1 και εγενετο εν τω ειναι αυτον εν τοπω τινι προϲευχομενον και ωϲ επαυϲατο ειπεν τιϲ των μαθητων αυτου προϲ αυτον κ̅ε̅ διδαξον ημαϲ προϲευχεϲθαι καθωϲ και ιωανηϲ εδιδαξεν τουϲ μαθηταϲ αυτου
2 ο δε ειπεν οταν προϲευχηϲθε μη βαττολογειτε ωϲ οι λοιποι δοκουϲιν γαρ τινεϲ οτι εν τη πολυλογεια αυτων ειϲακουϲθηϲονται αλλα προϲευχομενοι λεγετε πατερ ημων ο εν τοιϲ ουρανοιϲ αγιαϲθητω ονομα ϲου εφ ημαϲ ελθετω ϲου η βαϲιλεια γενηθητω το θελημα ϲου ωϲ εν ουρανω και επι γηϲ
3 τον αρτον ημων τον επιουϲιον δοϲ ημειν ϲημερον
4 και αφεϲ ημειν τα οφιλεματα ημων ωϲ και ημειϲ αφειομεν τοιϲ οφειλεταιϲ ημων και μη ειϲενεγκηϲ ημαϲ ειϲ πειραϲμον αλλα ρυϲαι ημαϲ απο του πονηρου
5 και ειπεν τιϲ εξ υμων εξει φιλον και πορευϲεται προϲ αυτον μεϲανυκτιου και ερει αυτω φιλε χρηϲον μοι τρειϲ αρτουϲ
6 επειδη φιλοϲ μοι παρεϲτιν απ αγρου και ουκ εχω ο παραθηϲω αυτω
7 εκεινοϲ δε εϲωθεν αποκρειθειϲ ερει μη μοι κοπουϲ παρεχε ηδη η θυρα κεκλιϲται και τα παιδια μου μετ εμου εν τη κοιτη εϲτιν ου δυναμαι αναϲταϲ δουναι ϲοι
8 λεγω υμειν ου δωϲει αυτω αναϲταϲ δια το ειναι αυτον φιλον αυτου δια γε την αναιδιαν αυτου εγερθειϲ δωϲει οϲον χρηζει
9 καγω υμειν λεγω αιτειτε και δοθηϲεται υμειν ζητειτε και ευρηϲεται κρουετε και ανοιχθηϲεται υμειν
10 παϲ γαρ ο αιτων λαμβανει και ο ζητων ευριϲκει και τω κρουοντι ανοιγεται
11 τιϲ δε εξ υμων τον πατερα ο υιοϲ αιτηϲει αρτον μη λιθον αυτω επιδωϲει η και ιχθυν αιτηϲει μη αντι ιχθυοϲ οφιν αυτω επιδωϲει
12 εαν δε και ωον αιτηϲει μη ϲκορπιον αυτω επειδωϲει
13 ει ουν υμειϲ πονηροι οντεϲ οιδατε δοματα αγαθα διδοναι τοιϲ τεκνοιϲ υμων ποϲω μαλλο̅ ο πατηρ ο εξ ουρανου δωϲει αγαθον δομα τοιϲ αιτουϲιν αυτον
14 ταυτα δε ειποντοϲ αυτου προϲφερετε αυτω δαιμονιζομενοϲ κωφοϲ και εκβαλοντοϲ αυτου παντεϲ εθαυμαζον
15 και τινεϲ εξ αυτων ειπον εν βεελζεβουλ αρχοντι των δαιμονιων εκβαλλει τα δαιμονια ο δε αποκριθειϲ ειπεν πωϲ δυναται ϲαταναϲ ϲαναν εκβαλειν
16 ετεροι δε πειραζοντεϲ ϲημειον εξ ουρανου εζητουν παρ αυτου
17 αυτοϲ δε ειδωϲ αυτων τα διανοηματα ειπεν αυτοιϲ παϲα βαϲιλεια διαμεριϲθειϲα εφ εαυτην ερημουται και οικοϲ επ οικον πεϲιται
