ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΛΟΥΚΑΝ 18 ΚΑΤΑ ΛΟΥΚΑΝ 18 ΚΕΦΆΛΑΙΟ

1 ελεγεν δε παραβολην αυτοιϲ προϲ το δειν παντοτε προϲευχεϲθαι αυτουϲ και μη ενκακειν
2 λεγων κριτηϲ τιϲ ην εν τινι πολει τον θ̅ν̅ μη φοβουμενοϲ και ανθρωπον μη εντρεπομενοϲ
3 χηρα δε ην εν τη πολει εκεινη και ηρχετο προϲ αυτον λεγουϲα εκδικηϲον με απο του αντιδικου μου
4 και ουκ ηθελεν επι χρονον μετα ταυτα δε ειπεν εν εαυτω ει και τον θ̅ν̅ ου φοβουμαι ουδε ανθρωπον εντρεπομαι
5 δια γε το παρεχειν μοι κοπο̅ την χηραν ταυτην εκδικηϲω αυτην ινα μη ειϲ τελοϲ ερχομενη υπωπιαζη με
6 ειπεν δε ο κ̅ϲ̅ ακουϲατε τι ο κριτηϲ τηϲ αδικιαϲ λεγει
7 ο δε θ̅ϲ̅ ου μη ποιηϲη τη̅ εκδικηϲιν των εκλεκτων αυτου των βοωντων αυτω ημεραϲ και νυκτοϲ και μακροθυμει επ αυτοιϲ
8 λεγω υμιν οτι ποιηϲει την εκδικηϲιν αυτων εν ταχει πλην ο υιοϲ του ανθρωπου ελθων αρα ευρηϲει την πιϲτιν επι τηϲ γηϲ
9 ειπεν δε και προϲ τιναϲ τουϲ πεποιθοταϲ εφ εαυτοιϲ οτι ειϲιν δικαιοι και εξουθενουντεϲ τουϲ λοιπουϲ την παραβολην ταυτην
10 ανθρωποι δυο ανεβηϲαν ειϲ το ιερο̅ προϲευξαϲθαι ειϲ φαρειϲαιοϲ και ο ετεροϲ τελωνηϲ
11 ο φαρειϲαιοϲ ϲταθειϲ ταυτα προϲ εαυτον προϲηυχετο ο θ̅ϲ̅ ευχαριϲτω ϲοι οτι ουκ ειμι ωϲπερ οι λοιποι των ανθρωπων αρπαγεϲ αδικοι μοιχοι η και ωϲ ουτοϲ ο τελωνηϲ
12 νηϲτευω διϲ του ϲαββατου αποδεκατευω παντα οϲα κτωμαι
13 ο δε τελωνηϲ μακροθεν εϲτωϲ ουκ ηθελε̅ ουδε τουϲ οφθαλμουϲ επαραι ειϲ τον ουρανο̅ αλλ ετυπτε το ϲτηθοϲ εαυτου λεγων ο θ̅ϲ̅ ειλαϲθητι μοι τω αμαρτωλω
14 λεγω υμιν κατεβη ουτοϲ δεδικαιωμενοϲ ειϲ τον οικον εαυτου παρ εκεινον οτι παϲ ο υψων εαυτον ταπεινωθηϲεται ο δε ταπεινων εαυτον υψωθηϲεται
15 προϲεφερον δε αυτω και τα βρεφη ινα {} [32] απτηται ιδοντεϲ δε οι μαθηται επετειμων αυτοιϲ
16 ο δε ι̅ϲ̅ προϲεκαλεϲατο λεγω̅ αφετε τα παιδια ερχεϲθαι προϲ με και μη κωλυετε αυτα των γαρ τοιουτων εϲτιν η βαϲιλεια του θ̅υ̅
17 αμην λεγω υμιν οϲ αν μη δεξηται την βαϲιλειαν του θ̅υ̅ ωϲ παιδιον ου μη ειϲελθη ειϲ αυτην
18 και επηρωτηϲεν τιϲ αυτο̅ αρχων λεγων διδαϲκαλε αγαθε τι ποιηϲαϲ ζωην αιωνιον κληρονομηϲω
19 ειπεν δε αυτω ο ι̅ϲ̅ τι με λεγειϲ αγαθον ουδειϲ αγαθοϲ ει μη ειϲ θ̅ϲ̅
20 ταϲ εντολαϲ οιδαϲ μη μοιχευϲηϲ μη φονευϲηϲ μη κλεψηϲ μη ψευδομαρτυρηϲ τιμα τον πατερα ϲου και την μητερα
21 ο δε ειπεν ταυτα παντα εφυλαξα εκ νεοτητοϲ
