1
2
3
4
5
6
7
8
9
10
11 Рече Господь. притъчу сию. чловекъ некыи име дъва сына
12 и рече мьнии сынъ ею. отцу отче. даждь ми достоину чясть имения. и раздели има имение
13 и не по мънозехъ дьньхъ. събьравъ вьсе мьнии сынъ. отъиде на страну далече. иту расточи имение свое. живы блудьно.
14 иждивъшю же ему вьса. бысть гладъ крепъкъ. на стране тои. и тъ начятъ лишатися.
15 и шьдъ прилепися единомь. отъ житель тоя страны. и посъла и на села своя пастъ свинии.
16 и желааше насытити чрево свое. отъ рожьць. яже едеаху свиния. и никътоже не даяаше ему.
17 въ себе же пришьдъ рече. колику наимьникъ отца моего и избывають хлеби. азъ же сьде гладъмь гыбну.
18 въставъ. иду къ отцу моему. и реку ему отче. съгрешихъ на небо и предъ тобою.
19 уже несмь достоинъ нарештися сынъ твои. сътворимя. яко единого отъ наимьникъ твоихъ.
20 и въставъ. иде къ отцу своему. еще же ему далече сущу. узьре и отець его. и милъ ему бысть. и текъ паде на выю его. и облобыза и.
21 рече же ему сынъ отче. съгрешихъ на небо и предъ тобою. уже несмь достоинъ нарещися сынъ твои.
22 рече же отець. къ рабомъ своимъ. изнесете одежду прьвую. и облецете и. и дадите прьстень на руку его. и сапогы на нозе.
23 и приведъше тельць упитаныи заколете. и едъше да веселимъся.
24 яко сынъ мои сь. мрьтвъ бе и оживе. изгыблъ бе и обретеся. и начяшя веселитися.
25 бе же сынъ егостареи на селе и яко гряды приближися къ дому. и слыша пения и ликы.
26 и призъвавъ единого отъ рабъ въпрашааше. чьто убоси суть.
27 онъ жерече ему. яко братъ твои приде и закла отьць твои. тельць упитаныи яко съдрава и приятъ.
28 разгневавъ же ся. и не хотеаше вънити. отець же его ишьдъ молеаше и.
29 онъ же отъвещавъ. рече отцу своему. се колико летъ работаю тебе. и николиже заповеди твоея не преступихъ. и мъне николиже не далъ еси козьляте. да съ другы моими. възвеселилъся быхъ.
30 егда же сынъ твои сь. изъедъи твое имение съ любодеицами приде. и закла ему. тельць питомыи.
31 онъ же рече ему. чядо. ты вьсегда. съ мъною еси. и вьса моя твоя суть.
32 въ звеселити же ся. и въздрадовати подобааше. яко братъ твои сь. мрътвъ бе и оживе. изгыблъ бе и обретеся.
Нашли в тексте ошибку? Выделите её и нажмите:
Ctrl + Enter
Евангелие отъ Лукы, 15 глава. Остромирово Евангелие.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.