1 Въ дьни оны. изиде повеление отъ кесара Августа. написати вьсу вьселеную.
2 се написание. пьрвое бысть. владущу Сириею Кириниу
3 и идеаху вьси къжьдо въ свои градъ.
4 възиде же Иосифъ. отъ Галилеа из града Назарефьска. въ Иудею. въ градъ Давыдовъ. иже нарицаеться Вифлеемъ. зане же беаше отъ дому и отъ отьчьствия Давидова.
5 написатися. съ Мариею обрученою ему женою. сущею. непраздьною.
6 бысть же. егда быста ту исплънишяся дьние родити Еи.
7 и роди Сынъ Свои пьрвеньць. и повитъ Его. и положи И въ яслехъ. зане не бе има места въ обитель.
8 и пастуси беаху въ то и же стране бъдяще. и стрегуще. стражу нощьную. о стаде своемь.
9 и се ангелъ Господень. ста у нихъ. и слава Господня осияя и убояшяся страхъмь велиемь.
10 и рече имъ ангелъ. не боитеся. се бо. благовестую вамъ. радость велику. я же будеть вьсемъ людьмъ.
11 яко родися вамъ дьньсь. спасъ еже есть Христосъ Господь въ граде Давыдове
12 и се вамъ знамение. обрящете младеньць повитъ. лежащь въ яслехъ.
13 и вънезаапу. быстьсъ ангеломъ мъножьство вои небесьныихъ. хвалящиихъ Бога и глаголющиихъ.
14 слава въ вышьнихъ Богу. и на земли миръ. въ человецехъ благоволение.
15 и бысть. яко отъидошя отъ нихъ на небо ангели. и человеци пастусирекошя другъ къ другу. преидемъ убо до Вифлеема и ви димъ глаголъ сьбывъшии. иже Господьсъказа намъ
16 и придошя подвигъшеся. и обретошя Марию же и Осифъ и Младеньць лежящь въ ясльхъ.
17 видевъше же. съказашя о глаголе. глаголанеемь. о Отрочяти Семь
18 и виси слышавъше дивишяся. о глаголаныхъ отъ пастухъ къ нимъ.
19 Мария же. вься съблюдааше глаголы си сълагающи въ сердци Своемь.
20 Въ время оно възвратишяся пастуси славяще и хваляще Бога. о вьсехъ яже слышашя и видешя. якоже глаголано бысть къ нимъ
21 и егда наплънися осмь дьнии. да И обрежуть. наречено бысть имя Ему Иисусъ. нареченое отъ ангела. прежде даже не зачятъся въ чреве.
22 Въ время оно. възнесоста родителя. Отрочя Иисуса въ Иерусалимъ. по ставити предъ Господомь.
23 якоже есть писано. въ законе Господни. яко вьсакъ младеньць мужьска полу. разврьзая ложесна. свято Господеви на речеться.
24 и дати жьртву по реченууму. въ законе Господни. дъва гърличища. или дъва пътеньца голубина.
25 И бе человекъ въ Иерусалиме. ему жеимя Симеонъ. и человекъ сь. правьдьнъ и чьстивъ. чая утехы Израилевы. и Духъ бе Святъ въ немь
26 и бе ему отъвещано Духъмь Святыимь. не видети съмьрти прежде даже видить Христа Господня.
27 и приде духъмь въ церковь. и егда въведоста родителя. Отрочя Иисуса. сътворитиима. по обычаю законьнууму о Немь.
28 и тъ. приятъ Е на руку своею. и благослови Симеонъ Бога и рече.
29 Ныне отъпустиши раба Твоего Владыко. по глаголу Твоему съмиръмь.
30 яко видесте очимо и спасение Твое
31 еже еси уготовалъ предъ лицьмь вьсехъ людии.
32 светъ въ окръвение языкомъ. и славу людии Твоихъ Израиля.
33 и бе Иосифъ и Мати Его. чудящася о глаголемыхъо Немь.
34 и благослови я Симеонъ. и рече къ Марии. Матери Его се лежить сь нападаниеи на въ стаяние мъногомъ въ Израили и въ знамение прерочьно.
35 и Тебе же самоидушу проидеть оружие. да отъкрыються отъ мъногъ сердець. помы шления.
36 и бе Ана пророчица. дъщи Фануилова. отъ колена Сирова. си заматеревъшивъ дьньхъ мънозехъ живъши съ мужемь 7. летъ. отъ девьства своего.
37 и та въдова до осмидесятъ и четырь летъ яже не охождааше отъ церкве. постъмь и молитвами. служящи нощь и дьнь
38 и та въ тъ часъ приставъши. исповедаашеся Господеви. и глаголааше о Немь. вьсемъ чающиимъ. избавления въ Иерусалиме
39 и яко съконьчашяся вьса. по закону Господню. възвратишясявъ Галилею въ градъ свои Назарефъ
40 Отрочя же растеаше и крепляашеся духъмь исплъняяся пре мудрости. и благодать Божия бе на Немь.
41 и хождааста родителя Его по вьса лета въ Иерусалимъ. въ праздьникъ Пасхе.
42 и егда бысть дъвоюнадесте лету. въсходящемъ имъ въ Ерусалимъ по обычаю праздьника.
43 и коньчавъшемъ дьни. възвращающемъ жеся имъ. оста Отрокъ въ Иерусалиме и не чу Иосифъ. и Мати Его.
44 мьневъша же И въ дружине сущь. идоста дьне путь. и искааста Его въ рождении. и въ знании.
45 и не обретьша Его. възвратистася въ Ерусалимъ възискающа Его.
46 и бысть по трьхъ дьньхъ. обретоста И въ церкъви. седящь посреде учитель. и послушающаихъ. и въ прашающаихъ.
47 ужасааху же ся вьси. послушающи Его. о разуме. и отъветехъ Его.
48 и видевъ ша И дивистася. и къ Нему Мати Его рече Чядо. чьто сътвори нама такосе отець Твои и Азъ скръбяща искахове Тебе.
49 и речекъ нима. чьто яко искаста Мене. не веста ли яко яже суть Отца Моего. въ техъ достоить Ми быти.
50 и та. не разу места глагола иже рече има.
51 и съниде съ нима. и приде въ Назарефъ. и бе повинуяся има. Мати же Его съблюдаашевься глаголы сия. сълагающи въ срьдьци Своемь.
52 Иисусъ же спеаше. премудростию и телъмь и благодатию отъ Бога и человекъ.
Нашли в тексте ошибку? Выделите её и нажмите:
Ctrl + Enter
Евангелие отъ Лукы, 2 глава. Остромирово Евангелие.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.