ΚΑΙΝΉ ΔΙΑΘΉΚΗ » Codex 03 Ватиканский кодекс — 4 век

ΛΟΥΚΑΝ 5 ΚΑΤΑ ΛΟΥΚΑΝ 5 ΚΕΦΆΛΑΙΟ

1 εγενετο δε εν τω τον οχλον επικειϲθαι αυτω και ακουειν τον λογον του θ̅υ̅ και αυτοϲ ην εϲτωϲ παρα την λιμνη̅ γεννηϲαρετ
2 και ειδε̅ πλοια δυο εϲτωτα παρα την λιμνην οι δε αλιειϲ απ αυτων αποβα̅τεϲ επλυνον τα δικτυα
3 εμβαϲ δε ειϲ εν των πλοιων ο ην ϲιμωνοϲ ηρωτηϲεν αυτον απο τηϲ γηϲ επαναγαγειν ολιγον καθιϲαϲ δε εκ του πλοιου εδιδαϲκε̅ τουϲ οχλουϲ
4 ωϲ δε επαυϲατο λαλων ειπε̅ προϲ τον ϲιμωνα επαναγαγε ειϲ το βαθοϲ και χαλαϲατε τα δικτυα υμων ειϲ αγραν
5 και αποκριθειϲ ϲιμων ειπεν επιϲτατα δι οληϲ νυκτοϲ κοπιαϲαντεϲ ουδεν ελαβομεν επι δε τω ρηματι ϲου χαλαϲω τα δικτυα
6 και τουτο ποιηϲαντεϲ ϲυνεκλειϲαν πληθοϲ ιχθυων πολυ διερηϲϲετο δε τα δικτυα αυτων
7 και κατενευϲαν τοιϲ μετοχοιϲ εν τω ετερω πλοιω του ελθονταϲ ϲυλλαβεϲθαι αυτοιϲ και ηλθον και επληϲα̅ αμφοτερα τα πλοια ωϲτε βυθιζεϲθαι αυτα
8 ιδων δε ϲιμων πετροϲ προϲεπεϲεν τοιϲ γοναϲιν ι̅υ̅ λεγων εξελθε απ εμου οτι ανηρ αμαρτωλοϲ ειμι κ̅ε̅
9 θαμβοϲ γαρ περιεϲχεν αυτον και πανταϲ τουϲ ϲυν αυτω επι τη αγρα των ιχθυων ων ϲυνελαβο̅
10 ομοιωϲ δε και ιακωβο̅ και ιωανην υιουϲ ζεβεδαιου οι ηϲαν κοινωνοι τω ϲιμωνι και ειπεν προϲ τον ϲιμωνα ι̅ϲ̅ μη φοβου απο του νυν ανθρωπουϲ εϲη ζωγρων
11 και καταγαγοντεϲ τα πλοια επι την γην αφεντεϲ πα̅τα ηκολουθηϲαν αυτω
12 και εγενετο εν τω ειναι αυτον εν μια των πολεων και ιδου ανηρ πληρηϲ λεπραϲ ιδων δε το̅ ι̅ν̅ πεϲων επι προϲωπο̅ εδεηθη αυτου λεγων κ̅ε̅ εαν θεληϲ δυναϲαι με καθαριϲαι
13 και εκτειναϲ την χειρα ηψατο αυτου λεγων θελω καθαριϲθητι και ευθεωϲ η λεπρα απηλθεν απ αυτου
14 και αυτοϲ παρηγγειλεν αυτω μηδενι ειπειν αλλα απελθω̅ δειξον ϲεαυτον τω ιερει και προϲενεγκε περι του καθαριϲμου ϲου καθωϲ προϲεταξεν μωυϲηϲ ειϲ μαρτυριον αυτοιϲ
15 διηρχετο δε μαλλον ο λογοϲ περι αυτου και ϲυνηρχοντο οχλοι πολλοι ακουειν και θεραπευεϲθαι απο των αϲθενειων αυτων
16 αυτοϲ δε ην υποχωρων εν ταιϲ ερημοιϲ και προϲευχομενοϲ
17 και εγενετο εν μια τω̅ ημερων και αυτοϲ η̅ διδαϲκων και ηϲαν καθημενοι οι φαρειϲαιοι και οι νομοδιδαϲκαλοι οι ηϲαν εληλυθοτεϲ εκ παϲηϲ τηϲ κωμηϲ τηϲ γαλειλαιαϲ και ιουδαιαϲ και ιερουϲαλημ και δυναμιϲ κ̅υ̅ ην ειϲ το ιαϲθαι αυτο̅
18 και ιδου ανδρεϲ {εφεροντεϲ} [10] επι κλεινηϲ ανθρωπον οϲ ην παραλελυμενοϲ και εζητου̅ αυτον ειϲενεγκειν και θειναι αυτον ενωπιον αυτου
19 και μη ευρο̅τεϲ ποιαϲ ειϲενεγκωϲιν αυτον δια τον οχλον αναβαντεϲ επι το δωμα δια των κεραμων καθηκαν αυτον ϲυν τω κλεινιδιω ειϲ το μεϲον εμπροϲθεν παντων
20 και ιδων τη̅ πιϲτιν αυτων ειπεν ανθρωπε αφεωνται ϲοι αι αμαρτιαι ϲου
21 και ηρξαντο διαλογιζεϲθαι οι γραμματειϲ και οι φαρειϲαιοι λεγοντεϲ τιϲ εϲτιν ουτοϲ οϲ λαλει βλαϲφημιαϲ τιϲ δυναται αμαρτιαϲ αφειναι ει μη μονοϲ ο θ̅ϲ̅
