1
2
3
4
5
6
7
8
9
10
11
12
13
14
15
16 Въ время оно. приде Иисусъ въ Назарефъ. въ немьже бе въспитанъ. и въниде по обычаю Своему. въ дьнь суботьныи въ събориште. и въста чистъ.
17 и въдашя Ему кънигы. Иисаия пророка. и разгънувъ кънигы. обрете место. иде же бе написано.
18 Духъ Господень на Мъне. егоже ради помаза Мя. благовеститъ нищиимъ посъла Мя и исцелитъ съкрушеныя сердцьмь. проповедати пленьникомъ отъпущение. и слепымъ прозьрение. отъпустити съкрушеныя въ отъраду
19 проповедати лето Господне приятьно.
20 и съгнувъ кънигы. въдавъ слузе седе. и вьсемъ въ съборищи. очи беаста зьрящи на Нь.
21 наячтъ же глаголати къ нимъ. яко дьньсь събысться писание се. въ ушию вашею.
22 и вьси съведетельствовааху Ему и дивляахуся. о слове сехъ благодати. исходящи ихъ из устъ Его. и глаголааху не Сь ли есть сынъ Иосифовъ.
23 и рече къ нимъ. вьсако речете Ми притъчу сиюврачу исцелися самъ. елико слышахомъ бывъшихъ. въ Капернауме сътвори и сьде въ отьчьствии Своемь
24 рече же. аминъ. глаголю вамъ. яко никоторы же пророкъ. приятъ есть. въ отьчьствии своемь
25 въистину же глаголю вамъ. яко мъногы въдовиця бешя въ дьни Илиины. въ Иерусалиме. егда заключися небо. три лета. и шесть месяць. яко бысть гладъ по вьсеи земли
26 и ни къ единои же ихъ посъланъ бысть Илия. тъкъмо въ сареффу Сидоньскую. къ жене въдовици.
27 и мънози беаху прокажении въ Израили. при Елисеи пророце и ни единъ же отъ нихъ очистися. тъкъмо Нееманъ Сирскыи.
28 наплънишя же ся вьси яростию. на съборищи слышяще си.
29 и въставъше изгънашя И вънъ и з града. и ведошя И врьху горы. на неиже градъ ихъ сътворенъ беаше. да бышя И низъринули.
30 Онъ же прошьдъ. и посреде ихъ идеаше.
31 Въ время оно. въниде Иисусъ въ Каперьнаумъ. въ градъ Галилеискъ. и бе учя въ суботы
32 и ужасаахуся о учении Его. яко съ властию бе слово Его.
33 и въ съборищи. бе человекъ имы духа нечиста. и възъпи гласъмь вельемь глаголя.
34 остани. чьто есть на мъне и Тебе Иисусе Назарянине. пришьлъ еси погубитъ насъ. вемь Тя Къто еси. Святыи Божии.
35 и запрети ему Иисусъ глаголя. премльчи. и изиде из него и поврьгъ и бесъ посреде и изиде из него. никако же не вреждь его
36 и бысть ужасъ на вьсехъ. и сътязаахуся другъ къ другу глаголюще. чьто есть слово се. яко властию и силою велить нечистыимъ духомъ. и исходять.
37
38
39
40
41
42
43
44
Нашли в тексте ошибку? Выделите её и нажмите:
Ctrl + Enter
Евангелие отъ Лукы, 4 глава. Остромирово Евангелие.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.