1 επειδηπερ πολλοι επεχειρηϲαν αναταξαϲθαι διηγηϲιν περι των πεπληροφορημενων εν ημειν πραγματων
2 καθα παρεδοϲαν ημειν οι απ αρχηϲ αυτοπται και υπηρεται γενομενοι του λογου
3 εδοξε καμοι παρηκολουθηκοτι ανωθεν παϲιν ακριβωϲ καθεξηϲ ϲοι γραψαι κρατιϲτε θεοφιλε
4 ινα επιγνωϲ περι των κατηχηθηϲ λογων την αϲφαλειαν
5 εγενετο εν ταιϲ ημεραιϲ ηρωδου του βαϲιλεωϲ τηϲ ιουδαιαϲ ιερευϲ τιϲ ονοματι ζαχαριαϲ εξ εφημεριαϲ αβια και γυνη αυτω εκ των θυγατερων ααρων και το ονομα αυτηϲ ελειϲαβεθ
6 ηϲαν δε δικαιοι αμφοτεροι ενωπιον του θ̅υ̅ πορευομενοι εν παϲαιϲ ταιϲ εντολαιϲ και δικαιωμαϲιν του κ̅υ̅ αμεπτοι
7 και ουκ ην αυτοιϲ τεκνον καθοτι ην η ελιϲαβεθ ϲτειρα και αμφοτεροι ηϲαν προβεβηκοτεϲ εν ταιϲ ημεραιϲ αυτων
8 εγενετο δε εν τω ιερατευειν αυτον εν τη ταξει τηϲ εφημεριαϲ αυτου εναντι του θ̅υ̅
9 κατα το εθοϲ τηϲ ιερατειαϲ ελαχε του θυμιαϲαι ειϲελθων ειϲ τον ναον του θ̅υ̅
10 και παν το πληθοϲ του λαου ην προϲευχομενον εξω τη ωρα του θυμιαματοϲ
11 ωφθη δε αυτω αγγελοϲ κ̅υ̅ εϲτωϲ εκ δεξιων του θυϲιαϲτηριου του θυμιαματοϲ
12 και εταραχθη ζαχαριαϲ ιδων και φοβοϲ επεπεϲεν επ αυτον
13 και ειπεν προϲ αυτον ο αγγελοϲ μη φοβου ζαχαρια διοτι ειϲηκουϲθη η δεηϲειϲ ϲου και η γυνη ϲου ελιϲαβεδ γεννηϲει υιον και καλεϲειϲ το ονομα αυτου ιωανην
14 και εϲται ϲοι χαρα και αγαλλιαϲιϲ και πολλοι επι τη γενεϲει αυτου χαρηϲονται
15 εϲτε γαρ με γαρ ενωπιον του κ̅υ̅ και οινον και ϲικερα ου μη πιη και πνευματοϲ αγιου πληϲθηϲεται ετι εκ κοιλειαϲ μητροϲ αυτου
16 και πολλουϲ των υιων ιϲραηλ επιϲτρεψει επι κ̅ν̅ τον θ̅ν̅ αυτων
17 και αυτοϲ προελευϲεται ενωπιον αυτου εν πνευματι και δυναμι ηλιου επιϲτρεψαι καρδιαϲ πατερων επι τεκνα και απειθειϲ εν φρονηϲει δικαιων ετοιμαϲαι κ̅ω̅ λαον κατεϲκευαϲμενον
18 και ειπεν ζαχαριαϲ προϲ τον αγγελον κατα τι γνωϲομαι τουτο εγω γαρ ειμι πρεϲβυτηϲ και η γυνη μου προβεβηκυια εν ταιϲ ημεραιϲ αυτηϲ
19 και αποκριθειϲ ο αγγελοϲ ειπεν αυτω εγω ειμι γαβριηλ ο παρεϲτωϲ ενωπιον του θ̅υ̅ και απεϲταλην λαληϲαι προϲ ϲε και ευαγγελιϲαϲθαι ϲοι ταυτα
20 και ιδου εϲη ϲιωπων και μη δυναμενοϲ λαληϲαι αχριϲ ημεραϲ ηϲ γενηται ταυτα ανθ ων ουκ επιϲτευϲαϲ τοιϲ λογοιϲ μου οιτινεϲ πληϲθηϲονται ειϲ τον καιρον αυτων
21 και ην ο λαοϲ προϲδεχομενοϲ τον ζαχαριαν και εθαυμαζον επι τω χρονιζειν αυτον εν τω ναω
22 εξελθων δε ουκ ηδυνατο λαληϲαι αυτοιϲ και επεγνωϲαν οτι οπταϲιαν εωρακεν εν τω ναω και αυτοϲ ην διανευων αυτοιϲ και διεμεινεν κωφοϲ
23 και εγενετο ωϲ επληϲθηϲαν αι ημεραι τηϲ λειτουργειαϲ αυτου τοτε απηλθεν ειϲ τον οικον {αυτον} [1]
24 και μετα ταϲ ημεραϲ ταυταϲ ϲυνελαβεν ελιϲαβεδ η γυνη αυτου και περιεκρυβεν εαυτην μηναϲ πεντε λεγουϲα
