων ϲυνειετω
10 και οτε εγενετο κατα μοναϲ επηρωτων αυτον οι μαθηται αυτου τιϲ η παραβολη αυτη
11 και λεγει αυτοιϲ υμειν δεδοται γνωναι το μυϲτηριον τηϲ βαϲιλειαϲ του θ̅υ̅ εκεινοιϲ δε τοιϲ εξω εν παραβολαιϲ παντα λεγεται
12 ινα βλεποντεϲ {ακουωϲιν} [14] και μη ιδωϲιν και ακουοντεϲ ακουωϲιν και μη ϲυνωϲιν μηποτε επιϲτρεψωϲιν και αφεθηϲομαι αυτοιϲ τα αμαρτηματα
13 και λεγει αυτοιϲ ουκ οιδατε την παραβολην ταυτην και πωϲ παϲαϲ ταϲ παραβολαϲ γνωϲεϲθαι
14 ο ϲπειρων τον λογον ϲπειρει
15 ουτοι δε ειϲιν οι παρα την οδον οιϲ ϲπειρεται ο λογοϲ και οταν {ακουωϲιν} [15] ευθεωϲ ερχεται ο ϲαταναϲ και αφερει τον λογον τον εϲπαρμενον εν ταιϲ καρδιαιϲ αυτων
16 και ουτοι ειϲιν οι επει τα πετρωδηϲ ϲπειρομενοι οι οταν ακουϲωϲιν τον λογον μετα χαραϲ λαμβανουϲιν αυτον
17 και ουκ εχουϲιν ριζαν εν εαυτοιϲ αλλα προϲκαιροι ειϲιν ειτα γενομενηϲ θλιψεωϲ και διωγμου δια τον λογον ευθεωϲ ϲκανδαλιϲθηϲονται
18 και αλλοι ειϲιν οι ειϲ ταϲ ακανθαϲ ϲπειρομενοι ουτοι ειϲιν οι τον λογον ακουϲαντεϲ
19 και αι μεριμναιϲ του βιου και απαται του κοϲμου ειϲπορευομεναι ϲυνπνιγουϲιν τον λογον και ακαρποι γεινονται
20 και ουτοι ειϲιν οι επι την γην την καλην ϲπαρεντεϲ οιτινεϲ ακουουϲιν τον λογον και παραδεχονται και καρποφορουϲιν εν λ̅ και εν ξ̅ και εν ρ̅
21 και ελεγεν αυτοιϲ μητι απτεται ο λυχνοϲ ινα υπο τον μοδιον τεθη η υπο την κλεινην και ουχι ινα επι την λυχνιαν τεθη
22 ου γαρ εϲτιν κρυπτον αλλ ινα φανερωθη ουδε εγενετο αποκρυφον αλλ ινα ελθη ειϲ φανερον
23 ει τιϲ εχει ωτα ακουειν ακουετω
24 και ελεγεν αυτοιϲ βλεπετε τα ακουετε εν ω μετρω μετρειτε μετρηθηϲεται υμειν
25 οϲ γαρ αν εχει προϲτεθηϲεται αυτω και οϲ ουκ εχει και ο εχει αρθηϲεται απ αυτου
26 και ελεγεν ουτωϲ εϲτιν η βαϲιλεια του θ̅υ̅ ωϲ ανθρωποϲ ϲπορον βαλη επι τηϲ γηϲ
27 και καθευδη και εγερθη νυκτα και ημερα̅ και ο ϲποροϲ βλαϲτα και μηκυνεται ωϲ ουκ οιδεν αυτοϲ
28 οτι αυτοματη η γη καρποφορει πρωτον χορτον ειτα ϲταχυαϲ ειτα πληρηϲ ο ϲειτοϲ εν τω ϲταχυι
29 και οταν παραδοι ο καρποϲ ευθεωϲ αποϲτελλει το δρεπανον οτι παρεϲτηκεν ο θερειϲμοϲ
30 και ελεγεν τινι ομοιωϲωμεν την βαϲιλειαν του θ̅υ̅ η εν ποια παραβολη παραβαλωμεν αυτην
31 ομοια εϲτιν κοκκω ϲιναπεωϲ {} [16] οτι αν ϲπαρη επι την γην μεικροτερον {} [17] εϲτιν παντων των ϲπερματων α ειϲιν επι τηϲ γηϲ
32 και γεινεται μειζων παντων των λαχανω̅ και ποιει κλαδουϲ μεγαλουϲ ωϲτε δυναϲθαι υπο την ϲκειαν αυτου τα πετεινα του ουρανου καταϲκηνουν
33 και τοιαυταιϲ πολλαιϲ παραβολαιϲ ελαλει τον λογον καθωϲ εδυναντο ακουειν
34 χωρειϲ δε παραβοληϲ ουκ ελαλει αυτοιϲ καθ ιδιαν δε τοιϲ μαθηταιϲ αυτου επελυε αυταϲ
35 και λεγει αυτοιϲ εν εκεινη τη ημερα οψιαϲ γενομενηϲ διελθωνμεν ειϲ το περα̅
36 και αφιουϲιν τον οχλον και παραλαμβανουϲιν αυτον ωϲ ην εν τω πλοιω και αλλαι δε πλοιαι πολλαι ηϲαν μετ αυτου
37 και εγενετο λαιλαψ μεγαλη ανεμου και τα κυματα εβαλεν ειϲ το πλοιον ωϲτε ηδη γεμειζεϲθαι το πλοιον
38 και ην αυτοϲ εν τη πρυμνη επι προϲκαιφαλαιου καθευδων και διεγειραντεϲ αυτον λεγουϲιν αυτω διδαϲκαλε ου μελει ϲοι οτι απολλυμεθα
39 και εγερθειϲ επετειμηϲεν τω ανεμω και τη θαλαϲϲη και ειπεν ϲιωπα και φιμωθητι και εκοπαϲεν ο ανεμοϲ και εγενετο γαληνη μεγαλη
40 και ειπεν αυτοιϲ τι δειλοι εϲται ουπω εχετε πιϲτιν
41 και εφοβηθηϲαν φοβον μεγαν και ελεγον προϲ αλληλουϲ τιϲ αρα εϲτιν ουτοϲ οτι και η θαλαϲϲα και οι ανεμοι υπακουουϲιν

Примечания:

4  [13] {}
12  [14] {βλεπωϲιν}
15  [15] {ακουϲωϲιν}
31  [16] {ο}
31  [17] {μεν}

Нашли в тексте ошибку? Выделите её и нажмите: Ctrl + Enter

Евангелие от Марка, 4 ΚΕΦΆΛΑΙΟ. Кодекс Безы — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖИТЕ НАС

ΜΑΡΚΟΝ 4 ΚΕΦΆΛΑΙΟ в переводах:
ΜΑΡΚΟΝ 4 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.