ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΛΟΥΚΑΝ 23 ΚΑΤΑ ΛΟΥΚΑΝ 23 ΚΕΦΆΛΑΙΟ

1 και αναϲταν απαν το πληθοϲ αυτων ηγαγον αυτον επι τον πειλατον
2 ηρξα̅το δε κατηγορειν αυτου λεγοντεϲ τουτον ευραμεν διαϲτρεφοντα το εθνοϲ ημων και κωλυοντα φορουϲ καιϲαρι διδοναι και λεγοντα αυτον χ̅ν̅ βαϲιλεα ειναι
3 ο δε πειλατοϲ ηρωτηϲεν αυτον λεγων ϲυ ει ο βαϲιλευϲ των ιουδαιων ο δε αποκριθειϲ αυτω εφη ϲυ λεγειϲ
4 ο δε πειλατοϲ ειπεν προϲ τουϲ αρχιερειϲ και τουϲ οχλουϲ ουδεν ευριϲκω αιτιον εν τω ανθρωπω τουτω
5 οι δε επιϲχυο̅ λεγοντεϲ οτι αναϲειει τον λαον διδαϲκων καθ οληϲ τηϲ ιουδαιαϲ και αρξαμενοϲ απο τηϲ γαλειλαιαϲ εωϲ ωδε
6 πειλατοϲ δε ακουϲαϲ επηρωτηϲεν ει {} [42] ανθρωποϲ γαλειλαιοϲ εϲτιν
7 και επιγνουϲ οτι εκ τηϲ εξουϲιαϲ ηρωδου εϲτι̅ ανεπεμψεν αυτον προϲ τον ηρωδην οντα και αυτον εν ιεροϲολυμοιϲ εν ταυταιϲ ταιϲ ημεραιϲ
8 ο δε ηρωδηϲ ιδω̅ τον ι̅ν̅ εχαρη λειαν ην γαρ εξ ικανων χρονω̅ θελων ιδειν αυτον δια το ακουειν περι αυτου και ηλπιζεν τι ϲημειο̅ ιδειν υπ αυτου γεινομενον
9 επηρωτα δε αυτον εν λογοιϲ ικανοιϲ αυτοϲ δε ουδεν απεκρεινατο αυτω
10 {ειϲτηκειϲαν} [43] δε οι αρχιερειϲ και οι γραμματειϲ ευτονωϲ κατηγορουντεϲ αυτου
11 εξουθενηϲαϲ δε αυτον ο ηρωδηϲ ϲυ̅ τοιϲ ϲτρατευμαϲιν αυτου και εμπαιξαϲ περιβαλων αιϲθητα λαμπραν ανεπεμψεν αυτον τω πειλατω
12 εγενοντο δε φιλοι ο τε ηρωδηϲ και ο πειλατοϲ εν αυτη τη ημερα μετ αλληλων προυπηρχο̅ γαρ εν εχθρα οντεϲ προϲ αυτουϲ
13 πειλατοϲ δε ϲυνκαλεϲαμενοϲ τουϲ αρχιερειϲ και τουϲ αρχονταϲ και τον λαον
14 ειπεν προϲ αυτουϲ προϲηνεγκατε μοι τον ανθρωπον τουτον ωϲ αποϲτρεφοντα τον λαον και ιδου εγω ενωπιον υμων ανακρειναϲ ουθεν ευρον εν τω ανθρωπω τουτω αιτιον ων κατηγορειτε κατ αυτου
15 αλλ ουδε ηρωδηϲ ανεπεμψεν γαρ αυτον προϲ ημαϲ και ιδου ουδεν αξιον θανατου εϲτιν πεπραγμενον αυτω
16 παιδευϲαϲ ουν αυτον απολυϲω
17 [отсутствует]
18 ανεκραγο̅ δε παμπληθει λεγοντεϲ αιρε τουτον απολυϲο̅ δε ημιν τον βαραββαν
19 οϲτιϲ ην δια ϲταϲιν τινα γενομενην εν τη πολει και φονον βληθειϲ εν τη φυλακη
20 παλιν δε ο πειλατοϲ προϲεφωνηϲεν αυτοιϲ θελων απολυϲαι τον ι̅ν̅
21 οι δε επεφωνουν λεγοντεϲ ϲταυρου ϲταυρου αυτο̅
22 ο δε τριτον ειπεν προϲ αυτουϲ τι γαρ κακον εποιηϲεν ουτοϲ ουδε̅ αιτιον θανατου ευρο̅ εν αυτω παιδευϲαϲ ου̅ αυτον απολυϲω
23 οι δε επεκειντο φωναιϲ μεγαλαιϲ αιτουμενοι αυτον ϲταυρωϲαι και κατιϲχυον αι φωναι αυτων
24 και πειλατοϲ επεκρεινεν γενεϲθαι το αιτημα αυτων
25 απελυϲεν δε τον δια ϲταϲιν και φονον βεβλημενον ειϲ φυλακην ον ητουντο τον δε ι̅ν̅ παρεδωκεν τω θεληματι αυτων
26 και ωϲ απηγον αυτον επιλαβομενοι ϲιμωνα τινα κυρηναιον ερχομενον απ αγρου επεθηκαν αυτω τον ϲταυρον φερειν οπιϲθεν του ι̅υ̅
27 ηκολουθει δε αυτω πολυ πληθοϲ του λαου και γυναικω̅ αι εκοπτοντο και εθρηνουν αυτον
28 ϲτραφειϲ δε προϲ αυταϲ ι̅ϲ̅ ειπεν θυγατεραιϲ ιερουϲαλημ μη κλαιετε επ εμε πλην εφ εαυταϲ κλαιετε και επι τα τεκνα υμων
