1 Въ время оно. прилучишяся неции етери. Иисусови поведающе Ему о галилеихъ. ихъ же кръвь Пилатъ съмеси съ жрътвами ихъ.
2 и отъвещавъ Иисусъ рече имъ. мьните ли яко галилеане сии. грешьнеише паче вьсехъ галилеане бешя. яко тако пострадашя.
3 ни. глаголю вамъ. нъ аще не покаетеся. и вьси такожде погыбнете.
4 или они осмьнадесяте. на няже паде стлъпъ. Силуамьскъ. и поби ямьните ли яко ти длъжьнеише бешя. паче всехъ человекъ. живущихъ въ Иерусалиме.
5 ни. глаголю вамъ. нъ аще не покаетеся. вьси тако жде погыбнете.
6 глагола же сию притъчу. смоковьницу имеаше некъто етеръ въ винограде своемь въсаждену. и приде ища плода на неи и не обрете.
7 рече же къ винареви. се тритие лета прихожду ища плода на смоковьници сеи и не обретаю. посеци ю въскую иземлюопразнееть.
8 онъ же отъвещавъ рече ему. господи. остави ю и селе то. доньдеже ю окопаю окрьстъ. и осыплю гноимь.
9 и аще убо сътворить плодъ. аще ли же ни. въ грядущее посечеши ю. си глаголя възгласи. имеяи уши слышати да слышить.
10 Въ время оно. бе учя Иисусъ. на единомь отъ съборищь въ суботы.
11 и се жена. духъ имущи недужьнъ. 18. летъ. и бе слука. и не могущи въ склонитися отинудь.
12 узьревъ же ю Иисусъ. пригласи и рече еи. жено. отъпущена еси отъ недуга твоего.
13 и възложи на ню руце. и абие простреся. и славлеаше Бога
14 отъ вещавъ же архисинагогъ. негодуя. зане въ суботу исцели Иисусъ. глаголааше народу шесть дьнии есть. въ няже достоить делативъ ты убо приходяще целитеся. а не въ дьнь суботьныи.
15 отъвеща къ нему Господь и рече. лицемери къжьдо васъ въ суботу. не отрешить ли волу своего. или осьла отъ яслии. и ведъ напаяеть.
16 сию же дъщере Авраамлю сущу. юже съвяза сотона. се осмоенадесятелето. не подобааше ли раздрешити ея отъязя сея. въ дьнь суботьныи
17 и се глаголющу Ему. стыдеахуся вси противлеющиися Ему. и вьси людие радоваахуся. о вьсехъ славьныихъ. бывающиихъ отъ Него.
18
19 Рече Господь. притъчу сию. подобьно есть. Царьствие Небесьное зрьну горюшьну. еже приимъ человекъ. въврь же въ врьтоградъ свои. и въздрасте и бысть въ древо велико. и птиця небесьныя. въсе лишяся въ ветви его.
20 пакы рече. кому уподоблю Царствие Божие.
21 подобьно есть квасу иже приимъши жена. съкры въ муце. трии сата. доньдеже въкысевьса.
22 и прохождааше сквозе грады и вьси. учя ихъ Иисусъ. и шьствие творя въ Иерусалимъ.
23 рече же некыи къ нему. Господи аще мало есть спасающиихъся. Онъ же рече къ нимъ
24 подвизаитеся вънити сквозе тесная врата яко мънози глаголю вамъ. възищуть вънити. и невъзмогутъ.
25 отъ нележе убо въ станеть господинъ дому. и затворять двьри и начьнете въне стояти. и тлещи въ двьри глаголюще. Господи Господи отврьзи намъ и отъвещавъ речеть вамъ. неведе васъ отъкуду есте.
26 Тогда начьнете глаголати. ехомъ предъ Тобою и пихомъ. и на распутиихъ нашихъ училъ ны еси.
27 и речеть глаголю вамъ. не веде васъ отъкуду есте отъступите отъ Мене вьси делателе неправьде
28 ту будеть плачь и скрьжьтъ зубомъ. егда узьрите Авраама и Исаака и Иякова. и вься пророкы въ Царьствии Божии. вы же изгонимы вънъ
29 и придутьотъ въстокъ и западъ и севера и юга. и възлягуть въ Царствии Божии.
30
31
32
33
34
35
Нашли в тексте ошибку? Выделите её и нажмите:
Ctrl + Enter
Евангелие отъ Лукы, 13 глава. Остромирово Евангелие.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.