ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΛΟΥΚΑΝ 4 ΚΑΤΑ ΛΟΥΚΑΝ 4 ΚΕΦΆΛΑΙΟ

1 ι̅ϲ̅ δε πληρηϲ πνευματοϲ αγιου υπεϲτρεψε̅ απο του ιορδανου και ηγετο εν τω πνευματι εν τη ερημω
2 ημεραϲ τεϲϲερακοντα πειραζομενοϲ υπο του διαβολου και ουκ εφαγεν ουδεν εν ταιϲ ημεραιϲ εκειναιϲ και ϲυντελεϲθειϲων αυτω̅ επειναϲεν
3 ειπεν δε αυτω ο διαβολοϲ ει υιοϲ ει του θ̅υ̅ ειπε τω λιθω τουτω ινα γενηται αρτοϲ
4 και απεκριθη προϲ αυτον ο ι̅ϲ̅ γεγραπται οτι ουκ επ αρτω μονω ζηϲεται ο ανθρωποϲ
5 και αναγαγων αυτον εδειξεν αυτω παϲαϲ ταϲ βαϲιλειαϲ τηϲ οικουμενηϲ εν ϲτιγμη χρονου
6 και ειπεν αυτω ο διαβολοϲ ϲοι δωϲω την εξουϲιαν ταυτην απαϲαν και την δοξαν αυτων οτι εμοι παραδεδοται και ω αν θελω διδωμι αυτη̅
7 ϲυ ουν εαν προϲκυνηϲηϲ ενωπιον εμου εϲται ϲου παϲα
8 και αποκριθειϲ αυτω ειπεν ι̅ϲ̅ γεγραπται κ̅ν̅ τον θ̅ν̅ ϲου προϲκυνηϲειϲ και αυτω μονω λατρευϲειϲ
9 ηγαγεν δε αυτον ειϲ ιερουϲαλημ και εϲτηϲεν επι το πτερυγιον του ιερου και ειπεν αυτω ει υιοϲ ει του θ̅υ̅ βαλε ϲεαυτον εντευθεν κατω
10 γεγραπται γαρ οτι τοιϲ αγγελοιϲ αυτου εντελειται περι ϲου του διαφυλαξαι ϲε
11 και οτι επι χειρω̅ αρουϲι ϲε μηποτε προϲκοψηϲ προϲ λιθον το̅ ποδα ϲου
12 και αποκριθειϲ ειπεν αυτω ο ι̅ϲ̅ οτι ειρηται ουκ εκπειραϲειϲ κ̅ν̅ τον θ̅ν̅ ϲου
13 και ϲυντελεϲαϲ παντα πειραϲμον ο διαβολοϲ απεϲτη απ αυτου αχρι καιρου
14 και υπεϲτρεψεν ο ι̅ϲ̅ εν τη δυναμει του πνευματοϲ ειϲ την γαλειλαιαν και φημη εξηλθεν καθ οληϲ τηϲ περιχωρου περι αυτου
15 και αυτοϲ εδιδαϲκεν εν ταιϲ ϲυναγωγαιϲ αυτων δοξαζομενοϲ υπο παντων
16 και ηλθεν ειϲ ναζαρα ου ην τεθραμμενοϲ και ειϲηλθεν κατα το ειωθοϲ αυτω εν τη ημερα τω̅ ϲαββατων ειϲ την ϲυναγωγην και ανεϲτη αναγνωναι
17 και επεδοθη αυτω βιβλιον του προφητου ηϲαιου και ανοιξαϲ το βιβλιον ευρεν τον τοπον ου ην γεγραμμενον
18 πνευμα κ̅υ̅ επ εμε ου εινεκεν εχρειϲεν με ευαγγελιϲαϲθαι πτωχοιϲ απεϲταλκεν με κηρυξαι αιχμαλωτοιϲ αφεϲιν και τυφλοιϲ αναβλεψιν αποϲτειλαι τεθραυϲμενουϲ εν αφεϲει
19 κηρυξαι ενιαυτον κ̅υ̅ δεκτον
20 και πτυξαϲ το βιβλιο̅ αποδουϲ τω υπηρετη εκαθιϲεν και παντω̅ οι οφθαλμοι εν τη ϲυναγωγη ηϲαν ατενιζο̅τεϲ αυτω
21 ηρξατο δε λεγειν προϲ αυτουϲ οτι ϲημερον πεπληρωται η γραφη αυτη εν τοιϲ ωϲιν υμων
22 και πα̅τεϲ εμαρτυρουν αυτω και εθαυμαζον επι τοιϲ λογοιϲ τηϲ χαριτοϲ τοιϲ εκπορευομενοιϲ εκ του ϲτοματοϲ αυτου και ελεγον ουχι υιοϲ εϲτιν ιωϲηφ ουτοϲ
23 και ειπεν προϲ αυτουϲ παντωϲ ερειτε μοι τη̅ παραβολην ταυτην ιατρε θεραπευϲον ϲεαυτον οϲα ηκουϲαμε̅ γενομενα ειϲ την καφαρναουμ ποιηϲον και ωδε εν τη πατριδι ϲου
24 ειπεν δε αμην λεγω υμιν οτι ουδειϲ προφητηϲ δεκτοϲ εϲτιν εν τη πατριδι αυτου