29 οτι ιδου ερχονται ημεραι εν αιϲ ερουϲιν μακαριαι αι ϲτειραι και αι κοιλιαι αι ουκ εγεννηϲα̅ και μαϲτοι οι ουκ εθρεψαν
30 τοτε αρξονται λεγειν τοιϲ ορεϲιν πεϲετε εφ ημαϲ και τοιϲ βουνοιϲ καλυψατε ημαϲ
31 οτι ει εν υγρω ξυλω ταυτα ποιουϲιν εν τω ξηρω τι γενηται
32 ηγο̅το δε και ετεροι κακουργοι δυο ϲυν αυτω αναιρεθηναι
33 και οτε ηλθο̅ επι τον τοπον τον καλουμενον κρανιον εκει εϲταυρωϲαν αυτο̅ και τουϲ κακουργουϲ ον μεν εκ δεξιων ον δε εξ αριϲτερων
34 διαμεριζομενοι δε τα ιματια αυτου εβαλον κληρο̅
35 και ειϲτηκει ο λαοϲ θεωρων εξεμυκτηριζο̅ δε και οι αρχοντεϲ λεγοντεϲ αλλουϲ εϲωϲεν ϲωϲατω εαυτον ει υιοϲ εϲτιν ο χ̅ϲ̅ του θ̅υ̅ ο εκλεκτοϲ
36 ενεπαιξαν δε αυτω και οι ϲτρατιωται προϲερχομενοι οξοϲ προϲφεροντεϲ αυτω
37 και λεγοντεϲ ει ϲυ ει ο βαϲιλευϲ τω̅ ιουδαιων ϲωϲον ϲεαυτον
38 ην δε και επιγραφη επ αυτω ο βαϲιλευϲ των ιουδαιων ουτοϲ
39 ειϲ δε των κρεμαϲθε̅των κακουργων εβλαϲφημει αυτον ουχι ϲυ ει ο χ̅ϲ̅ ϲωϲον ϲεαυτον και ημαϲ
40 αποκριθειϲ δε ο ετεροϲ επιτιμων αυτω εφη ουδε φοβη ϲυ τον θ̅ν̅ οτι εν τω αυτω κριματι ει
41 και ημειϲ μεν δικαιωϲ αξια γαρ ων επραξαμε̅ απολαμβανομεν ουτοϲ δε ουδεν ατοπον επραξεν
42 και ελεγεν ι̅υ̅ μνηϲθητι μου οταν ελθηϲ ειϲ την βαϲιλειαν ϲου
43 και ειπεν αυτω αμην ϲοι λεγω ϲημερον μετ εμου εϲη εν τω παραδειϲω
44 και ην ηδη ωϲει ωρα εκτη και ϲκοτοϲ εγενετο εφ ολην την γην εωϲ ωραϲ ενατηϲ
45 του ηλιου εκλειποντοϲ εϲχιϲθη δε το καταπεταϲμα του ναου μεϲον
46 και φωνηϲαϲ φωνη μεγαλη ο ι̅ϲ̅ ειπεν πατερ ειϲ χειραϲ ϲου παρατιθεμαι το πνευμα μου τουτο δε ειπων εξεπνευϲε̅
47 ιδων δε ο εκατονταρχηϲ το γενομενον εδοξαζεν τον θ̅ν̅ λεγω̅ οντωϲ ο ανθρωποϲ ουτοϲ δικαιοϲ ην
48 και πα̅τεϲ οι ϲυνπαραγενομενοι οχλοι επι την θεωριαν ταυτην θεωρηϲα̅τεϲ τα γενομενα τυπτοντεϲ τα ϲτηθη υπεϲτρεφον
49 ειϲτηκειϲαν δε παντεϲ οι γνωϲτοι αυτω απο μακροθεν και αι γυναικεϲ αι ϲυνακολουθουϲαι αυτω απο τηϲ γαλειλαιαϲ ορωϲαι ταυτα
50 και ιδου ανηρ ονοματι ιωϲηφ βουλευτηϲ υπαρχων ανηρ αγαθοϲ δικαιοϲ
51 ουτοϲ ουκ ην ϲυνκατατεθειμενοϲ τη βουλη και τη πραξει αυτων απο αρειμαθαιαϲ πολεωϲ των ιουδαιω̅ οϲ προϲεδεχετο την βαϲιλειαν του θ̅υ̅
52 ουτοϲ προϲελθων τω πειλατω ητηϲατο το ϲωμα του ι̅υ̅
53 και καθελων ενετυλιξεν αυτο ϲινδονι και εθηκεν αυτο̅ εν μνηματι λαξευτω ου ουκ ην ουδειϲ ουπω κειμενοϲ
54 και ημερα ην παραϲκευηϲ και ϲαββατον επεφωϲκεν
55 κατακολουθηϲαϲαι δε αι γυναικεϲ αιτινεϲ ηϲαν ϲυνεληλυθυιαι εκ τηϲ γαλειλαιαϲ αυτω εθεαϲαντο το μνημειον και ωϲ ετεθη το ϲωμα αυτου
56 υποϲτρεψαϲαι δε ητοιμαϲαν αρωματα και μυρα και το μεν ϲαββατον ηϲυχαϲαν κατα την εντολην

Примечания:

6  [42] {ο}
10  [43] {ιϲτηκειϲαν}

Нашли в тексте ошибку? Выделите её и нажмите: Ctrl + Enter

Евангелие от Луки, 23 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

Я ХОЧУ ПОМОЧЬ

ΛΟΥΚΑΝ 23 ΚΕΦΆΛΑΙΟ в переводах:
ΛΟΥΚΑΝ 23 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.