1
2
3
4
5
6
7
8
9
10 Рече Господь. верьны въ мале. и въ мнозе верьнъ есть. и неправьдьны въ мале. и въ мънозе неправьдьнъ есть.
11 аще убо въ неправьдьнемь мамоне. верьни не бысте. въ истиньнемь. къто вамъ веру иметь.
12 и аще въ шуждемь верьни не бысте. ваше къто дасть вамъ
13 никыи же рабъ не можеть дьвема господинома работати. или бо единого възненавидить. а другааго възлюбить. или единого дрьжиться. а о друземь небрещи въчьнеть. не можете Богу работати и мамоне.
14 слышааху же се вьси и фарисеи. съребролюбьци суще. и подражааху и.
15 и рече имъ вы есте оправьдающе себе предъ человекы. Богъ же весть сердца яко еже есть предъ человекы высоко. мрьзость предъ Богомь есть.
16
17
18
19 Рече Господь. человекъ некыи бе богатъ. и облачаашеся въ порфиру и въ виссъ. веселяся на вьсакъ дьнь светьло
20 нищь же бе етеръ. именемъ Лазарь. иже лежааше. при вратехъ его гноинъ.
21 и желая насытитися отъ крупиць падающихъ отъ трапезы богатааго. нъ и пьси приходяще облизааху гнои его.
22 бысть же умрети нищууму. и несену быти ангелы. на лоно Авраамле. умретъ же и богатыи. и погребошя и.
23 и сы въ аде възведъ же очи свои. сы въ мукахъ. узре Авраама издалече. и Лазара на лоне его.
24 итъ възглашь рече. Отче Аврааме. помилуи мя. и посъли Лазара. да омочить коньць прьста своего въ воде. и устудить языкъ мои. яко стражду въ пламени семь.
25 рече же Авраамъ. чядо. помяни. яко въсприялъ еси ты благая твоя въ животе твоемь. и Лазарь такожде зълая. ныне же сьде утешаеться. а ты страждеши.
26 и надъ вьсеми сими между нами и вами. пропасть велия утврьдися. яко да хотящеи минути отъсуду къ вамъ. не възмогуть. ни иже отътуду къ намъ преходять.
27 рече же. молю тя убо отче. да и посълеши въ домъ отца моего.
28 имамъ бо пять братия. яко да засъведетельствуеть имъ. да не и ти придуть на место семучьное.
29 глагола же Авраамъ. имутъ Мосеа и пророкы да послушаютъ ихъ.
30 онъ же рече. ни отче Аврааме. нъ аще къто. отъ мрьтвыхъ идеть къ нимъ. покаються
31 рече же ему. аще Моисеа и пророкъ не послушають. ни аще къто отъ мрьтвыхъ въскрьснеть. веры не имуть.
Нашли в тексте ошибку? Выделите её и нажмите:
Ctrl + Enter
Евангелие отъ Лукы, 16 глава. Остромирово Евангелие.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.