Библия » Ватиканский кодекс – 4 век

ΠΡΟΣ ΕΦΕΣΙΟΥΣ 1 κεφάλαιο

1 παυλοϲ αποϲτολοϲ χ̅υ̅ ι̅υ̅ δια θεληματοϲ θ̅υ̅ τοιϲ αγιοιϲ τοιϲ ουϲιν και πιϲτοιϲ εν χ̅ω̅ ι̅υ̅
2 χαριϲ υμιν και ειρηνη απο θ̅υ̅ πατροϲ ημων και κ̅υ̅ ι̅υ̅ χ̅υ̅
3 ευλογητοϲ ο θ̅ϲ̅ του κ̅υ̅ ημων ι̅υ̅ χ̅υ̅ ο ευλογηϲαϲ ημαϲ εν παϲη ευλογια πνευματικη εν τοιϲ επουρανιοιϲ εν χ̅ω̅
4 καθωϲ εξελεξατο ημαϲ εν αυτω προ καταβοληϲ κοϲμου ειναι ημαϲ αγιουϲ και αμωμουϲ κατενωπιον αυτου εν αγαπη
5 προοριϲαϲ ημαϲ ειϲ υιοθεϲιαν δια χ̅υ̅ ι̅υ̅ ειϲ αυτον κατα την ευδοκιαν του θεληματοϲ αυτου
6 ειϲ επαινον δοξηϲ τηϲ χαριτοϲ αυτου ηϲ εχαριτωϲεν ημαϲ εν τω ηγαπημενω
7 εν ω εχομεν την απολυτρωϲιν δια του αιματοϲ αυτου την αφεϲιν των παραπτωματων κατα το πλουτοϲ τηϲ χαριτοϲ αυτου
8 ηϲ επεριϲϲευϲεν ειϲ ημαϲ εν παϲη ϲοφια και φρονηϲει
9 γνωριϲαϲ ημιν το μυϲτηριον του θεληματοϲ αυτου κατα την ευδοκιαν αυτου ην προεθετο εν αυτω
10 ειϲ οικονομιαν του πληρωματοϲ των καιρων ανακεφαλαιωϲαϲθαι τα παντα εν τω χ̅ω̅ τα επι τοιϲ ουρανοιϲ και τα επι τηϲ γηϲ εν αυτω
11 εν ω και εκληρωθημεν προοριϲθεντεϲ κατα προθεϲιν του τα παντα ενεργουντοϲ κατα την βουλην του θεληματοϲ αυτου
12 ειϲ το ειναι ημαϲ ειϲ επαινον δοξηϲ αυτου τουϲ προηλπικοταϲ εν τω χ̅ω̅
13 εν ω και υμειϲ ακουϲαντεϲ τον λογον τηϲ αληθειαϲ το ευαγγελιον τηϲ ϲωτηριαϲ υμων εν ω και πιϲτευϲαντεϲ εϲφραγιϲθη τω πνευματι τηϲ επαγγελιαϲ τω αγιω
14 ο εϲτι̅ αρραβων τηϲ κληρονομιαϲ ημων ειϲ απολυτρωϲιν τηϲ περιποιηϲεωϲ ειϲ επαινον τηϲ δοξηϲ αυτου
15 δια τουτο καγω ακουϲαϲ την καθ υμαϲ πιϲτιν εν τω κ̅ω̅ ι̅υ̅ και την ειϲ πανταϲ τουϲ αγιουϲ
16 ου παυομαι ευχαριϲτων υπερ υμων μνειαν ποιουμενοϲ επι των προϲευχων μου
17 ινα ο θ̅ϲ̅ του κ̅υ̅ ημων ι̅υ̅ χ̅υ̅ ο πατηρ τηϲ δοξηϲ δω υμιν πνευμα ϲοφιαϲ και αποκαλυψεωϲ εν επιγνωϲει αυτου
18 πεφωτιϲμενουϲ τουϲ οφθαλμουϲ τηϲ καρδιαϲ ειϲ το ειδεναι υμαϲ τιϲ εϲτιν η ελπιϲ τηϲ κληϲεωϲ αυτου τιϲ ο πλουτοϲ τηϲ δοξηϲ τηϲ κληρονομιαϲ αυτου εν τοιϲ αγιοιϲ
19 και τι το υπερβαλλον μεγεθοϲ τηϲ δυναμεωϲ αυτου ειϲ ημαϲ τουϲ πιϲτευονταϲ κατη την ενεργειαν του κρατουϲ τηϲ ιϲχυοϲ αυτου
20 ην ενηργηκεν εν τω χ̅ω̅ εγειραϲ αυτον εκ νεκρω̅ και καθιϲαϲ εν δεξια αυτου εν τοιϲ ουρανοιϲ
21 υπερανω παϲηϲ εξουϲιαϲ και αρχηϲ και δυναμεωϲ και κυριοτητοϲ και παντοϲ ονοματοϲ ονομαζομενου ου μονον εν τω αιωνι τουτω αλλα και εν τω μελλοντι
22 και παντα υπεταξεν υπο τουϲ ποδαϲ αυτου και αυτον εδωκε κεφαλην υπερ παντα τη εκκληϲια
23 ητιϲ εϲτιν το ϲωμα αυτου το πληρωμα του τα παντα εν παϲι πληρουμενου
Нашли в тексте ошибку? Выделите её и нажмите: Ctrl + Enter

Послание к Ефесянам апостола Павла, 1 глава

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно вы будете приятно удивлены.


2007–2021, сделано с любовью для любящих и ищущих Бога. Если у вас есть вопросы или пожелания, то пишите: bible-man@mail.ru.