18 ει δε και ο ϲαταναϲ εφ εαυτον διεμεριϲθη ου ϲταθηϲεται η βαϲιλεια αυτου οτι λεγετε εν βεελζεβουλ εκβαλλειν με τα δαιμονια
19 ει δε εγω εν βεελζεβουλ εκβαλλω τα δαιμονια υιοι υμων εν τι εκβαλλουϲιν δια τουτο αυτοι υμων κριται εϲονται
20 ει δε εγω εν δακτυλω θ̅υ̅ εκβαλλω τα δαιμονια αρα εφθαϲεν εφ υμαϲ η βαϲιλεια του θ̅υ̅
21 οταν ο ιϲχυροϲ καθωπλιϲμενοϲ φυλαϲϲει την αυλην αυτου εν ιρηνη εϲτιν τα υπαρχοντα αυτου
22 εαν δε ιϲχυροτεροϲ επελθων την πανοπλιαν αυτου αιρει εφ η πεποιθεν και τα ϲκυλα αυτο διαδιδωϲιν
23 ο μη ων μετ εμου κατ εμου εϲτιν και ο μη ϲυναγων μετ εμου ϲκορπιζει
24 οταν δε το ακαθαρτον πνευμα εξελθη απο του ανθρωπου διερχεται δια των υδρων τοπων ζητουν αναπαυϲιν και μη ευριϲκον λεγει υποϲτρεψω ειϲ τον οικον μου οθεν εξηλθον
25 και ελθων ευριϲκι ϲεϲαρωμενον κεκοϲμημενον
26 πορευεται και παραλαμβανει αλλα επτα πνευματα πονηροτερα εαυτου και ειϲελθοντα κατοικει και γεινεται τα εϲχατα του ανθρωπου εκεινου χειρονα των πρωτων
27 εγενετο δε εν τω λεγειν αυτον ταυτα γυνη τιϲ επαραϲα φωνην εκ του οχλου ειπεν αυτω μακαρια η κοιλια η βαϲταϲαϲα ϲε και μαϲθοι ουϲ εθηλαϲαϲ
28 ο δε ειπεν μενουνγε μακαριοι οι ακουοντεϲ τον λογον του θ̅υ̅ και φυλαϲϲοντεϲ
29 των δε οχλων επαθροζομενων ηρξατο λεγειν η γενεα αυτη γενεα πονηρα εϲτιν ϲημειον επειζητει και ϲημειον ου δοθηϲεται αυτη ει μη το ϲημειον ιωνα
30 καθωϲ γαρ εγενετο ιωναϲ ϲημιον τοιϲ νινευταιϲ ουτωϲ εϲται και ο υιοϲ του ανθρωπου τη γενεα ταυτη και καθωϲ ιωναϲ εν τη κοιλια του κητουϲ εγενετο τριϲ ημεραϲ και τρειϲ νυκταϲ ουτωϲ και ο υιοϲ του ανθρωπου εν τη γη
31 βαϲιλιϲϲα νοτου εγερθηϲεται μετα των ανδρων τηϲ γενεαϲ ταυτηϲ και κατακρινει αυτουϲ οτι ηλθεν εκ των περατων τηϲ γηϲ ακουϲαι την ϲοφιαν ϲολομωνοϲ και ιδου πλεον ϲολομωνοϲ ωδε
32 [отсутствует]
33 ουδειϲ λυχνον αψαϲ ειϲ κρυπτην τιθηϲιν ουδε υπο τον μοδιον αλλα επι την λυχνιαν ινα οι ειϲπορευομενοι το φωϲ βλεπωϲιν
34 ο λυχνοϲ του ϲωματοϲ ϲου εϲτιν ο οφθαλμοϲ ϲου οταν η ο οφθαλμοϲ ϲου απλουϲ παν το ϲωμα ϲου φωτινον εϲτιν οταν δε πονηροϲ η και το ϲωμα ϲου εϲτιν ϲκοτινον εϲτιν
