1 εγενετο δε εν ϲαββατω διαπορευεϲθαι αυτο̅ δια ϲποριμων και ετιλλον οι μαθηται αυτου και ηϲθιον τουϲ ϲταχυαϲ ψωχοντεϲ ταιϲ χερϲιν
2 τινεϲ δε των φαρειϲαιων ειπον τι ποιειτε ο ουκ εξεϲτι̅ τοιϲ ϲαββαϲιν
3 και αποκριθειϲ προϲ αυτουϲ ειπεν ι̅ϲ̅ ουδε τουτο ανεγνωτε ο εποιηϲε̅ δαυειδ οτε επειναϲε̅ αυτοϲ και οι μετ αυτου
4 ειϲηλθεν ειϲ τον οικο̅ του θ̅υ̅ και τουϲ αρτουϲ τηϲ προθεϲεωϲ λαβω̅ εφαγεν και εδωκεν τοιϲ μετ αυτου ουϲ ουκ εξεϲτιν φαγειν ει μη μονουϲ τουϲ ιερειϲ
5 και ελεγεν αυτοιϲ κ̅ϲ̅ εϲτιν του ϲαββατου ο υιοϲ του ανθρωπου
6 εγενετο δε εν ετερω ϲαββατω ειϲελθειν αυτον ειϲ την ϲυναγωγην και διδαϲκειν και ην ανθρωποϲ εκει και η χειρ αυτου η δεξια ην ξηρα
7 παρετηρου̅το δε αυτον οι γραμματειϲ και οι φαρειϲαιοι ει εν τω ϲαββατω θεραπευϲει ινα ευρωϲιν κατηγορειν αυτου
8 αυτοϲ δε ηδει τουϲ διαλογιϲμουϲ αυτων ειπεν δε τω ανδρι τω ξηραν εχοντι την χειρα εγειρε και ϲτηθι ειϲ το μεϲον και αναϲταϲ εϲτη
9 ειπεν δε ι̅ϲ̅ προϲ αυτουϲ επερωτω υμαϲ ει εξεϲτι τω ϲαββατω αγαθοποιηϲαι η κακοποιηϲαι ψυχην ϲωϲαι η απολεϲαι
10 και περιβλεψαμενοϲ πανταϲ αυτουϲ ειπεν αυτω εκτεινον την χειρα ϲου ο δε εποιηϲεν και αποκατεϲταθη η χειρ αυτου
11 αυτοι δε επληϲθηϲαν ανοιαϲ και διελαλουν προϲ αλληλουϲ τι αν ποιηϲαιεν τω ι̅υ̅
12 εγενετο δε εν ταιϲ ημεραιϲ ταυταιϲ εξελθει̅ αυτον ειϲ το οροϲ προϲευξαϲθαι και ην διανυκτερευων εν τη προϲευχη του θ̅υ̅
13 και οτε εγενετο ημερα προϲεφωνηϲεν τουϲ μαθηταϲ αυτου και εκλεξαμενοϲ απ αυτω̅ δωδεκα ουϲ και αποϲτολουϲ ωνομαϲεν
14 ϲιμωνα ον και ωνομαϲεν πετρον και ανδρεαν τον αδελφον αυτου και ιακωβον και ιωανην και φιλιππον και βαρθολομαιον
15 και μαθθαιον και θωμαν ιακωβον αλφαιου και ϲιμωνα τον καλουμενον ζηλωτην
16 και ιουδαν ιακωβου και ιουδαν ιϲκαριωθ οϲ εγενετο προδοτηϲ
17 και καταβαϲ μετ αυτων εϲτη επι τοπου πεδινου και οχλοϲ πολυϲ μαθητω̅ αυτου και πληθοϲ πολυ του λαου απο παϲηϲ τηϲ ιουδαιαϲ και ιερουϲαλημ και τηϲ παραλιου τυρου και ϲειδωνοϲ