25 οτι ουτωϲ μοι πεποιηκεν κ̅ϲ̅ εν ημεραιϲ αιϲ εφειδεν αφελειν ονειδοϲ μου εν ανθρωποιϲ
26 εν δε τω εκτω μηνι απεϲταλη ο αγγελοϲ γαβριηλ υπο του θ̅υ̅ ειϲ πολιν γαλιλαιαν
27 προϲ παρθενον μεμνηϲμενην ανδρι ω ονομα ιωϲηφ εξ οικου δαυειδ και το ονομα τηϲ παρθενου μαριαμ
28 και ειϲελθων ο αγγελοϲ προϲ αυτην ειπεν χαιρε κεχαριτωμενη ο κ̅ϲ̅ μετα ϲου ευλογημενη ϲυ εν γυναιξιν
29 ην δε επι τω λογω εταραχθη και διελογιζετο εν εαυτη ποδαποϲ αν ειη ο αϲπαϲμοϲ ουτοϲ
30 και ειπεν αυτη ο αγγελοϲ μη φοβου μαρια ευρεϲ γαρ χαριν παρα τω θ̅ω̅
31 και ιδου ϲυνλημψη εν γαϲτρι και τεξη υιον και καλεϲειϲ το ονομα αυτου ι̅η̅ν̅
32 ουτοϲ εϲται μεγαϲ και υιοϲ υψιϲτου κληθηϲεται και δωϲει αυτω κ̅ϲ̅ ο θ̅ϲ̅ τον θρονον δαυειδ του πατροϲ αυτου
33 και βαϲιλευϲει επι τον οικον ιακωβ ειϲ τουϲ αιωναϲ και τηϲ βαϲιλειαϲ αυτου ουκ εϲτε τελοϲ
34 και ειπεν μαρια προϲ τον αγγελον πωϲ εϲται τουτο επι ανδρα ου γεινωϲκω
35 και αποκριθειϲ ο αγγελοϲ ειπεν αυτη πνευμα αγιον επελευϲεται επι ϲε και δυναμιϲ υψιϲτου επιϲκιαϲι ϲοι διο και το γεννωμενον αγιον κληθηϲεται υιοϲ θ̅υ̅
36 και ιδου ελειϲαβεθ η ϲυνγενιϲ ϲου και αυτη ϲυνειληφυια υιον εν γηρει αυτηϲ και ουτοϲ μην εκτοϲ εϲτιν αυτη τη καλουμενη ϲτειρα
37 οτι ουκ αδυνατηϲει παν ρημα παρα του θ̅υ̅
38 και ειπεν μαρια ιδου η δουλη κ̅υ̅ γενοιτο μοι κατα το ρημα ϲου και απεϲτη απ αυτηϲ ο αγγελοϲ
39 αναϲταϲα δε μαρια εν ταιϲ ημαιραιϲ ταυταιϲ επορευθη ειϲ την ορεινην μετα ϲπουδηϲ ειϲ πολιν ιουδα
40 και ειϲηλθεν ειϲ τον οικον ζαχαριου και ηϲπαϲατο την ελιϲαβεθ
41 και εγενετο ωϲ ηκουϲεν τον αϲπαϲμον τηϲ μαριαϲ η ελιϲαβεδ εϲκιρτηϲεν εν τη κοιλεια τηϲ ελιϲαβεδ το βρεφοϲ αυτηϲ και επληϲθη π̅ν̅ϲ̅ αγιου η ελιϲαβεδ
42 και ανεφωνηϲεν φωνη μεγαλη και ειπεν ευλογημενη ϲυ εν γυναιξιν και ευλογημενοϲ ο καρποϲ τηϲ κοιλιαϲ ϲου
43 και ποθεν μοι τουτο ινα ελθη η μητηρ του κ̅υ̅ μου προϲ με
44 ιδου γαρ ωϲ εγενετο η φωνη του αϲπαϲμου ϲου ειϲ τα ωτα μου εϲκιρτηϲεν εν αγαλλιαϲει το βρεφοϲ εν τη κοιλια μου
45 και μακαρια η πιϲτευϲαϲα οτι εϲται τελειωϲιϲ τοιϲ λελαλημενοιϲ αυτη παρα κ̅υ̅
46 και ειπεν μαρια μεγαλυνει η ψυχη μου τον κ̅ν̅
47 και ηγαλλιαϲεν το π̅ν̅α̅ μου εν τω θ̅ω̅ τω ϲωτηρι μου
48 οτι επεβλεψεν κ̅ϲ̅ επι την ταπινωϲιν τηϲ δουληϲ αυτου ιδου γαρ απο του νυν μακαριουϲιν με παϲαι αι γενεαι
49 οτι εποιηϲεν μοι {μεγαλα} [2] ο θ̅ϲ̅ ο δυνατοϲ και αγιον το ονομα αυτου
50 και το ελεοϲ αυτου ειϲ γενεαν γενεων τοιϲ φοβουμενοιϲ αυτον
51 εποιηϲεν κρατοϲ εν βραχιονι αυτου διεϲκορπιϲεν υπερηφανουϲ διανοια καρδιαϲ αυτων
52 καθειλεν δυναϲταϲ απο θρονων και υψωϲεν ταπεινουϲ
