1 Въ единыи же суботы. зело рано придошя жены на гробъ. несущя. яже уготовашя ароматы. и некыя съ ними.
2 обретошя же камень. отъваленъ отъ гроба
3 и въшьдъшя. не обретошя телесе Господа Иисуса.
4 и бысть. недомыслящемъся имъ о семь. и се мужа дъва стасте въ нихъ. въ риза хъ бльщящахъся.
5 пристрашьнамъ же бы въшамъ имъ. и поклоньшамъ лица на землю. рекостакъ нимъ. чьто ищете живааго. съ мрьтвыими.
6 несть сьде. нъ въста. помянете яко же глагола вамъ. еште сы в Галилеи.
7 глаголя. яко подобаеть Сыну Человечьскуумупредану быти въ руце чловекъ грешьникъ. и распяту быти. и третии дьнь въскрьснути.
8 и помянушя глаголы Его.
9 и възвращьшяся отъ гроба. възвестишя вьса си. единомуна десяте. и вьсемъ прочиимъ
10 беаше же Магдалыни Мария. и Иоана. и Мария Ияковля. и прочяя съ ними яже и глаголаахукъ апостоломъ си
11 и явишяся. предъ ними яко бляди глаголи ихъ. и не имеаху имъ веры.
12 Петръ же въставъ тече къ гробу и приникъ. виде ризы едины лежяща. и иде въ себе дивясябывъшууму. Въ время оно. Петръ въставъ тече къ гробу. Въ время оно. въскрьсъ Иисусъ отъ мрьтвыихъ. ста посре.
13 и се дъва отъ нихъ. беста идуща въ тъжде дьнь. въ вьсь отъстоящую стадии. шестьдесятъ отъ Иерусалима. еиже имя Емаусь.
14 и та беседоваста къ себе. о вьсехъ приключьшиихъся сихъ.
15 и бысть беседующема има. и сътязающемася. самъ Исусъ приближься. идяаше съ нима.
16 очи же ею дьржастеся. да Его не познаета.
17 рече же къ нима. чьто сутъ словеса си. о нихъже сътязаетася. къ себе идуща. и еста дряхла.
18 отъвещавъ же единъ. ему же имя Клеопа. рече къ Нему. Ты ли единъ пришьльць еси въ Иерусалиме. и не чубывъшиихъ въ немь. въ дьни сия.
19 и рече има. кыихъ. она же реста Ему. яже о Исусе Назарянине. Иже бысть мужь пророкъ. сильнъ делъмь и словъмь. предъ Богъмь. и вьсеми людьми.
20 и како И предашя архиереи. и кънязи наши. на осуждение съмрьти. и распяшя И.
21 мыже надеяахомъся. яко Сь есть. хотя ли избавити Израила. нъ и надъ вьсеми сими. третии се дьнь иматъ дьньсь. отънелиже си бышя.
22 и жены етеры отъ насъ ужасишя ны. бывъшя рано у гроба.
23 и не обретъше телесе Его. придошя глаголющя. и явление аньгела видешя. иже глаголютъ жива.
24 и идошя едини отъ насъ къ гробу. и обретошя тако. яко иже и жены рекошя. Самого же не видешя.
25 и Тъ рече къ нима. о не съмысльна и мьдьльна сьрдьцьмь. веровати о вьсехъ. яже глаголашя пророци.
26 не тако ли подобаше пострати Христу. и вънити. въ славу Свою.
27 и начьнъ отъ Моисеа и отъ вьсехъ пророкъ. съказааше има отъ вьсехъ кънигъ. яже бяаху о Немь.
28 и приближишяся въ вьсь въ нюже идяаста. и Тъ. творяашеся далече ити.
29 и нуждааста И глаголюща. облязисъ нама. яко при вечере есть. и преклонилъся есть дьнь. и въниде сънима облещь.
30 и бысть. яко възлеже съ нима. и приимъ хлебъ благослови. и преломль. даяшеима.
31 онема же отъ вьрзостася очи. и познаста И. и Тъ ищезе отъ нею.
32 и реста къ себе. не сьрдьце ли наю горя бевъ наю. егда глаголааше къ нама на пути. и яко съказааше нама Писания.
33 и въставъшавъ тъ часъ. възвратистася въ Иерусалимъ. и обретоста съвъкупльшася единогонадесяте и иже бяаху съ ними.
34 глаголюща. въ истину въста Христосъ. и явися Симону. и та поведаста яже бышя на пути. и яко ся позна има. въ преломлении хлеба.
35
36 Въ время оно въскрьсъ Иисусъ отъ мьрътвыихъ. ста посреде ученикъ Своихъ. и глагола имъ. миръ вамъ.
37 убоявъше же ся и пристрашьни бывъше. мьняаху духъ видяще.
38 и рече имъ чъто съмущени есте. и почьто помышления въходять въ срьдьца ваша.
39 видите руце Мои и нозе Мои. яко Самъ Азъ есмь. Осяжите Мя и видите. яко духъ. плъти и кости не имаать якоже Мя видите имуща.
40 и се рекъ. показа имъ руце и нозе.
41 еще же не верующемъ имъ отъ радости. и чудящемъся рече имъ. имате ли чьто сънедьносьде
42 они же дашя Ему рыбы печены чясть. и отъ бьчелъ сътъ.
43 и приимъ предъ ними есть.
44 рече же имъ. се суть словеса яже глаголахъ къ вамъ еще сы съ вами яко подобаеть съконьчатися вьсемъ написаны имъ въ законе Мосеове и въ пророцехъ и въ псалъмехъ о Мъне.
45 тогда отъвьрьзе имъ умъ. да разумеють Писания
46 и рече имъ. яко тако писано есть и тако подобааше пострадати Христу. ивъскрьснути отъ мьрътвыхъ третии дьнь.
47 и проповедатися въ имя Его покаанию и оставлению грехомъ. въ вьсехъ языцехъ. начьнъше отъ Иерусалима.
48 вы же есте съведетеле симъ
49 и се Азъ. посълю обетование Отца Моего на вы. вы же сядете въ граде Иерусалимьсце. доньдеже облечетеся сило ю съвыше
50 изведъ же я вънъ до Вифания. и въ здвигъ руце Свои благослови я
51 и бысть. егда благословляаше я. отъступи отъ нихъ. и възношаашеся на небо.
52 и ти поклоньшеся Ему. възвратишяся въ Иерусалимъ съ радостию великою.
53 и беаху выину въ цьрькъви. хваляще и благословяще Бога аминъ.
Нашли в тексте ошибку? Выделите её и нажмите:
Ctrl + Enter
Евангелие отъ Лукы, 24 глава. Остромирово Евангелие.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.