35 ει ουν το φωϲ το εν ϲοι ϲκοτοϲ το ϲκοτοϲ ποϲον
36 [отсутствует]
37 εδεηθη δε αυτου τιϲ φαριϲαιοϲ ινα αριϲτηϲη μετ αυτου ειϲελθων δε ανεπεϲεν
38 ο δε φαριϲαιοϲ ηρξατο διακρεινομενοϲ εν εαυτω λεγειν δια τι ου πρωτον εβαπτιϲθη προ του αριϲτου
39 ειπεν δε ο κ̅ϲ̅ προϲ αυτον νυν υμειϲ οι φαριϲαιοι υποκριται το εξωθεν του ποτηριου και του πινακοϲ καθαριζετε το δε εϲωθεν υμων γεμει αρπαγηϲ και πονηριαϲ
40 αφρονεϲ ουχ ο ποιηϲαϲ το εϲωθεν και το εξωθεν εποιηϲεν
41 πλην τα ενοντα δοτε ελεημοϲυνην και ιδου παντα καθαρα εϲται υμειν
42 αλλα ουαι υμειν τοιϲ φαριϲαιοιϲ οτι αποδεκατουτε το ηδυοϲμον και το πηγανον και παν λαχανον και παρερχεϲθαι την κριϲιν και την αγαπην του θ̅υ̅
43 ουαι υμειν φαριϲαιοι οτι αγαπατε την πρωτοκαθεδριαν εν ταιϲ ϲυναγωγαιϲ και τουϲ αϲπαϲμουϲ εν ταιϲ αγοραιϲ και πρωτοκλιϲιαϲ εν τοιϲ δειπνοιϲ
44 ουαι υμειν γραμματειϲ και φαριϲαιοι οτι εϲτε μνημεια αδηλα και οι ανθρωποι επανω περιπατουντεϲ ουκ οιδαϲιν
45 αποκριθειϲ δε τιϲ των νομικων λεγει αυτω διδαϲκαλε ταυτα λεγων και ημαϲ υβρειζειϲ
46 ο δε ειπεν και υμειν ουαι τοιϲ νομικοιϲ οτι φορτιζετε τουϲ ανθρωπουϲ φορτια δυϲβακτατα και αυτοι ενι των δακτυλων υμων ου {προϲψδυετε}[28]
47 ουαι υμειν οτι οικοδομειτε τα μνημεια των προφητων οι δε πατερεϲ υμων απεκτειναν αυτουϲ
48 αρα μαρτυρειτε μη ϲυνευδοκειν τοιϲ εργοιϲ των πατερων υμων οτι αυτοι μεν απεκτειναν αυτουϲ υμειϲ δε οικοδομειτε
49 δια τουτο αποϲτελλω ειϲ αυτουϲ προφηταϲ και αποϲτολουϲ και εξ αυτων αποκτενουϲιν και εκδιωξουϲιν
50 ινα εκζητηθη το αιμα παντων των προφητων το εκχυννομενον απο καταβοληϲ κοϲμου εωϲ τηϲ γενεαϲ ταυτηϲ
51 απο αιματοϲ αβελ εωϲ αιματοϲ ζαχαριου υιου βαραχειου ον εφονευϲαν ανα μεϲον του θυϲιαϲτηριου και του ναου ναι λεγω υμειν {εζητηθεται}[29] απο τηϲ γενεαϲ ταυτηϲ
52 ουαι υμειν τοιϲ νομικοιϲ οτι εκρυψατε την κλειν τηϲ γνωϲεωϲ και αυτοι ουκ ιϲηλθατε και τουϲ ειϲπορευομενουϲ εκωλυϲατε
53 λεγοντεϲ δε ταυτα προϲ αυτουϲ ενωπιον παντοϲ του λαου ηρξαντο οι φαριϲαιοι και οι νομικοι δεινωϲ εχειν και ϲυνβαλλειν αυτω περι πλειονων
54 ζητουντεϲ αφορμην τινα λαβειν αυτου ινα ευρωϲιν κατηγορηϲαι αυτου