ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΛΟΥΚΑΝ 13 ΚΑΤΑ ΛΟΥΚΑΝ 13 ΚΕΦΆΛΑΙΟ

1 παρηϲαν δε τινεϲ εν αυτω τω καιρω απαγγελλοντεϲ αυτω περι των γαλειλαιω̅ ων το αιμα πειλατοϲ εμειξεν μετα των θυϲιων αυτων
2 και αποκριθειϲ ειπεν αυτοιϲ δοκειτε οτι οι γαλειλαιοι ουτοι αμαρτωλοι παρα πανταϲ τουϲ γαλειλαιουϲ εγενοντο οτι ταυτα πεπονθαϲιν
3 ουχι λεγω υμιν αλλ εαν μη μετανοητε πα̅τεϲ ομοιωϲ απολειϲθε
4 η εκεινοι οι δεκαοκτω εφ ουϲ επεϲεν ο πυργοϲ εν τω ϲιλωαμ και απεκτεινεν αυτουϲ δοκειτε οτι αυτοι οφειλεται εγενοντο παρα πανταϲ τουϲ ανθρωπουϲ τουϲ κατοικουνταϲ ιερουϲαλημ
5 ουχι λεγω υμιν αλλ εαν μη μετανοητε πα̅τεϲ ωϲαυτωϲ απολειϲθε
6 ελεγεν δε ταυτη̅ την παραβολην ϲυκη̅ ειχεν τιϲ πεφυτευμενην εν τω αμπελωνι αυτου και ηλθεν ζητων καρπον εν αυτη και ουχ ευρεν
7 ειπε̅ δε προϲ τον αμπελουργον ιδου τρια ετη αφ ου ερχομαι ζητων καρπον εν τη ϲυκη ταυτη και ουχ ευριϲκω εκκοψον αυτην ινα τι και {τον τοπον} [19] καταργει
8 ο δε αποκριθειϲ λεγει αυτω κ̅ε̅ αφεϲ αυτην και τουτο το ετοϲ εωϲ οτου ϲκαψω περι αυτην και βαλω κοπρια
9 καν μεν ποιηϲη καρπον ειϲ το μελλον ει δε μη γε εκκοψειϲ αυτην
10 ην δε διδαϲκων εν μια τω̅ ϲυναγωγων εν τοιϲ ϲαββαϲιν
11 και ιδου γυνη πνευμα εχουϲα αϲθενειαϲ {} [20] δεκαοκτω και ην ϲυγκυπτουϲα και μη δυναμενη ανακυψαι ειϲ το παντελεϲ
12 ιδων δε αυτην ο ι̅ϲ̅ προϲεφωνηϲεν και ειπεν αυτη γυναι απολελυϲαι τηϲ αϲθενειαϲ ϲου
13 και επεθηκεν αυτη ταϲ χειραϲ και παραχρημα ανορθωθη και εδοξαζεν το̅ θ̅ν̅
14 αποκριθειϲ δε ο αρχιϲυναγωγοϲ αγανακτω̅ οτι τω ϲαββατω εθεραπευϲεν ο ι̅ϲ̅ ελεγεν τω οχλω οτι εξ ημεραι ειϲιν {} [21] δει εργαζεϲθαι εν αυταιϲ ουν ερχομενοι θεραπευεϲθε και μη τη ημερα του ϲαββατου
15 απεκριθη δε αυτω ο κ̅ϲ̅ και ειπεν υποκριται εκαϲτοϲ υμων τω ϲαββατω ου λυει τον βουν αυτου η τον ονον απο τηϲ φατνηϲ και {απαγων} [22] ποτιζει
16 ταυτην δε θυγατερα αβρααμ ουϲαν ην εδηϲεν ο ϲαταναϲ ιδου δεκα και οκτω ετη ουκ εδει λυθηναι απο του δεϲμου τουτου τη ημερα του ϲαββατου
17 και ταυτα λεγοντοϲ αυτου κατηϲχυνοντο παντεϲ οι αντικειμενοι αυτω και παϲ ο οχλοϲ εχαιρεν επι παϲιν τοιϲ ενδοξοιϲ τοιϲ γενομενοιϲ υπ αυτου
18 ελεγεν ουν τινι ομοια εϲτιν η βαϲιλεια του θ̅υ̅ και τινι ομοιωϲω αυτην
19 ομοια εϲτιν κοκκω ϲιναπεωϲ ον λαβω̅ ανθρωποϲ εβαλεν ειϲ κηπον εαυτου και ηυξηϲεν και εγενετο ειϲ δενδρον και τα πετεινα του ουρανου κατεϲκηνωϲεν εν τοιϲ κλαδοιϲ αυτου
