ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΕΦΕΣΙΟΥΣ 4 ΠΡΟΣ ΕΦΕΣΙΟΥΣ 4 ΚΕΦΆΛΑΙΟ

1 παρακαλω ουν υμαϲ εγω ο δεϲμιοϲ εν κ̅ω̅ αξιωϲ περιπατηϲαι τηϲ κληϲεωϲ ηϲ εκληθητε
2 μετα παϲηϲ ταπεινοφροϲυνηϲ και πραυτητοϲ μετα μακροθυμιαϲ ανεχομενοι αλληλων εν αγαπη
3 ϲπουδαζοντεϲ τηρειν την ενοτητα του πνευματοϲ εν τω ϲυνδεϲμω τηϲ ειρηνηϲ
4 εν ϲωμα και εν πνευμα καθωϲ εκληθητε εν μια ελπιδι τηϲ κληϲεωϲ υμω̅
5 ειϲ κ̅ϲ̅ μια πιϲτιϲ εν βαπτιϲμα
6 ειϲ θ̅ϲ̅ και πατηρ παντων ο επι παντων και δια παντων εν παϲιν
7 ενι δε εκαϲτω υμων εδοθη χαριϲ κατα το μετρον τηϲ δωρεαϲ του χ̅υ̅
8 διο λεγει αναβαϲ ειϲ υψοϲ ηχμαλωτευϲεν αιχμαλωϲιαν και εδωκεν δοματα τοιϲ ανθρωποιϲ
9 το δε ανεβη τι εϲτιν ει μη οτι και κατεβη πρωτον ειϲ τα κατωτερα μερη τηϲ γηϲ
10 ο καταβαϲ αυτοϲ εϲτιν και ο αναβαϲ υπερανω παντων των ουρανων ινα πληρωϲη τα παντα
11 και αυτοϲ εδωκεν τουϲ μεν αποϲτολουϲ τουϲ δε προφηταϲ τουϲ δε ευαγγελιϲταϲ τουϲ δε ποιμεναϲ και διδαϲκαλουϲ
12 προϲ τον καταρτιϲμον των αγιω̅ ειϲ εργον διακονιαϲ ειϲ οικοδομην του ϲωματοϲ του χ̅υ̅
13 μεχρι καταντηϲωμεν οι πα̅τεϲ ειϲ την ενοτητα τηϲ πιϲτεωϲ και τηϲ επιγνωϲεωϲ του υιου του θ̅υ̅ ειϲ ανδρα τελειον ειϲ μετρον ηλικιαϲ του πληρωματοϲ του χ̅υ̅
14 ινα μηκετι ωμεν νηπιοι κλυδωνιζομενοι και περιφερομενοι παντι ανεμω τηϲ διδαϲκαλειαϲ εν τη κυβια των ανθρωπων ε̅ πανουργια προϲ την μεθοδιαν τηϲ πλανηϲ
15 αληθευοντεϲ δε εν αγαπη αυξηϲωμεν ειϲ αυτον τα παντα οϲ εϲτιν η κεφαλη χ̅ϲ̅
16 εξ ου παν το ϲωμα ϲυναρμολογουμενον και ϲυνβιβαζομενον δια παϲηϲ αφηϲ τηϲ επιχορηγιαϲ κατ ενεργειαν εν μετρω ενοϲ εκαϲτου μερουϲ την αυξηϲιν του ϲωματοϲ ποιειται ειϲ οικοδομην εαυτου εν αγαπη
17 τουτο ουν λεγω και μαρτυρομαι εν κ̅ω̅ μηκετι υμαϲ περιπατειν καθωϲ και τα εθνη περιπατει εν ματαιοτητι του νοοϲ αυτων
18 εϲκοτωμενοι τη διανοια οντεϲ απηλλοτριωμενοι τηϲ ζωηϲ του θ̅υ̅ δια την αγνοιαν την ουϲαν εν αυτοιϲ δια την πωρωϲιν τηϲ καρδιαϲ αυτω̅
19 οιτινεϲ απηλγηκοτεϲ εαυτουϲ παρεδωκαν τη αϲελγεια ειϲ εργαϲιαν ακαθαρϲιαϲ παϲηϲ εν πλεονεξια
20 υμειϲ δε ουχ ουτωϲ εμαθετε τον χ̅ν̅
21 ει γε αυτον ηκουϲατε και εν αυτω εδιδαχθητε καθωϲ εϲτιν αληθεια εν τω ι̅υ̅
22 αποθεϲθαι υμαϲ κατα την προτεραν αναϲτροφην το̅ παλαιον ανθρωπον το̅ φθειρομενον κατα ταϲ επιθυμιαϲ τηϲ απατηϲ
23 ανανεουϲθαι δε εν τω πνευματι του νοοϲ υμων
24 και ενδυϲαϲθε το̅ καινον ανθρωπον τον κατα θ̅ν̅ κτιϲθεντα εν δικαιοϲυνη και οϲιοτητι τηϲ αληθειαϲ
25 διο αποθεμενοι το ψευδοϲ λαλειτε αληθειαν εκαϲτοϲ μετα του πληϲιον αυτου οτι εϲμεν αλληλων μελη
26 οργιζεϲθε και μη αμαρτανετε ο ηλιοϲ μη επιδυετω επι παροργιϲμω υμων
27 μηδε διδοτε τοπον τω διαβολω
28 ο κλεπτων μηκετι κλεπτετω μαλλο̅ δε κοπιατω εργαζομενοϲ ταιϲ χερϲιν το αγαθον ινα εχη μεταδιδοναι τω χρειαν εχοντι
29 παϲ λογοϲ ϲαπροϲ εκ του ϲτοματοϲ υμων μη εκπορευεϲθω αλλα ει τιϲ αγαθοϲ προϲ οικοδομη̅ τηϲ χρειαϲ ινα δω χαρι̅ τοιϲ ακουουϲιν
30 και μη λυπειτε το πνευμα το αγιον του θ̅υ̅ εν ω εϲφραγιϲθητε ειϲ ημεραν απολυτρωϲεωϲ
31 παϲα πικρια και θυμοϲ και οργη και κραυγη και βλαϲφημια αρθητω αφ υμων ϲυν παϲη κακια
32 γεινεϲθε ειϲ αλληλουϲ χρηϲτοι ευϲπλαγχνοι χαριζομενοι εαυτοιϲ καθωϲ και ο θ̅ϲ̅ εν χ̅ω̅ εχαριϲατο ημιν
Нашли в тексте ошибку? Выделите её и нажмите: Ctrl + Enter

Послание к Ефесянам апостола Павла, 4 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖИТЕ НАС

ΕΦΕΣΙΟΥΣ 4 ΚΕΦΆΛΑΙΟ в переводах:
ΕΦΕΣΙΟΥΣ 4 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.