ПОСЛАНИЯ • КО ЕВРЕОМЪ СВЯТОГО АПОСТОЛА ПАВЛА • СКАЗАНИЕ ДОКТОРОМЪ ФРАНЦИСКОМЪ СКОРИНОЮ С ПОЛОЦКА • БОГУ КО ЧТИ, И ЛЮДЕМЪ ПОСПОЛИТЫМЪ К НАВЧЕНИЮ • ПОЧИНАЕТСЯ •
Разумно жъ да будеть, яко сию епистолу пишеть Апостолъ от Италіи • Ко Евреомъ веровавшимъ во Христа, сущимъ во розсеаніи • Ониже многа злая от своих претерпеша • Наболей во Ерусалиме, тамо убо имения их розъграбляху, а самихъ мукамъ предаваху • И Евангелию Христову, закономъ Моисеевымъ хвалящеся противляхуся •
Сего ради потешая их во скорбехъ, и утвержая во вере • Пишеть напервей о Сыне Божиемъ обещаномъ в Законе святыми патриархи, и пророки • Онже ест равенъ Богу Отцу в вечности, во сияніи, и в составе • А вышшій всехъ духовъ Анъгельских • Того же доводить многыми Писмы Ветхаго Закону •
К тому кажет яко предкове их послушали ангелъ Божиих • Протожъ они болей повинни суть послушати самого Сына Божия, непослушніи бо приемлють помсту •
Затымъ поведаеть, многымъ болшего быти Христа, Сына Божия, в дому Своемъ, обещающего Царство Небесное верующимъ в Онь, нежели Моисея, раба Божия, въ дому чуждемъ слюбующего землю обетованную, а тако болши да послушають Евангелия Христова, нежели закону Моисеова • О сих знайдеши во предних четырехъ главахъ •
Таже от писанией сказуеть, вышшего первосвещенника быти Христа, Сына Божія, Онъже Самъ Себе единова на кресте, за всех Богу Отцу принесе • И Кровию Своею очисти все грехы • По чину Мелхиседекову, воступивъ на небеса, бысть ерей о насъ во веки • Нежели Ааронъ, и иніи первосвещенници, ониж на каждое лето, крови козлие, и телчие приношаху • Николиже грехи очистяюще • О семъ широце узриши, поченши от пятое главы, даже до конца десятое •
Потомъ во первойнадесеть кажеть, о высокости веры Христовы • И яко много святые для веры Божіи претерпеша • В томъ науку имъ даеть, дабы и они терпеливи были во скорбехъ своих • Понеже за тое мзду пріимуть во Небесномъ Ерусаліме, со тмами Ангелъ святыхъ •
На конци поведаеть о добрыхъ обычаехъ хрестианскихъ, яко ся имають заховати ко своимъ ближним, сами ку собе и къ своимъ старшим • Тажъ со целованіи конаеть послание •
Конець сказанию •
Ко Евреомъ послание, введение. Библия Скорины.
Public Domain — общественное достояние.
2024, bible.by & biblia.by.