53 πεινωνταϲ ενεπληϲεν αγαθων και πλουτουνταϲ εξαπεϲτιλεν κενουϲ
54 αντελαβετο ιϲραηλ παιδοϲ αυτου μνηϲθηναι ελεουϲ
55 καθωϲ ελαληϲεν προϲ τουϲ πατεραϲ ημων τω αβρααμ και τω ϲπερματι αυτου ειϲ τον αιωνα
56 εμεινεν δε μαρια ϲυν αυτη μηναϲ τρειϲ και υπεϲτρεψεν ειϲ τον οικον αυτηϲ
57 τη δε ελιϲαβετ επληϲθη ο χρονοϲ του τεκειν αυτην και εγεννηϲεν υιον
58 και ηκουϲαν οι περιοικοι και ϲυνγενειϲ αυτηϲ οτι εμεγαλυνεν κ̅ϲ̅ το ελεοϲ αυτου μετ αυτηϲ και ϲυνεχαιρον αυτη
59 και εγενετο τη ημερα τη ογδοη ηλθαν περιτεμειν το παιδιον και εκαλουν αυτο επι τω ονοματι του πατροϲ αυτου ζαχαριαν
60 και αποκρειθειϲα η μητηρ αυτου ειπεν ουχι αλλα κληθηϲεται το ονομα αυτου ιωανηϲ
61 και ειπαν προϲ αυτην οτι ουδειϲ εϲτιν εν τι ϲυνγενεα ϲου οϲ καλειται το ονομα τουτο
62 ενενευον δε τω πατρι αυτου οτι ο αν θελοι καλιϲθαι αυτο
63 και αιτηϲαϲ πινακιδα εγραψεν ιωανηϲ εϲτιν το ονομα αυτου και παραχρημα ελυθη η γλωϲϲα αυτου και εθαυμαϲαν παντεϲ
64 ανεωχθη δε το ϲτομα αυτου και ελαλει ευλογων τον θ̅ν̅
65 και εγενετο φοβοϲ μεγαϲ επι πανταϲ τουϲ περιοικουνταϲ αυτον και εν ολη τη ορεινη τηϲ ιουδαιαϲ διελαλειτο παντα τα ρηματα ταυτα
66 και εθεντο παντεϲ οι ακουοντεϲ εν ταιϲ καρδιαιϲ αυτων λεγοντεϲ τι αρα το παιδιον τουτο εϲται και γαρ χειρ κ̅υ̅ μετ αυτου
67 και ζαχαριαϲ ο πατηρ αυτου επληϲθη πνευματοϲ αγιου και ειπεν
68 ευλογητοϲ κ̅ϲ̅ ο θ̅ϲ̅ του ιϲραηλ οτι επεϲκεψατο και εποιηϲεν λυτρωϲιν τω λαω αυτου
69 και ηγειρεν κεραϲ ϲωτηριαϲ ημειν εν οικω δαυειδ παιδοϲ αυτου
70 καθωϲ ελαληϲεν δια ϲτοματοϲ αγιων προφητων αυτου των απ αιωνοϲ
71 ϲωτηριαν εκ χειροϲ εχθρων ημων και παντων των μειϲουντων ημαϲ
72 ποιηϲαι ελεοϲ μετα των πατερων ημων μνηϲθηναι διαθηκηϲ αγιαϲ αυτου
73 ορκον ον ωμοϲεν προϲ αβρααμ τον πατερα ημων του δουναι ημειν
74 αφοβωϲ εκ χειροϲ εκθρων ημων ρυϲθενταϲ λατρευειν αυτω
75 εν οϲιοτητι και δικαιοϲυνη ενωπιον αυτου παϲαϲ ταϲ ημεραϲ ημων
76 και ϲυ δε παιδιον προφητηϲ υψιϲτου κληθηϲη προπορευϲη γαρ προ προϲωπου κ̅υ̅ ετοιμαϲαι οδουϲ αυτου
77 του δουναι γνωϲιν ϲωτηριαϲ τω λαω αυτου εν αφεϲει αμαρτιων αυτων
78 δια ϲπλαγχνα ελεουϲ θ̅υ̅ ημων εν οιϲ επεϲκεψατο ημαϲ ανατολη εξ υψουϲ
79 επιφαναι φωϲ τοιϲ εν ϲκοτει και ϲκια θανατου καθημενοιϲ του κατευθυναι τουϲ ποδαϲ ημων ειϲ οδον ειρηνηϲ
80 το δε παιδιον {η�ξανετο} [3] και εκραταιουτο πνευματι και ην εν ταιϲ ερημοιϲ εωϲ ημεραϲ αναδειξεωϲ αυτου προϲ τον ιϲραηλ
Примечания:
23 [1] {αυτου}
49 [2] {μεγαλια}
80 [3] {ηυξανε}
Нашли в тексте ошибку? Выделите её и нажмите:
Ctrl + Enter
Евангелие от Луки, 1 ΚΕΦΆΛΑΙΟ. Кодекс Безы — 5 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.