ΚΑΙΝΉ ΔΙΑΘΉΚΗ » Codex 05 Кодекс Безы — 5 век

ΛΟΥΚΑΝ 6 ΚΑΤΑ ΛΟΥΚΑΝ 6 ΚΕΦΆΛΑΙΟ

1 και εγενετο αυτον εν ϲαββατω δευτεροπρωτω διαπορευεϲθαι δια των ϲποριμων οι δε μαθηται αυτου ηρξαντο τιλλειν τουϲ ϲταχυαϲ και ψωχοντεϲ ταιϲ χερϲιν ηϲθιον
2 τινεϲ δε των φαριϲαιων ελεγον αυτω ειδε τι ποιουϲιν οι μαθηται ϲου τοιϲ ϲαββαϲιν ο ουκ εξεϲτιν
3 αποκριθειϲ δε ο ι̅η̅ϲ̅ ελεγεν προϲ αυτουϲ ουδεποτε τουτο ανεγνωται ο εποιηϲεν δαυειδ οτε επειναϲεν αυτοϲ και οι ϲυν αυτω
4 ειϲελθων ειϲ τον οικον του θ̅υ̅ και τουϲ αρτουϲ τηϲ προϲθεϲεωϲ εφαγεν και εδωκεν και τοιϲ μετ αυτου οιϲ ουκ εξον ην φαγειν ει μη μονοιϲ τοιϲ ιερευϲιν τη αυτη ημερα θεαϲαμενοϲ τινα εργαζομενον τω ϲαββατω ειπεν αυτω ανθρωπε ει μεν οιδαϲ τι ποιειϲ μακαριοϲ ει ει δε μη οιδαϲ επικαταρατοϲ και παραβατηϲ ει του νομου
5 και ελεγεν αυτοιϲ οτι κ̅ϲ̅ εϲτιν ο υιοϲ του ανθρωπου και του ϲαββατου
6 και ειϲελθοντοϲ αυτου παλιν ειϲ την ϲυναγωγην ϲαββατω εν η ην ανθρωποϲ ξηραν εχων την χειρα
7 παρετηρουντο αυτον οι γραμματειϲ και οι φαριϲαιοι ει τω ϲαββατω θεραπευει ινα ευρωϲιν κατηγορηϲαι αυτου
8 αυτοϲ δε γεινωϲκω̅ τουϲ διαλογιϲμουϲ αυτων λεγει τω την χειρα εχοντι ξηραν εγειρου και ϲτηθι εν τω μεϲω και αναϲταϲ εϲταθη
9 ειπεν δε ο ι̅η̅ϲ̅ προϲ αυτουϲ επερωτηϲω υμαϲ ει εξεϲτιν τω ϲαββατω αγαθοποιηϲαι η κακοποιηϲαι ψυχην ϲωϲαι η απολεϲαι οι δε εϲιωπων
10 και περιβλεψαμενοϲ αυτουϲ πανταϲ εν οργη λεγει τω ανθρωπω εκτεινον την χειρα ϲου και εξετεινεν και απεκατεϲταθη η χειρ αυτου ωϲ και η αλλη
11 αυτοι δε επληϲθηϲαν ανοιαϲ και διελογιζοντο προϲ αλληλουϲ πωϲ απολεϲωϲιν αυτον
12 εγενετο δε εν ταιϲ ημεραιϲ εκειναιϲ εξελθειν αυτον ειϲ το οροϲ και προϲευχεϲθαι και ην διανυκτερευων εν τη προϲευχη
13 και οτε εγενετο ημερα εφωνηϲεν τουϲ μαθηταϲ αυτου και εκλεξαμενοϲ απ αυτων ι̅β̅ ουϲ και αποϲτολουϲ εκαλεϲεν
14 πρωτον ϲιμωνα ον και πετρον επωνομαϲεν και ανδρεαν τον αδελφον αυτου και ιακωβον και ιωανην τον αδελφον αυτου ουϲ επωνομαϲεν βοανηργεϲ ο εϲτιν υιοι βροντηϲ και φιλιππον και βαρθολομαιον
15 και μαθθαιον και θωμαν τον επικαλουμενον δυδυμον και ιακωβον τον του αλφαιου και ϲιμωνα τον καλουμενον ζηλωτην
16 και ιουδαν ιακωβου και ιουδαν ϲκαριωθ οϲ και εγενετο προδοτηϲ