18 οι ηλθον ακουϲαι αυτου και ιαθηναι απο των νοϲων αυτων και οι ενοχλουμενοι απο πνευματων ακαθαρτων εθεραπευοντο
19 και παϲ ο οχλοϲ εζητουν απτεϲθαι αυτου οτι δυναμιϲ παρ αυτου εξηρχετο και ιατο πα̅ταϲ
20 και αυτοϲ επαραϲ τουϲ οφθαλμουϲ αυτου ειϲ τουϲ μαθηταϲ αυτου ελεγεν μακαριοι οι πτωχοι οτι υμετερα εϲτιν η βαϲιλεια του θ̅υ̅
21 μακαριοι οι πεινωντεϲ νυν οτι χορταϲθηϲεϲθε μακαριοι οι κλαιοντεϲ νυν οτι γελαϲετε
22 μακαριοι εϲτε οταν μειϲηϲωϲιν υμαϲ οι ανθρωποι και οταν αφοριϲωϲιν υμαϲ και ονειδιϲωϲιν και εκβαλωϲιν το ονομα υμω̅ ωϲ πονηρον ενεκα του υιου του ανθρωπου
23 χαρητε εν εκεινη τη ημερα και ϲκιρτηϲατε ιδου γαρ ο μιϲθοϲ υμω̅ πολυϲ εν τοιϲ ουρανοιϲ κατα τα αυτα γαρ εποιουν τοιϲ προφηταιϲ οι πατερεϲ αυτω̅
24 πλην ουαι υμιν τοιϲ πλουϲιοιϲ οτι απεχετε την παρακληϲιν υμων
25 ουαι υμιν οι εμπεπληϲμενοι νυν οτι πειναϲετε ουαι οι γελωντεϲ νυν οτι πε̅θηϲετε και κλαυϲετε
26 ουαι οταν υμαϲ καλωϲ ειπωϲιν παντεϲ οι ανθρωποι κατα τα αυτα γαρ εποιουν τοιϲ ψευδοπροφηταιϲ
27 αλλα υμιν λεγω τοιϲ ακουουϲιν αγαπατε τουϲ εχθρουϲ υμων καλωϲ ποιειτε τοιϲ μειϲουϲιν υμαϲ
28 ευλογειτε τουϲ καταρωμενουϲ υμαϲ προϲευχεϲθε περι των επηρεαζοντων υμαϲ
29 των τυπτοντι ϲε επι την ϲιαγονα παρεχε και την αλλη̅ και απο του αιροντοϲ ϲου το ιματιον και το̅ χιτωνα μη κωλυϲηϲ
30 παντι αιτουντι ϲε διδου και απο του αιροντοϲ τα ϲα μη απαιτει
31 και καθωϲ θελετε ινα ποιωϲιν υμιν οι ανθρωποι ποιειτε αυτοιϲ ομοιωϲ
32 και ει αγαπατε τουϲ αγαπωνταϲ υμαϲ ποια υμιν χαριϲ εϲτι̅ και γαρ οι αμαρτωλοι τουϲ αγαπωνταϲ αυτουϲ αγαπωϲιν
33 και γαρ εαν αγαθοποιητε τουϲ αγαθοποιουνταϲ υμαϲ ποια υμιν χαριϲ εϲτι̅ και οι αμαρτωλοι το αυτο ποιουϲιν
34 και εαν δανιϲητε παρ ων ελπιζετε λαβειν ποια υμιν χαριϲ και αμαρτωλοι αμαρτωλοιϲ δανιζουϲιν ινα απολαβωϲιν τα ιϲα
35 πλην αγαπατε τουϲ εχθρουϲ υμω̅ και αγαθοποιειτε και δανιζετε μηδεν απελπιζοντεϲ και εϲται ο μιϲθοϲ υμων πολυϲ και εϲεϲθε υιοι υψιϲτου οτι αυτοϲ χρηϲτοϲ εϲτιν επι τουϲ αχαριϲτουϲ και πονηρουϲ
36 γεινεϲθε οικτειρμονεϲ καθωϲ ο πατηρ υμων οικτιρμων εϲτι̅