22 επιγνουϲ δε ο ι̅ϲ̅ τουϲ διαλογιϲμουϲ αυτων αποκριθειϲ ειπεν προϲ αυτουϲ τι διαλογιζεϲθε εν ταιϲ καρδιαιϲ υμων
23 τι εϲτι̅ ευκοπωτερον ειπεν αφεωνται ϲοι αι αμαρτιαι ϲου η ειπεν εγειρε και περιπατει
24 ινα δε ειδητε οτι ο υιοϲ του ανθρωπου εξουϲιαν εχει επι τηϲ γηϲ αφιεναι αμαρτιαϲ ειπεν τω παραλελυμενω ϲοι λεγω εγειρε και αραϲ το κλεινιδιον ϲου πορευου ειϲ τον οικο̅ ϲου
25 και παραχρημα αναϲταϲ ενωπιον αυτων αραϲ εφ ο κατεκειτο απηλθεν ειϲ τον οικον αυτου δοξαζω̅ τον θ̅ν̅
26 και εκϲταϲιϲ ελαβεν απανταϲ και εδοξαζον τον θ̅ν̅ και επληϲθηϲαν φοβου λεγοντεϲ οτι ειδομε̅ παραδοξα ϲημερον
27 και μετ αυτα εξηλθε̅ και εθεαϲατο τελωνην ονοματι λευει̅ καθημενον επι το τελωνιον και ειπεν αυτω ακολουθει μοι
28 και καταλιπων παντα αναϲταϲ ηκολουθει αυτω
29 και εποιηϲεν δοχην μεγαλην λευειϲ αυτω εν τη οικια αυτου και ην οχλοϲ πολυϲ τελωνων και αλλων οι ηϲαν μετ {αυτου} [11] κατακειμενοι
30 και εγογγυζαν οι φαρειϲαιοι και οι γραμματειϲ αυτων προϲ τουϲ μαθηταϲ αυτου λεγο̅τεϲ δια τι μετα των τελωνων και αμαρτωλων εϲθιετε και πεινετε
31 και αποκριθειϲ ι̅ϲ̅ ειπεν προϲ αυτουϲ ου χρειαν εχουϲιν οι υγιαινοντεϲ ιατρου αλλα οι κακωϲ εχοντεϲ
32 ουκ εληλυθα καλεϲαι δικαιουϲ αλλα αμαρτωλουϲ ειϲ μετανοιαν
33 οι δε ειπαν προϲ αυτον οι μαθηται ιωανου νηϲτευουϲιν πυκνα και δεηϲειϲ ποιουνται ομοιωϲ και οι των φαρειϲαιων οι δε ϲοι εϲθειουϲιν και πεινουϲιν
34 ο δε ι̅ϲ̅ ειπε̅ προϲ αυτουϲ μη δυναϲθε τουϲ υιουϲ του νυμφωνοϲ εν ω ο νυμφιοϲ μετ αυτων εϲτι̅ ποιηϲαι νηϲτευϲαι
35 ελευϲονται δε ημεραι και οταν απαρθη απ αυτων ο νυμφιοϲ τοτε νηϲτευϲουϲιν εν εκειναιϲ ταιϲ ημεραιϲ
36 ελεγεν δε και παραβολην προϲ αυτουϲ οτι ουδειϲ επιβλημα απο ιματιου καινου ϲχιϲαϲ επιβαλλει επι ιματιον παλαιον ει δε μη γε και το καινον ϲχιϲει και τω παλαιω ου ϲυμφωνηϲει το επιβλημα το απο του καινου
37 και ουδειϲ βαλλει οινον νεον ειϲ αϲκουϲ παλαιουϲ ει δε μη γε ρηξει ο οινοϲ ο νεοϲ τουϲ αϲκουϲ και αυτοϲ εκχυθηϲεται και οι αϲκοι απολουνται
38 αλλ οινον νεον ειϲ αϲκουϲ καινουϲ βλητεον
39 ουδειϲ πιων παλαιον θελει νεον λεγει γαρ ο παλαιοϲ χρηϲτοϲ εϲτιν

Примечания:

18  [10] {φεροντεϲ}
29  [11] {αυτων}

Нашли в тексте ошибку? Выделите её и нажмите: Ctrl + Enter

Евангелие от Луки, 5 ΚΕΦΆΛΑΙΟ. Ватиканский кодекс — 4 век.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

ПОДДЕРЖАТЬ СЛУЖЕНИЕ

ΛΟΥΚΑΝ 5 ΚΕΦΆΛΑΙΟ в переводах:
ΛΟΥΚΑΝ 5 ΚΕΦΆΛΑΙΟ, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Джона Райла
  7. Толкования Августина
  8. Толкование Феофилакта Болгарского
  9. Новый Библейский Комментарий
  10. Лингвистический. Роджерс
  11. Комментарии Давида Стерна
  12. Библия говорит сегодня
  13. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.