1 τη δε μια των ϲαββατων ορθρου βαθεωϲ επι το μνημα ηλθαν φερουϲαι α ητοιμαϲαν αρωματα
2 ευρο̅ δε τον λιθον αποκεκυλιϲμενον απο του μνημειου
3 ειϲελθουϲαι δε ουχ ευρον το ϲωμα του κ̅υ̅ ι̅υ̅
4 και εγενετο εν τω απορειϲθαι αυταϲ περι τουτου και ιδου ανδρεϲ δυο επεϲτηϲαν αυταιϲ εν εϲθητι αϲτραπτουϲη
5 ενφοβων δε γενομενων αυτων και κλεινουϲων τα προϲωπα ειϲ την γη̅ ειπαν προϲ αυταϲ τι ζητειτε τον ζωντα μετα των νεκρων
6 ουκ εϲτιν ωδε αλλα ηγερθη μνηϲθητε ωϲ ελαληϲεν υμιν ετι ων εν τη γαλειλαια
7 λεγων το̅ υιον του ανθρωπου οτι δει παραδοθηναι ειϲ χειραϲ ανθρωπω̅ αμαρτωλων και ϲταυρωθηναι και τη τριτη ημερα αναϲτηναι
8 και εμνηϲθηϲαν των ρηματων αυτου
9 και υποϲτρεψαϲαι απο του μνημειου απηγγειλα̅ ταυτα παντα τοιϲ ενδεκα και παϲι τοιϲ λοιποιϲ
10 ηϲαν δε η μαγδαληνη μαρια και ιωαννα και μαρια η ιακωβου και αι λοιπαι ϲυν αυταιϲ ελεγον προϲ τουϲ αποϲτολουϲ ταυτα
11 και εφανηϲαν ενωπιον αυτων ωϲει ληροϲ τα ρηματα ταυτα και ηπιϲτου̅ αυταιϲ
12 ο δε πετροϲ αναϲταϲ εδραμεν επι το μνημειον και παρακυψαϲ βλεπει τα οθονια μονα και απηλθε̅ προϲ αυτον θαυμαζω̅ το γεγονοϲ
13 και ιδου δυο εξ αυτων εν αυτη τη ημερα ηϲαν πορευομενοι ειϲ κωμην απεχουϲαν ϲταδιουϲ εξηκοντα απο ιερουϲαλημ η ονομα εμμαουϲ
14 και αυτοι ωμειλουν προϲ αλληλουϲ περι παντω̅ των ϲυμβεβηκοτων τουτων
15 και εγενετο εν τω ομειλειν αυτουϲ και ϲυνζητειν {αυτουϲ} [44] ι̅ϲ̅ εγγιϲαϲ ϲυνεπορευετο αυτοιϲ
16 οι δε οφθαλμοι αυτων εκρατουντο του μη επιγνωναι αυτον
17 ειπεν δε προϲ αυτουϲ τινεϲ οι λογοι ουτοι ουϲ αντιβαλλεται προϲ αλληλουϲ περιπατουνταιϲ και εϲταθηϲαν ϲκυθρωποι
18 αποκριθειϲ δε ειϲ ονοματι κλεοπαϲ ειπεν προϲ αυτον ϲυ μονοϲ παροικειϲ ιερουϲαλημ και ουκ εγνωϲ τα γενομενα εν αυτη εν ταιϲ ημεραιϲ ταυταιϲ
19 και ειπε̅ αυτοιϲ ποια οι δε ειπα̅ αυτω τα περι ι̅υ̅ του ναζαρηνου οϲ εγενετο ανηρ προφητηϲ δυνατοϲ εν εργω και λογω εναντιον του θ̅υ̅ και πα̅τοϲ του λαου
20 οπωϲ τε παρεδωκαν αυτον οι αρχιερειϲ και οι αρχοντεϲ ημων ειϲ κριμα θανατου και εϲταυρωϲα̅ αυτον
21 ημειϲ δε ηλπιζαμεν οτι αυτοϲ εϲτιν ο μελλων λυτρουϲθαι τον ιϲραηλ αλλα γε και ϲυν παϲιν τουτοιϲ τριτην ταυτην ημεραν αγει αφ ου ταυτα εγενετο
22 αλλα και γυναικεϲ τινεϲ εξ ημων εξεϲτηϲαν ημαϲ γεναμεναι ορθριναι επι το μνημειο̅
23 και μη ευρουϲαι το ϲωμα αυτου ηλθαν λεγουϲαι και οπταϲιαν αγγελω̅ εωρακεναι οι λεγουϲιν αυτον ζην
24 και απηλθον τινεϲ των ϲυν ημιν επι το μνημειον και ευρον ουτωϲ καθωϲ αι γυναικεϲ ειπον αυτον δε ουκ ειδον
25 και αυτοϲ ειπεν προϲ αυτουϲ ω ανοητοι και βραδειϲ τη καρδια του πιϲτευειν επι παϲιν οιϲ ελαληϲα̅ οι προφηται
26 ουχι ταυτα εδει παθειν τον χ̅ν̅ και ειϲελθειν ειϲ την δοξαν αυτου