17 και καταβαϲ μετ αυτων εϲτη επει τοπου πεδεινου και οχλοϲ μαθητω̅ αυτου και πληθοϲ πολυ του λαου απο παϲηϲ ιουδαιαϲ και αλλων πολεων
18 εληλυθοτων ακουϲαι αυτου και ιαθηναι απο των νοϲων αυτων και οι οχλουμενοι απο πνευματων ακαθαρτων εθεραπευοντο
19 και παϲ ο οχλοϲ εζητει αψαϲθε αυτου οτι δυναμιϲ παρ αυτου εξηρχετο και ιατο πανταϲ
20 και ετι αραϲ τουϲ οφθαλμουϲ αυτου ειϲ τουϲ μαθηταϲ ελεγεν μακαριοι οι πτωχοι οτι υμετερα εϲτιν η βαϲιλεια του θ̅υ̅
21 μακαριοι οι πεινωντεϲ νυν οτι χορταϲθηϲεϲθε
22 μακαριοι εϲτε οταν μειϲηϲουϲιν υμαϲ οι ανθρωποι και οταν αφοριϲωϲιν και εκβαλωϲιν και ονιδιϲωϲιν το ονομα υμω̅ ωϲ πονηρον ενεκεν του υιου του ανθρωπου
23 χαρητε εν εκεινη τη ημερα και ϲκιρτηϲατε οτι υ μιϲθοϲ υμων πολυϲ εν τω ουρανω κατα τα αυτα εποιουν τοιϲ προφηταιϲ οι πατερεϲ αυτων
24 πλην ουαι υμειν τοιϲ πλουϲιοιϲ {υτι} [18] απεχετε την παρακληϲιν υμων
25 ουαι υμειν οι ενπεπληϲμενοι οτι πειναϲετε ουαι υμειν οι γελωντεϲ νυν οτι πενθηϲεται και κλαυϲεται
26 ουαι υμειν οταν καλωϲ υμειν ειπωϲιν οι ανθρωποι κατα τα αυτα εποιουν τοιϲ ψευδοπροφηταιϲ οι πατερεϲ αυτων
27 αλλα υμειν λεγω τοιϲ ακουουϲιν αγαπατε τουϲ εχθρουϲ υμων καλωϲ ποιειτε τοιϲ μειϲουϲιν υμαϲ
28 ευλογειτε τουϲ καταρωμενουϲ υμαϲ προϲευχεϲθε υπερ των επηρηαζοντων υμαϲ
29 τω τυπτοντι ϲε ειϲ την ϲιαγονα παρεχε αυτω και την αλλην και απο του αιροντοϲ ϲου το ιματιον και τον χιτωνα μη κωλυϲηϲ
30 παντι δε τω αιτουντι ϲε διδου και απο του αιροντοϲ τα ϲα μη απαιτει
31 και καθωϲ θελετε ινα ποιωϲιν υμειν οι ανθρωποι και υμειϲ ποιειτε αυτοιϲ
32 και ει αγαπατε τουϲ αγαπωνταϲ υμαϲ ποια υμειν χαριϲ εϲτιν και γαρ οι αμαρτωλοι τουτο ποιουϲιν τουϲ αγαπωνταϲ αυτουϲ αγαπωϲιν
33 και ει αγαθοποιειτε τουϲ αγαθοποιουνταϲ υμαϲ ποια χαριϲ υμειν εϲτιν και γαρ οι αμαρτωλοι τουτο ποιουϲιν
34 καν δανιζετε παρ ων ελπιζεται απολαβειν ποια χαριϲ υμειν εϲτιν και γαρ αμαρτωλοι αμαρτωλοιϲ δανιζουϲιν ινα απολαβωϲιν
35 πλην αγαπατε τουϲ εχθρουϲ υμων και αγαθοποιειτε και δανιζετε μηδεν αφελπιζοντεϲ και εϲται ο μιϲθοϲ υμων πολυϲ και εϲεϲθαι υιοι υψιϲτου οτι αυτοϲ χρηϲτοϲ εϲτιν επι τουϲ αχαριϲτουϲ και πονηρουϲ
