1 αναβλεψαϲ δε ειδεν τουϲ βαλλο̅ταϲ ειϲ το γαζοφυλακιον τα δωρα αυτων πλουϲιουϲ
2 ειδεν δε τινα χηραν πενιχραν βαλλουϲαν εκει λεπτα δυο
3 και ειπεν αληθωϲ λεγω υμιν οτι η χηρα αυτη η πτωχη πλειον παντων εβαλεν
4 παντεϲ γαρ ουτοι εκ του περιϲϲευοντοϲ αυτοιϲ εβαλον ειϲ τα δωρα αυτη δε εκ του υϲτερηματοϲ αυτηϲ παντα τον βιον ον ειχεν εβαλεν
5 και τινω̅ λεγοντων περι του ιερου οτι λιθοιϲ καλοιϲ και αναθημαϲιν κεκοϲμηται ειπεν
6 ταυτα α θεωρειτε ελευϲονται ημεραι εν αιϲ ουκ αφεθηϲεται λιθοϲ επι λιθω ωδε οϲ ου καταλυθηϲεται
7 επηρωτηϲαν δε αυτον λεγοντεϲ διδαϲκαλε ποτε ουν ταυτα εϲται και τι το ϲημιον οταν μελλη ταυτα γεινεϲθαι
8 ο δε ειπεν βλεπετε μη πλανηθητε πολλοι γαρ ελευϲονται επι τω ονοματι μου λεγοντεϲ εγω ειμι και ο καιροϲ ηγγικεν μη πορευθητε οπιϲω αυτων
9 οταν δε ακουϲητε πολεμουϲ και ακαταϲταϲιαϲ μη πτοηθητε δει γαρ ταυτα γενεϲθαι πρωτον αλλ ουκ ευθεωϲ το τελοϲ
10 τοτε ελεγεν αυτοιϲ εγερθηϲεται εθνοϲ επι εθνοϲ και βαϲιλεια επι βαϲιλειαν
11 ϲειϲμοι τε μεγαλοι και κατα τοπουϲ λοιμοι και λειμοι εϲο̅ται φοβηθρα τε και απ ουρανου ϲημεια μεγαλα εϲται
12 προ δε τουτων παντων επιβαλουϲιν εφ υμαϲ ταϲ χειραϲ αυτων και διωξουϲιν παραδιδοντεϲ ειϲ ταϲ ϲυναγωγαϲ και φυλακαϲ απαγομενουϲ επι βαλειϲ και ηγεμοναϲ ενεκεν του ονοματοϲ μου
13 αποβηϲεται υμιν ειϲ μαρτυριο̅
14 θετε ουν εν ταιϲ καρδιαιϲ υμων μη προμελεταν απολογηθηναι
15 εγω γαρ δωϲω υμιν ϲτομα και ϲοφιαν η ου δυνηϲονται αντιϲτηναι η αντειπειν απαντεϲ οι αντικειμενοι υμιν
16 παραδοθηϲεϲθε δε και υπο γονεων και αδελφων και ϲυγγενων και φιλων και θανατωϲουϲιν εξ υμω̅
17 και εϲεϲθε μειϲουμενοι υπο παντων δια το ονομα μου
18 και θριξ εκ τηϲ κεφαληϲ υμω̅ ου μη αποληται
19 εν τη υπομονη υμων κτηϲεϲθε ταϲ ψυχαϲ υμω̅
20 οταν δε ιδητε κυκλουμενην υπο ϲτρατοπεδων ιερουϲαλημ τοτε γνωτε οτι ηγγικε̅ η ερημωϲιϲ αυτηϲ
21 τοτε οι εν τη ιουδαια φευγετωϲαν ειϲ τα ορη και οι εν μεϲω αυτηϲ εκχωρειτωϲαν και οι εν ταιϲ χωραιϲ μη ειϲερχεϲθωϲαν ειϲ αυτην
22 οτι ημεραι εκδικηϲεωϲ αυται ειϲιν του πληϲθηναι παντα τα γεγραμμενα
23 ουαι ταιϲ εν γαϲτρι εχουϲαιϲ και ταιϲ θηλαζουϲαιϲ εν εκειναιϲ ταιϲ ημεραιϲ εϲται γαρ αναγκη μεγαλη επι τηϲ γηϲ και οργη τω λαω τουτω
24 και πεϲουνται ϲτοματι μαχαιρηϲ και αιχμαλωτιϲθηϲονται ειϲ τα εθνη παντα και ιερουϲαλημ εϲται πατουμενη υπο εθνων αχρι ου πληρωθωϲιν και εϲονται καιροι εθνων
25 και εϲονται ϲημεια ε̅ ηλιω και ϲεληνη και αϲτροιϲ και επι τηϲ γηϲ ϲυνοχη εθνων εν απορια ηχουϲ θαλαϲϲηϲ και ϲαλου
26 αποψυχοντων ανθρωπων απο φοβου και προϲδοκιαϲ των επερχομενων τη οικουμενη αι γαρ δυναμειϲ των ουρανω̅ ϲαλευθηϲονται
27 και τοτε οψονται τον υιον του ανθρωπου ερχομενον εν νεφελη μετα δυναμεωϲ και δοξηϲ πολληϲ
28 αρχομενω̅ δε τουτων γεινεϲθαι ανακυψατε και επαρατε ταϲ κεφαλαϲ υμω̅ διοτι εγγιζει η απολυτρωϲιϲ υμων
29 και ειπεν παραβολην αυτοιϲ ιδετε την ϲυκην και παντα τα δενδρα
30 οτα̅ προβαλωϲιν ηδη βλεπο̅τεϲ αφ εαυτων γεινωϲκετε οτι ηδη εγγυϲ το θεροϲ εϲτιν
31 ουτωϲ και υμειϲ οταν ιδητε ταυτα γεινομενα γεινωϲκεται οτι εγγυϲ εϲτιν η βαϲιλεια του θ̅υ̅
32 αμην λεγω υμιν οτι ου μη παρελθη η γενεα αυτη εωϲ αν παντα γενηται
33 ο ουρανοϲ και η γη παρελευϲονται οι δε λογοι μου ου μη παρελευϲονται
34 προϲεχετε δε εαυτοιϲ μηποτε βαρηθωϲιν αι καρδιαι υμων εν κρεπαλη και μεθη και μεριμναιϲ βιωτικαιϲ και επιϲτη εφ υμαϲ αιφνιδιοϲ η ημερα εκεινη
35 ωϲ παγιϲ επιϲελευϲεται γαρ επι πανταϲ τουϲ καθημενουϲ επι προϲωπον παϲηϲ τηϲ γηϲ
36 αγρυπνειτε δε εν παντι καιρω δεομενοι ινα κατιϲχυϲηται εκφυγειν ταυτα παντα τα μελλοντα γεινεϲθαι και ϲταθηναι εμπροϲθεν του υιου του ανθρωπου
37 ην δε ταϲ ημεραϲ διδαϲκων εν τω ιερω ταϲ δε νυκταϲ εξερχομενοϲ ηυλιζετο ειϲ το οροϲ το καλουμενον ελαιων
38 και παϲ ο λαοϲ ωρθριζεν προϲ αυτον εν τω ιερω ακουειν αυτου
Нашли в тексте ошибку? Выделите её и нажмите:
Ctrl + Enter
Евангелие от Луки, 21 ΚΕΦΆΛΑΙΟ. Ватиканский кодекс — 4 век.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.