20 και παλι̅ ειπεν τινι ομοιωϲω την βαϲιλειαν του θ̅υ̅
21 ομοια εϲτιν ζυμη ην λαβουϲα γυνη εκρυψε̅ ειϲ αλευρου ϲατα τρια εωϲ ου εζυμωθη ολο̅
22 και διεπορευετο κατα πολειϲ και κωμαϲ διδαϲκων και πορεια̅ {πορειαν} [23] ποιουμενοϲ ειϲ {εροϲολυμα} [24]
23 ειπεν δε τιϲ αυτω κ̅ε̅ ει ολιγοι οι ϲωζομενοι ο δε ειπεν προϲ αυτουϲ
24 αγωνιζεϲθε ειϲελθει̅ δια τηϲ ϲτενηϲ θυραϲ οτι πολλοι λεγω υμιν ζητηϲουϲιν ειϲελθειν και ουκ ιϲχυϲουϲιν
25 αφ ου αν εγερθη ο οικοδεϲποτηϲ και αποκλειϲη την θυραν και αρξηϲθε εξω εϲταναι και κρουειν την θυραν λεγοντεϲ κ̅ε̅ ανοιξον ημιν και αποκριθειϲ ερει υμιν ουκ οιδα υμαϲ ποθεν εϲτε
26 τοτε αρξεϲθε λεγειν εφαγομεν ενωπιον ϲου και επιομεν και εν ταιϲ πλατειαιϲ ημων εδιδαξαϲ
27 και ερει λεγων υμιν ουκ οιδα ποθεν εϲτε αποϲτητε απ εμου παντεϲ εργαται αδικιαϲ
28 εκει εϲται ο κλαυθμοϲ και ο βρυγμοϲ των οδοντω̅ οταν {οψεϲθε} [25] αβρααμ και ιϲαακ και ιακωβ και πανταϲ τουϲ προφηταϲ εν τη βαϲιλεια του θ̅υ̅ υμαϲ δε εκβαλλομενουϲ εξω
29 και ηξουϲιν απο ανατολων και δυϲμω̅ και απο βορρα και νοτου και ανακλιθηϲονται εν τη βαϲιλεια του θ̅υ̅
30 και ιδου ειϲιν εϲχατοι οι εϲονται πρωτοι και ειϲιν πρωτοι οι εϲονται εϲχατοι
31 εν αυτη τη ωρα προϲηλθαν τινεϲ φαρειϲαιοι λεγο̅τεϲ αυτω εξελθε και πορευου εντευθεν οτι ηρωδηϲ θελει ϲε αποκτειναι
32 και ειπεν αυτοιϲ πορευθεντεϲ ειπατε τη αλωπεκι ταυτη ιδου εκβαλλω δαιμονια και ιαϲειϲ αποτελω ϲημερον και αυριον και τη τριτη ημερα τελειουμαι
33 πλην δει με ϲημερον και αυριον και τη εχομενη πορευεϲθαι οτι ουκ ενδεχεται προφητην απολεϲθαι εξω ιερουϲαλημ
34 ιερουϲαλημ ιερουϲαλημ η αποκτεινουϲα τουϲ προφηταϲ και λιθοβολουϲα τουϲ απεϲταλμενουϲ προϲ αυτην ποϲακιϲ ηθεληϲα επιϲυναξαι τα τεκνα ϲου ον τροπον ορνιϲ την εαυτηϲ νοϲϲιαν υπο ταϲ πτερυγαϲ και ουκ ηθεληϲατε
35 ιδου αφιεται υμιν ο οικοϲ υμω̅ λεγω δε υμιν ου μη ιδητε με εωϲ ειπητε ευλογημενοϲ ο ερχομενοϲ εν ονοματι κ̅υ̅

Примечания:

7  [19] {την γην}
11  [20] {ετη}
14  [21] {εν αιϲ}
15  [22] {απαγαγων}
22  [23] {}
22  [24] {ιεροϲολυμα}
28  [25] {οψηϲθε}

Нашли в тексте ошибку? Выделите её и нажмите: Ctrl + Enter

Евангелие от Луки, 13 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΛΟΥΚΑΝ 13 ΚΕΦΆΛΑΙΟ в переводах:
ΛΟΥΚΑΝ 13 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.