1 Въ время оно. въниде Иисусъ въ Каперьнаумъ.
2 сътьнику же некоему рабъ боля зъле умирааше. иже бе ему чьстьнъ
3 слышавъ же о Иисусе. посъла къ Нему старьця иудеискы моля Его да пришьдъ спасеть раба его.
4 они же пришьдъше къ Иисусу. молеаху И тъщьно глаголюще. яко достоинъ есть. еже аще даси ему
5 любить бо языкъ нашь и съборище тъ съзъда намъ.
6 Иисусъ же идеаше съ ними. еще же Ему недалече сущу отъ дому. посъла къ Нему сътьникъ другы. глаголя. Господи недвижися. несмь бо достоинъ. да подъ кровъ мои вънидеши.
7 темь же ни себе достоина сътворихъ прити къ Тебе. нъ рьци словъмь. и исцелееть отрокъ мои
8 ибо азъ. человекъ есмь подъ властели учиненъ. имея подъ собою воины. и глаголю сему иди. и идеть. и другуму приди. и приде ть. и рабу моему. сътвори се. и сътворить.
9 и слышавъ се Иисус. чудися ему и обращься последующууму народу рече. глаголю вамъ. ни въ Израили толикы веры не обретохъ.
10 и възвращьшеся въ домъ посълании. обретошя болящааго раба и исцелевъша.
11 Въ время оно. идеаше Иисусъ. въ градъ нарицаемыи Наинъ. и съ Нимь идеаху ученици Его и народъ мъногъ
12 якоже приближися къ вратомъ граду. и се. изношааху умьръшь. сынъ единочядъ матери своеи и та бе въдова и народъ отъ града мъногъ. бесъ нею.
13 и видевъ ю Господь милосрьдова ю. и рече еи не плачися.
14 и приступль коснувъ одръ. носящеи же сташя. и рече. юноше. тебе глаголю. въстани.
15 и седе мрьтвыи. и начя глаголати. и въдасть и матери его
16 приятъ же страхъ вьса. и славляаху Бога глаголюще. яко пророкъ велиивъста въ насъ. и яко посети богъ. людии Своихъ.
17
18
19
20
21
22
23
24
25
26
27
28
29
30
31
32
33
34
35
36 Въ время оно. молеаше некыи отъ фарисеи Иисуса. да бы елъ съ Нимь и въшьдъ въ домъ фарисеовъ. възлеже.
37 и се жена въ граде. яже бе грешьница. уведевъши яко възлежить. въ храмине фарисеове. принесъши алавастръ мира.
38 и ставъши зади при ногу Его. плачущися. начятъ мочити нозе Его сльзами. и власы главы своея отирааше. и облобызааше нозе Его. и мазааше миръмь.
39 видевъ же фарисеи. възъвавы Его. рече въ себе глаголя. Сь абы былъ пророкъ. веделъ убо бы къто. и какова жена. яже прикасаеться Емь. яко грешьница есть.
40 отъвещавъ же Иисус рече ему. Симоне. имамъ ти нечьто рещи. онъ же рече. Учителю рьци
41 дъва длъжьника беста. заимодавьцу некоему. единъ длъжьнъ бе. пятиюсътъ динарии и. а другы пятиюдесятъ
42 не имущема же има въздати. обема отъда. которыи убо ею. паче възлюбить и.
43 отъвещавъ же Симонъ рече. непьщую. яко ему же мъножае отъда. Онъ же рече ему. правъ судилъ еси
44 и обращься къ жене. Симону рече. видишили сию жену. вънидохъ въ домъ твои. воды на нозе Мои не дасть. си же. сльзами омочи нозе Мои. и власы своими отьре.
45 лобъзания Ми не. дасть. си же отъ нелиже вънидохъ. не преста облобызающи нозе Мои
46 елеемъ главы Моея не помаза. си же миръмь помаза но зе Мои.
47 егоже ради глаголю ти. отъпущаються еи греси мънози. и яко възлюби мъного а емуже мьне отъпущаеться. мьньшьми любить.
48 рече же еи отъпущаються тебе греси.
49 и начяшя възлежящеи съ Нимь. глаголати въ себе къто Сь есть. яко и грехы отъпущаеть.
50 рече же къ жене. вера твоя спасетя. и иди съ миръмь.
Нашли в тексте ошибку? Выделите её и нажмите:
Ctrl + Enter
Евангелие отъ Лукы, 7 глава. Остромирово Евангелие.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.
