1
2
3
4
5
6
7
8
9
10
11
12
13
14
15
16 Рече Господь Своимъ ученикомъ слушаяи васъ Мене слушаеть. и слушаяи Мене. слушаеть Посълавъшааго Мя. и отъметаяися васъ. Мене ся отъметаеть. а отъметаяися Мене. отъметаеться Посълавъшааго Мя.
17 възвратишя же ся седмьдесятъ съ радостию глаголюще. Господи. и беси повинуються намъ. о имени Твоемь.
18 рече же имъ. видехъ сотону. яко млъниюсъ небесе падъша
19 се дахъ вамъ власть. насту пати на змия и скорпия. и навьсу силу врагу. и ничьто же васъ не вредить.
20 обаче. о семь не радуитеся. яко дуси вамъ повинуються радуите же ся. яко имена ваша. написана сутъ на небесехъ.
21 въ тъ часъ. въздрадовася духъмь Иисусъ. и рече. исповедаю Тися Отче. Господи небесе и земли. яко утаилъ еси се. отъ премудрыихъ и разумьнъ. и отъкры си младеньцемъ еи. Отче. яко тако бысть благоволение предъ Тобою. Въ время оно. приде Иисусъ въ Капернаумъ.
22
23
24
25 Въ время оно. законьникъ некыи. приде къ Иисусови. искушая И и глаголя. Учителю. чьто сътворь. животъ вечьныи наследьствую.
26 Онъ же рече къ нему въ законе чьто писано есть. како чьтеши.
27 онъ же отъвещавъ рече възлюбиши Господа Бога своего вьсемь сердьцьмь своимь. и вьсею душею свою. и вьсею крепостию своею. и вьсемь помышлениимь своимь. и ближьняаго твоего яко самъ ся.
28 рече же ему правъ отъвеща се твори иживъ будеши.
29 онъ же хотя оправьдитися самъ рече къ Ииусови. и къто есть ближьнии мои.
30 отъвещавъ же Иисусъю рече человекъ некыи съхождааше отъ Иерусалима въ Ерихо. и въ разбоиникы въпаде. иже и съвлъкъшеи. и язвы възложьше. отъидошя. оставльше и. лежива суща.
31 по приключаю же. иере и некыи. съхождааше путьмъ темь. и видевъ мимоиде.
32 такожде же и левитъ. бывъ на томь месте пришьдъ и видевъ мимоиде.
33 самаренинъ же некыи гряды. приде надъ нь. и видевъ и милосрьдова.
34 и приступль обяза струпы его. възливая елеи и вино. въсаждь же и на свои скотъ. приведе ивъ гостиницу. и прилежя емь.
35 и на утрия ишьдъ. изьмъ дъва съребрьника. дасть гостиньнику. и рече ему прилежи емь. и еже аще прииждивеши. азъ егда възвращуся. въздамь ти.
36 къто убо отъ техъ трии ближьни и мьнить ти ся быти. въпадъшууму въ разбоиникы.
37 онъ же рече. сътворивыи милость съ нимь. рече же ему Иисусъ. иди и ты твори такожде.
38 Въ время оно въниде Иисус въ вьсь етеру жена же етера. именемь Марфа. приятъ И въ домъ свои.
39 и сеи бе сестра. нарицаемая Мария. яже и седъши при ногу Иисусову. слышааше слово Его.
40 и Марфа. мълвляаше о мънозе служьбе. ставъши же рече Господи небрежеши ли яко сестра моя едину мя остави служити рьци убо еи. да ми поможеть.
41 отъвещавъ же рече еи Иисусъ Марфа Марфа. печешися и мълвиши о мънозе
42 едино же есть на потребу Мария бо. благую чясть избьра. яже не отъ иметься отъ нея.
Нашли в тексте ошибку? Выделите её и нажмите:
Ctrl + Enter
Евангелие отъ Лукы, 10 глава. Остромирово Евангелие.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.