37 και μη κρεινετε και ου μη κριθητε και μη δικαζετε και ου μη δικαϲθητε απολυετε και απολυθηϲεϲθε
38 διδοτε και δοθηϲεται υμιν μετρον καλον πεπιεϲμενον ϲεϲαλευμενον υπερεκχυννομενον δωϲουϲιν ειϲ τον κολπο̅ υμων ω γαρ μετρω μετρειτε {μετρηθηϲεται} [12] υμιν
39 ειπεν δε και παραβολην αυτοιϲ μητι δυναται τυφλοϲ τυφλον οδηγειν ουχι αμφοτεροι ειϲ βοθυνον εμπεϲουνται
40 ουκ εϲτιν μαθητηϲ υπερ τον διδαϲκαλον κατηρτιϲμενοϲ δε παϲ εϲται ωϲ ο διδαϲκαλοϲ αυτου
41 τι δε βλεπειϲ το καρφοϲ το εν τω οφθαλμω του αδελφου ϲου την δε δοκον την εν τω ιδιω οφθαλμω ου κατανοειϲ
42 πωϲ δυναϲαι λεγει̅ τω αδελφω ϲου αδελφε αφεϲ εκβαλω το καρφοϲ το εν τω οφθαλμω ϲου αυτοϲ την εν τω οφθαλμω ϲου δοκον ου βλεπων υποκριτα εκβαλε πρωτο̅ την δοκον εκ του οφθαλμου ϲου και τοτε διαβλεψειϲ το καρφοϲ το εν τω οφθαλμω του αδελφου ϲου εκβαλειν
43 ου γαρ εϲτι̅ δενδρον καλον ποιου̅ καρπον ϲαπρον ουδε παλιν δενδρον ϲαπρο̅ ποιουν καρπον καλον
44 εκαϲτον γαρ δενδρον εκ του ιδιου καρπου γεινωϲκεται ου γαρ εξ ακανθων ϲυλλεγουϲιν ϲυκα ουδε εκ βατου ϲταφυλην τρυγωϲι̅
45 ο αγαθοϲ ανθρωποϲ εκ του αγαθου θηϲαυρου τηϲ καρδιαϲ προφερει το αγαθον και ο πονηροϲ εκ του πονηρου προφερει το πονηρον εκ γαρ περιϲϲευματοϲ καρδιαϲ λαλει το ϲτομα αυτου
46 τι δε με καλειτε κ̅ε̅ κ̅ε̅ και ου ποιειτε ο λεγω
47 παϲ ο ερχομενοϲ προϲ με και ακουων μου των λογων και ποιων αυτουϲ υποδειξω υμιν τινι εϲτιν ομοιοϲ
48 ομοιοϲ εϲτιν ανθρωπω οικοδομουντι οικιαν οϲ εϲκαψεν και εβαθυνεν και εθηκε̅ θεμελιον επι την πετραν πλημμυρηϲ δε γενομενηϲ προϲερηξεν ο ποταμοϲ τη οικια εκεινη και ουκ ιϲχυϲεν ϲαλευϲαι αυτην δια το καλωϲ οικοδομηϲθαι αυτην
49 ο δε ακουϲαϲ και μη ποιηϲαϲ ομοιοϲ εϲτι̅ ανθρωπω οικοδομηϲαντι οικιαν επι τη̅ γην χωριϲ θεμελιου η προϲερηξεν ο ποταμοϲ και ευθυϲ ϲυνεπεϲεν και εγενετο το ρηγμα τηϲ οικιαϲ εκεινηϲ μεγα
Примечания:
38 [12] {αντιμετρηθηϲεται}
Нашли в тексте ошибку? Выделите её и нажмите:
Ctrl + Enter
Евангелие от Луки, 6 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.