25 επ αληθειαϲ δε λεγω υμιν πολλαι χηραι ηϲαν εν ταιϲ ημεραιϲ ηλειου ε̅ τω ιϲραηλ οτε εκλειϲθη ο ουρανοϲ ετη τρια και μηναϲ εξ ωϲ εγενετο λειμοϲ μεγαϲ επι παϲαν την γην
26 και προϲ ουδεμιαν αυτων επεμφθη ηλειαϲ ει μη ειϲ ϲαρεπτα τηϲ ϲειδωνιαϲ προϲ γυναικα χηρα̅
27 και πολλοι λεπροι ηϲα̅ εν τω ιϲραηλ επι ελειϲαιου του προφητου και ουδειϲ αυτων εκαθαριϲθη ει μη ναιμαν ο ϲυροϲ
28 και επληϲθηϲαν παντεϲ θυμου ε̅ τη ϲυναγωγη ακουο̅τεϲ ταυτα
29 και αναϲτα̅τεϲ εξεβαλον αυτον εξω τηϲ πολεωϲ και ηγαγον αυτον εωϲ οφρυοϲ του ορουϲ εφ ου η πολιϲ ωκοδομητο αυτων ωϲτε κατακρημνιϲαι αυτον
30 αυτοϲ δε διελθων δια μεϲου αυτων επορευετο
31 και κατηλθεν ειϲ καφαρναουμ πολιν τηϲ γαλειλαιαϲ και ην διδαϲκων αυτουϲ εν τοιϲ ϲαββαϲιν
32 και εξεπληϲϲοντο επι τη διδαχη αυτου οτι εν εξουϲια ην ο λογοϲ αυτου
33 και εν τη ϲυναγωγη ην α̅θρωποϲ εχων πνευμα δαιμονιου ακαθαρτου και ανεκραξε φωνη μεγαλη
34 εα τι ημιν και ϲοι ι̅υ̅ ναζαρηνε ηλθεϲ απολεϲαι ημαϲ οιδα ϲε τιϲ ει ο αγιοϲ του θ̅υ̅
35 και επετειμηϲεν αυτω ο ι̅ϲ̅ λεγων φειμωθητι και εξελθε απ αυτου και ρειψαν αυτον το δαιμονιον ειϲ το μεϲον εξηλθεν απ αυτου μηδεν βλαψαν αυτο̅
36 και εγενετο θαμβοϲ επι πανταϲ και ϲυνελαλουν προϲ αλληλουϲ λεγοντεϲ τιϲ ο λογοϲ ουτοϲ οτι εν εξουϲια και δυναμει επιταϲϲει τοιϲ ακαθαρτοιϲ πνευμαϲιν και εξερχονται
37 και εξεπορευετο ηχοϲ περι αυτου ειϲ παντα τοπον τηϲ περιχωρου
38 αναϲταϲ δε απο τηϲ ϲυναγωγηϲ ειϲηλθεν ειϲ την οικιαν ϲιμωνοϲ πενθερα δε του ϲιμωνοϲ ην ϲυνεχομενη πυρετω μεγαλω και ηρωτηϲαν αυτον περι αυτηϲ
39 και επιϲταϲ επανω αυτηϲ επετειμηϲεν τω πυρετω και αφηκεν αυτην παραχρημα δε αναϲταϲα διηκονει αυτοιϲ
40 δυνο̅τοϲ δε του ηλιου απα̅τεϲ οϲοι ειχον αϲθενουνταϲ νοϲοιϲ ποικιλαιϲ ηγαγον αυτουϲ προϲ αυτον ο δε ενι εκαϲτω αυτων ταϲ χειραϲ επιτιθειϲ εθεραπευεν αυτουϲ
41 εξηρχετο δε και δαιμονια απο πολλων κραζοντα και λεγοντα οτι ϲυ ει ο υιοϲ του θ̅υ̅ και επιτειμων ουκ εια αυτα λαλειν οτι ηδειϲα̅ τον χ̅ν̅ αυτον ειναι
42 γενομενηϲ δε ημεραϲ εξελθων επορευθη ειϲ ερημον τοπον και οι οχλοι επεζητουν αυτον και ηλθον εωϲ αυτου και κατειχον αυτον του μη πορευεϲθαι απ αυτων
43 ο δε ειπε προϲ αυτουϲ οτι και ταιϲ ετεραιϲ πολεϲιν ευαγγελιϲαϲθαι δει με την βαϲιλειαν του θ̅υ̅ οτι επι τουτο απεϲταλην
44 και ην κηρυϲϲω̅ ειϲ ταϲ ϲυναγωγαϲ τηϲ ιουδαιαϲ
Нашли в тексте ошибку? Выделите её и нажмите: Ctrl + Enter

Евангелие от Луки, 4 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΛΟΥΚΑΝ 4 ΚΕΦΆΛΑΙΟ в переводах:
ΛΟΥΚΑΝ 4 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.