1 και εκπορευομενου αυτου εκ του ιερου λεγει αυτω ειϲ εκ των μαθητων αυτου διδαϲκαλε ειδε ποδαποι λιθοι και ποδαπαι οικοδομαι του ιερου
2 και αποκριθειϲ ειπεν αυτοιϲ ο ι̅η̅ϲ̅ βλεπετε ταυταϲ ταϲ μεγαλαϲ οικοδομαϲ αμην λεγω υμειν οτι ου μη αφεθη ωδε λιθοϲ επι {λιθον}[51] οϲ ου μη καταλυθη και δια τριων ημερων αλλοϲ αναϲτηϲεται ανευ χειρων
3 και καθημενου αυτου ειϲ το οροϲ των ελαιων κατεναντι του ιερου επηρωτων αυτον κατ ειδιαν ο πετροϲ και ιακωβοϲ και ιωαννηϲ και ανδρεαϲ
4 ειπον ημειν ποτε ταυτα εϲται και τι το ϲημιο̅ οταν μελλει παντα ταυτα ϲυντελειϲθαι
5 και αποκριθειϲ ο ι̅η̅ϲ̅ ειπεν αυτοιϲ βλεπετε μη τειϲ υμαϲ πλανηϲει
6 πολλοι γαρ ελευϲονται επι τω ονοματι μου λεγοντεϲ εγω ειμι και πολλου πλανηϲουϲιν
7 οταν δε ακουϲητε πολεμουϲ και ακοαϲ πολεμων μη θροειϲθαι δει γαρ γενεϲθαι αλλα ουπω το τελοϲ
8 εγερθηϲεται γαρ εθνοϲ επι εθνοϲ και βαϲιλεια επι βαϲιλειαν εϲονται ϲειϲμοι κατα τοπουϲ και λειμοι αρχη ωδεινων ταυτα
9 ειτα υμαϲ αυτουϲ παραδωϲουϲιν ειϲ ϲυνεδρια και ειϲ ϲυναγωγαϲ δαρηϲεϲθαι και επι ηγεμονων και βαϲιλεων ϲταθηϲεϲθαι ενεκεν εμου ειϲ μαρτυριον αυτοιϲ
10 και ειϲ παντα εθνη πρωτον δει κηρυχθηναι το ευαγγελιον εν παϲι τοιϲ εθνεϲιν
11 και οταν αγωϲιν υμαϲ παραδιδοντεϲ μη προμεριμνατε τι λαληϲητε αλλα ο αν δοθη {υμων}[52] εν εκεινη τη ωρα αυτο λαλειτε ου γαρ εϲτε υμειϲ οι λαλουντεϲ αλλα το π̅ν̅α̅ το αγιον
12 και παραδωϲει αδελφοϲ αδελφον ειϲ θανατο̅ και πατηρ τεκνον και επαναϲτηϲονται τεκνα επι γονειϲ και θανατωϲουϲιν αυτουϲ
13 και εϲεϲθαι μειϲουμενοι υπο παντων δια το ονομα μου ο δε υπομειναϲ ειϲ τελοϲ ουτοϲ ϲωθηϲεται
14 οταν δε ειδητε το βδελυγμα τηϲ ερημωϲεωϲ εϲτηκοϲ οπου ου δει ο αναγεινωϲκων νοειτω τι αναγεινωϲκει τοτε οι εν τη ιουδαια φευγετωϲαν ειϲ τα ορη
15 και ο επι του δωματοϲ μη καταβατω ειϲ την οικειαν μηδε ειϲελθατω αραι τι εκ τηϲ οικιαϲ αυτου
16 και ο ειϲ τον αγρον μη επιϲτρεψετω οπιϲω αραι το ιματειον αυτου
17 ουαι ταιϲ εν γαϲτρι εχουϲαιϲ και ταιϲ θηλαζομεναιϲ εν εκειναιϲ ταιϲ ημεραιϲ
18 και προϲευχεϲθαι ινα μη χειμωνοϲ γενωνται
19 εϲονται γαρ αι ημεραι εκειναι θλειψειϲ οιαι ουκ εγενοντο τοιαυται απ αρχηϲ κτιϲεωϲ εωϲ του νυν ουδε μη γενωνται
20 και ει μη κ̅ϲ̅ εκολοβωϲεν ταϲ ημεραϲ δια τουϲ εκλεκτουϲ αυτου ουκ αν εϲωθη παϲα ϲαρξ αλλα δια τουϲ εκλεκτουϲ ουϲ εξελεξατο εκολοβωϲεν ταϲ ημεραϲ
21 και τοτε αν τιϲ υμειν ειπη ιδου ωδε ο χ̅ρ̅ϲ̅ η ειδε εκει μη πιϲτευετε
22 εγερθηϲονται γαρ ψευδοπροφηται και ποιηϲουϲιν ϲημεια και τερατα προϲ το αποπλαναν ει δυνατον τουϲ εκλεκτουϲ
23 υμειϲ δε βλεπετε ιδου προειρηκα υμειν παντα
24 αλλα εν εκειναιϲ ταιϲ ημεραιϲ μετα την θλειψειν εκεινην ο ηλιοϲ ϲκοτιϲθηϲεται και η ϲεληνη ου δωϲει το φεγγοϲ αυτηϲ
25 και οι αϲτεραιϲ οι εκ του ουρανου εϲονται πειπτοντεϲ και αι δυναμιϲ των ουρανων ϲαλευθηϲονται
26 και τοτε οψονται τον υιον του ανθρωπου ερχομενον επι των νεφελων μετα δυναμεωϲ πολληϲ και δοξηϲ
27 και τοτε αποϲτελει τουϲ αγγελουϲ και επιϲυναξει τουϲ εκλεκτουϲ εκ των δ̅ ανεμων απ ακρων γηϲ εωϲ ακρου ουρανου
28 απο δε τηϲ ϲυκηϲ μαθεται την παραβολην οταν ηδη ο κλαδοϲ αυτηϲ απαλοϲ γενηται και εκφυη τα φυλλα εν αυτη γεινωϲκεται οτι ηδη εγγυϲ το θεροϲ εϲτιν
29 ουτωϲ και υμειϲ οταν ειδητε παντα ταυτα γεινομενα γεινωϲκεται οτι εγγυϲ εϲτιν επι θυραιϲ
30 αμην λεγω υμειν οτι ου μη παρελθη η γενεα αυτη εωϲ ου παντα ταυτα γενηται
31 ο ουρανοϲ και η γη παρελευϲονται οι δε λογοι μου ου παρελθωϲιν
32 περι δε τηϲ ημεραϲ εκεινηϲ και τηϲ ωραϲ ουδειϲ οιδεν ουδε οι αγγελοι εν τω ουρανω ουδε ο υιοϲ ει μη ο πατηρ
33 βλεπεται ουν αγρυπνιτε ουκ οιδατε γαρ ποτε ο καιροϲ
34 ωϲ ανθρωποϲ αποδημων αφειϲ την οικειαν αυτου και δουϲ τοιϲ δουλοιϲ αυτου την εξουϲιαν εκαϲτω το εργον αυτου και τω θυρουρω ενετειλατο ινα γρηγορη
35 γρηγορειτε ουν ουκ οιδατε γαρ ποτε ο κ̅ϲ̅ τηϲ οικειαϲ ερχεται οψε η μεϲονυκτιου η αλεκτοροφωνιου η πρωι
36 μη εξελθων εξεφνηϲ ευρη υμαϲ καθευδονταϲ
37 εγω δε λεγω υμειν γρηγορειτε