36 γεινεϲθε οικτιρμονεϲ καθωϲ και ο πατηρ υμων οικτειρμων εϲτιν
37 μη κρεινετε ινα μη κριθητε μη καταδικαζετε ινα μη καταδικαϲθητε απολυετε και απολυθηϲεϲθαι
38 διδοτε και δοθηϲεται υμειν μετρον καλον ϲεϲαλευμενον πεπιεϲμενον υπερεκχυννομενον δωϲουϲιν ειϲ τον κολμων υμων ω γαρ μετρω μετρειτε αντιμετρηθηϲεται υμειν
39 ελεγεν δε και παραβολην αυτοιϲ μητι δυναται τυφλοϲ τυφλον οδαγειν ουχι αμφοτεροι ειϲ βοθυνον ενπεϲουνται
40 ουκ εϲτιν μαθητηϲ υπερ τον διδαϲκαλον κατηρτιϲμενοϲ δε παϲ εϲται ωϲ ο διδαϲκαλοϲ αυτου
41 τι δε βλεπειϲ το καρφοϲ εν τω οφθαλμω του αδελφου ϲου την δε δοκον την εν τω ϲω οφθαλμω ου κατανοειϲ
42 η πωϲ δυναϲαι λεγειν τω αδελφω ϲου αφεϲ εκβαλω το καρφοϲ εκ του οφθαλμου ϲου και ιδου η δοκοϲ εν τω ϲω οφθαλμω υποκειται {υποκρειται} [19] εκβαλε πρωτον την δοκον εκ του οφθαλμου ϲου και τοτε διαβλεψειϲ εκβαλειν το καρφοϲ εκ του οφθαλμου του αδελφου ϲου
43 ουκ εϲτιν δενδρον καλον ποιουν καρπουϲ ϲαπρουϲ ουδε δενδρον ϲαπρον ποιουν καρπουϲ καλουϲ
44 εκαϲτον δενδρον εκ του καρπου αυτου γεινωϲκεται ου γαρ εκλεγονται εξ ακανθων ϲυκα ουδε εκ βατου ϲταφυλην τρυγωϲιν
45 ο αγαθοϲ ανθρωποϲ εκ του αγαθου θηϲαυρου αυτου τηϲ καρδιαϲ προφερει αγαθον και ο πονηροϲ εκ του πονηρου προφερει το πονηρον εκ γαρ περιϲϲευματοϲ καρδιαϲ καλει το ϲτομα αυτου
46 τι δε με λεγεται κ̅ε̅ κ̅ε̅ και ου ποιειτε α λεγω
47 παϲ ο ερχομενοϲ προϲ με και ακουων μου των λογων και ποιων αυτουϲ υποδειξω υμειν τινι εϲτιν ομοιοϲ
48 ομοιοϲ εϲτιν ανθρωπω οικοδομουντι οικειαν οϲ εϲκαψεν και εβαθυνεν και εθηκεν θεμελιον επι την πετραν πλημυραϲ δε γενομενηϲ προϲερηξεν ο ποταμοϲ τη οικεια κεινη και ουκ ιϲχυϲεν ϲαλευϲαι αυτην τεθεμε λιωτο γαρ επι την πετραν
49 ο δε ακουϲαϲ και μη ποιηϲαϲ ομοιοϲ εϲτιν ανθρωπω οικοδομηϲαντι οικειαν επι την γην χωριϲ θεμελιου ϲυνερηξεν ο ποταμοϲ και ϲυνεπεϲεν και εγενετο το ρηγμα τηϲ οικειαϲ εκεινηϲ μεγα

Примечания:

24  [18] {οτι}
42  [19] {υποκρειτα}

Нашли в тексте ошибку? Выделите её и нажмите: Ctrl + Enter

Евангелие от Луки, 6 ΚΕΦΆΛΑΙΟ. Кодекс Безы — 5 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖИТЕ НАС

ΛΟΥΚΑΝ 6 ΚΕΦΆΛΑΙΟ в переводах:
ΛΟΥΚΑΝ 6 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.