22 ακουϲαϲ δε ο ι̅ϲ̅ ειπεν αυτω ετι εν ϲοι λειπει παντα οϲα εχειϲ πωληϲον και διαδοϲ πτωχοιϲ και εξειϲ θηϲαυρον εν τοιϲ ουρανοιϲ και δευρο ακολουθει μοι
23 ο δε ακουϲαϲ ταυτα περιλυποϲ εγενηθη ην γαρ πλουϲιοϲ ϲφοδρα
24 ιδων δε αυτον ι̅ϲ̅ ειπεν πωϲ δυϲκολωϲ οι τα χρηματα εχοντεϲ ειϲ την βαϲιλειαν του θ̅υ̅ ειϲπορευονται
25 ευκοπωτερον γαρ εϲτιν καμηλον δια τρηματοϲ βελονηϲ ειϲελθειν η πλουϲιον ειϲ την βαϲιλειαν του θ̅υ̅ ειϲελθειν
26 ειπον δε οι ακουϲαντεϲ και τιϲ δυναται ϲωθηναι
27 ο δε ειπεν τα αδυνατα παρα ανθρωποιϲ δυνατα παρα τω θ̅ω̅ εϲτιν
28 ειπεν δε ο πετροϲ ιδου ημειϲ αφεντεϲ τα ιδια ηκολουθηϲαμεν ϲοι
29 ο δε ειπεν αυτοιϲ αμη̅ λεγω υμιν οτι ουδειϲ εϲτιν οϲ αφηκεν οικιαν η γυναικα η αδελφουϲ η γονειϲ η τεκνα εινεκεν τηϲ βαϲιλειαϲ του θ̅υ̅
30 οϲ ουχι μη λαβη πολλαπλαϲιονα εν τω καιρω τουτω και εν τω αιωνι τω ερχομενω ζωην αιωνιον
31 παραλαβων δε τουϲ δωδεκα ειπεν προϲ αυτουϲ ιδου αναβαινομεν ειϲ ιερουϲαλημ και τελεϲθηϲεται παντα τα γεγραμμενα δια των προφητων τω υιω του ανθρωπου
32 παραδοθηϲεται γαρ τοιϲ εθνεϲιν και εμπαιχθηϲεται και υβριϲθηϲεται και εμπτυϲθηϲεται
33 και μαϲτειγωϲαντεϲ αποκτενουϲιν αυτον και τη ημερα τη τριτη αναϲτηϲεται
34 και αυτοι ουδεν τουτων ϲυνηκαν και ην το ρημα τουτο κεκρυμμενον απ αυτων και ουκ εγεινωϲκον τα λεγομενα
35 εγενετο δε εν τω εγγιζειν αυτο̅ ειϲ ιερειχω τυφλοϲ τιϲ εκαθητο παρα την οδον επαιτων
36 ακουϲαϲ δε οχλου διαπορευομενου επυνθανετο τι ειη τουτο
37 απηγγειλαν δε αυτω οτι ι̅ϲ̅ ο ναζωραιοϲ παρερχεται
38 και εβοηϲεν λεγων ι̅υ̅ υιε δαυειδ ελεηϲον με
39 και οι προαγοντεϲ επετειμων αυτω ινα ϲειγηϲη αυτοϲ δε πολλω μαλλον εκραζεν υιε δαυειδ ελεηϲον με
40 ϲταθειϲ δε ι̅ϲ̅ εκελευϲε̅ αυτον αχθηναι προϲ αυτον εγγιϲαντοϲ δε αυτου επηρωτηϲεν αυτον
41 τι ϲοι θελειϲ ποιηϲω ο δε ειπεν κ̅ε̅ ινα αναβλεψω
42 και ο ι̅ϲ̅ ειπε̅ αυτω αναβλεψον η πιϲτιϲ ϲου ϲεϲωκεν ϲε
43 και παραχρημα ανεβλεψεν και ηκολουθει αυτω δοξαζων τον θ̅ν̅ και παϲ ο λαοϲ ιδων εδωκεν αινον τω θ̅ω̅

Примечания:

15  [32] {αυτων}

Нашли в тексте ошибку? Выделите её и нажмите: Ctrl + Enter

Евангелие от Луки, 18 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖИТЕ НАС

ΛΟΥΚΑΝ 18 ΚΕΦΆΛΑΙΟ в переводах:
ΛΟΥΚΑΝ 18 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.