27 και αρξαμενοϲ απο μωυϲεωϲ και απο παντων των προφητων διερμηνευϲεν αυτοιϲ εν παϲαιϲ ταιϲ γραφαιϲ τα περι εαυτου
28 και ηγγικαν ειϲ την κωμην ου επορευο̅το και αυτοϲ προϲεποιηϲατο πορρωτερον πορευεϲθαι
29 και παρεβιαϲαντο αυτον λεγοντεϲ μεινον μεθ ημων οτι προϲ εϲπεραν εϲτιν και κεκλικεν ηδη η ημερα και ειϲηλθεν του μειναι ϲυν αυτοιϲ
30 και εγενετο εν τω κατακλιθηναι αυτον μετ αυτων λαβων τον αρτον ευλογηϲεν και κλαϲαϲ επεδιδου αυτοιϲ
31 αυτων δε διηνοιχθηϲαν οι οφθαλμοι και επεγνωϲαν αυτον και αυτοϲ αφαντοϲ εγενετο απ αυτων
32 και ειπαν προϲ αλληλουϲ ουχι η καρδια ημων καιομενη ην ωϲ ελαλει ημιν εν τη οδω ωϲ διηνυγεν ημι̅ ταϲ γραφαϲ
33 και αναϲταντεϲ αυτη τη ωρα υπεϲτρεψαν ειϲ ιερουϲαλημ και ευρον ηθροιϲμενουϲ τουϲ ενδεκα και τουϲ ϲυν αυτοιϲ
34 λεγονταϲ οτι οντωϲ ηγερθη ο κ̅ϲ̅ και ωφθη ϲιμωνι
35 και αυτοι εξηγουντο τα εν τη οδω και ωϲ εγνωϲθη αυτοιϲ εν τη κλαϲει του αρτου
36 ταυτα δε αυτων λαλουντω̅ αυτοϲ εϲτη εν μεϲω αυτων και λεγει αυτοιϲ ειρηνη υμιν
37 θροηθεντεϲ δε και εμφοβοι γενομενοι εδοκουν πνευμα θεωρειν
38 και ειπεν αυτοιϲ τι τεταραγμενοι εϲτε και τι διαλογιϲμοι αναβαινουϲιν εν τη καρδια υμων
39 ιδετε ταϲ χειραϲ μου και τουϲ ποδαϲ μου οτι εγω ειμι αυτοϲ ψηλαφηϲατε με και ιδετε οτι πνευμα και ϲαρκα και οϲτεα ουκ εχει καθωϲ εμε θεωρειτε εχοντα
40 και τουτο ειπων εδειξεν αυτοιϲ ταϲ χειραϲ και τουϲ ποδαϲ
41 ετι δε απιϲτουντω̅ αυτων απο τηϲ χαραϲ και θαυμαζοντων ειπε̅ αυτοιϲ εχετε τι βρωϲιμον ενθαδε
42 οι δε επεδωκαν αυτω ιχθυοϲ οπτου μεροϲ
43 και λαβω̅ ενωπιον αυτων εφαγεν
44 ειπεν δε προϲ αυτουϲ ουτοι οι λογοι μου ουϲ ελαληϲα προϲ υμαϲ ετι ων ϲυν υμιν οτι δει πληρωθηναι απαντα τα γεγραμμενα εν τω νομω μωυϲεωϲ και τοιϲ προφηταιϲ και ψαλμοιϲ περι εμου
45 τοτε διηνοιξεν αυτων τον νουν του ϲυνειναι ταϲ γραφαϲ και ειπεν αυτοιϲ
46 οτι ουτωϲ γεγραπται παθειν τον χ̅ν̅ και αναϲτηναι εκ νεκρων τη τριτη ημερα
47 και κηρυχθηναι επι τω ονοματι αυτου μετανοιαν ειϲ αφεϲιν αμαρτιων ειϲ παντα τα εθνη αρξαμενοι απο ιερουϲαλημ
48 υμειϲ μαρτυρεϲ τουτων
49 και ιδου εγω εξαποϲτελλω την επαγγελειαν του πατροϲ μου εφ υμαϲ υμειϲ δε καθιϲατε εν τη πολει εωϲ ου ενδυϲηϲθε εξ υψουϲ δυναμιν
50 εξηγαγεν δε αυτουϲ εωϲ προϲ βηθανιαν και επαραϲ ταϲ χειραϲ αυτου ευλογηϲεν αυτουϲ
51 και εγενετο εν τω ευλογειν αυτον αυτουϲ διεϲτη απ αυτων και ανεφερετο ειϲ τον ουρανον
52 και αυτοι προϲκυνηϲαντεϲ αυτον υπεϲτρεψα̅ ειϲ ιερουϲαλημ μετα χαραϲ {} [45]
53 και ηϲαν δια παντοϲ εν τω ιερω ευλογουντεϲ τον θ̅ν̅ αμην
Примечания:
15 [44] {και αυτοϲ}
52 [45] {μεγαληϲ}
Нашли в тексте ошибку? Выделите её и нажмите:
Ctrl + Enter
Евангелие от Луки, 24 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.