1
2
3
4
5 Рече Господь притъчу сию. изиде сеяи сеатъ семене своего. и егда сеяаше. ово паде при пути. и попьрано бысть. и пътиця небесьныя позобашя е
6 а другое паде на камене. и прозябъ усъше. занене имеаше влагы.
7 а другое паде посреде трьния. и въздрасте трьние и подави е.
8 а другое паде на земли добре. и прозябъ сътвори плодъ съторицею.
9 въ прашааху же И ученици Его глаголюще. чьто есть. притъча си.
10 Онъ же рече имъ. вамъ дано есть ведети таины Цесарьствия Божия а прочиимъ въ притъчахъ. да видяще. не видятя. и слышяще не разумеють
11 есть же притъча си. семя есть слово Божие
12 а иже при пути суть. слышящеи. потомь же придеть дияволъ. и възьметь слово отъ сердца ихъ да не веры имъше спасени будуть.
13 а иже на камени. иже егда услышять. съ радостию приимуть слово. и сии корене не имуть. иже въ время веру емлють. и въ время напасти оступають.
14 а падъшее въ трьнии. си суть слышавъшеи. и отъ печали и богатьствия. и сластьми житиискыми. ходяще подавлеються и не доврьха плода творять.
15 а иже на земли добре. сии суть. иже добръмь сердцьмь и благъмь. слышяще слово дрьжять. и плодъ творять въ трьпении. сиглаголя възгласи. имея уши слышати даслышить.
16 Рече Господь Своимъ ученикомъ никътоже светильника въжегъ. покрываеть его спудомъ или подъ одръ подълагаеть. нъ на свещьникъ възлагаеть. да въходящии. видять светъ
17 несть бо таино. еже не явиться. ни утаеное еже небудеть познано. и въ явление придеть.
18 блюдетеся убо како слышите. иже бо имать дасться ему. и иже не имать. и еже мьниться имея. отъиметься отъ него.
19 придошя же къ Нему. Мати и братия Его. и не можааху беседовати народъмь.
20 и възвестишя Ему глаголюще. яко Мати Твоя и братия Твоя. въне стоять видети Тяхотяще.
21 . Онъ же отъвещавъ рече къ нимъ. Мати Моя и братия Моя. си суть слышящеи слово Божие и творящеее.
22 Въ время оно. вълезе Иисусъ въ корабль и ученици Его. и рече къ нимъ преядемъ на онъ полъ езера. и вънидошя
23 ядущемъ же имъ усъпеи съниде бура ветрьна въ езеро. и исконьчаваахуся. и вълаахуся.
24 приступльше же възбудишя И. глаголюще Наставьниче. Наставьниче. погыбнемъ. Онъ же въставъ запрети ветру. и вълънению водьнууму и улеже. и бысть тишина.
25 и рече имъ. къде есть вера ваша убоявъшежеся. чудишяся глаголюще къ себе къто убо Сь есть яко и ветромъ велить и воде. и послушають Его.
26
27 Въ время оно. ишьдъшу Иисусови на землю Гадариньску. сърете И мужь некыи отъ града. иже име бесы отъ летъ мъногъ. и въ ризу не облачаашеся. и въ храме не живеаше. нъ въ гробехъ.
28 узьревъ же Иисуса. възъпивъ припаде къ Нему. и гласъмь великъмь рече. чьто есть мъне и Тебе Иисусе. Сыну Бога Вышьнеаго. молю Ти ся не му чи мене.
29 прещааше бо. духови нечистууму изити отъ человека отъ мъногъ болетъ въсхыщааше и. и вязаху и ужи железны. и путы стрегущеи. и растрьгая узы. гонимъ бывааше бесъмь сквозе пустыня
30 въпроси же и Иисусъ глаголя. чьто ти имя есть. онъ же рече легеонъ. якобеси мънози вънидошя вънь.
31 и молеаху И. да не повелить имъ въ бездьну ити.
32 бе же ту. стадо свинии мъного пасомо въ горе. и молишя И. да повелить имъвъ ты вънити. и повеле имъ
33 и ищьдъше же беси отъ человека. вънидошя въ свиния. и устрьмися ста до. по брегу въ езеро. и истопе
34 видевъше же пасущеи бывъшее. бежашя. и възвестишя въ градехъ и въ селехъ.
35 и изидошя видети бывъшее. и придошя къ Иисусови и обретошя седяща человека. из негоже изидошя беси. облъчена и съмысляща. при ногу Иисусову. и убояшяся.
36 възвестишя же имъ. видевъшеи. како спасеся бесьновавыи.
37 и молишя И вьсь народъ. области Гергесиньскыя. отъити отъ нихъ. яко страхъмь великъмь одрьжими беаху. онъ же вълезъ въ корабль възвратися.
38 молеашежеся Ему мужь. из негоже изидошя беси. да бы съ Нимь былъ. отъпусти же и Иисусъ. глаголя.
39 възвратися въ домъ твои. и поведаи елико ти сътвори Богъ. и иде по вьсему граду. проповедая елико сътвори ему Иисусъ.
40
41 Въ время оно. человекъ некыи приде къ Иисусови. именемъ Иаиръ. и тъ кънязь съборищу бе. и падъ при ногу Иисусову. молеаше И вънити въ домъ свои.
42 яко дъщи единочя да бе ему. яко дъвоюнадесяте лету и та умирааше. егда же идеаше. народи угнетааху И
43 и жена сущи въточении кръви. отъ дъвоюнадесяте лету. яже врачемъ издаявъши вьсе имение свое. ни отъ единого же може исцелети.
44 приступльши съзади. коснуся въскрилии ризы Его. и абие статокъ кръве ея
45 и рече Иисусъ. къто есть коснувыися Мъне отъ метающемъ жеся вьсемъ. рече Петръ и иже беаху съ нимь Наставьниче. народи угнетають Тя и гнетуть Тя. и глаголеши къто есть коснувыся Мъне
46 Иисусъ же рече. прикоснуся Мъне некъто. Азъ бо чухъ. силу ишьдъшу из мене.
47 видевъши же жена яко не утаися. трепещущи приде. и падъши предъ Нимь. за нюже вину коснуся Емь. поведа предъ вьсеми людьми. и яко исцеле абие.
48 Онъ же рече еи. дрьзаи дъщи вера твоя спасе тя. иди въ миръ.
49 еще же Ему глаголющу. приде некыи отъ архисинагога. глаголя ему. яко умре дъщи твоя не движи Учителя.
50 Иисусъ же слышавъ. отъвеща емуглаголя. не боися. тъкъмо веруи. и спасена будеть
51 пришьдъ же въ домъ. не да вънити съ Собою никомуже. тъкъмо Петру и Иоану. и Иякову. и отцу отроковици и матери
52 рыдааху же вьси. и плакаахуся ея. Онъ же рече. не плачитеся. нестъ умръла девица нъ съпить.
53 и руга ахуся Ему. ведуще яко умретъ.
54 Онъ же изгънавъ вънъ вься. и имъ ю за руку. възгласи. глаголя отроковице въстани.
55 и възвратися духъ ея. и въскрьсе абие и повеле дати еи ести.
56 и ужа состася родителя ея. Онъ же запрети има никомуже не поведати бывъшааго.
Нашли в тексте ошибку? Выделите её и нажмите:
Ctrl + Enter
Евангелие отъ Лукы, 8 глава. Остромирово Евангелие.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.