Кажеть Апостолъ Христа лепшего быти служителя во святыни Божией, нежели первосвещенници беша Ветхаго Закона •
1 Глава же о глаголемыхъ ест сия •
Такова имамы Первосвещенника, иже седе одесную престола величествия на небесехъ •
2 Светыни служител и храму истинны • Егоже постави Богъ, а не человекъ •
3 Всякій убо первосвещенникъ, приносити дары и жертвы поставляется • Темже потреба ест имети что и Сему еже принесеть •
4 Аще было бы то на земли, не бы былъ первосвещенникъ • Сущим многымъ свещенникомъ приносящимъ по закону дары •
5 Ониже образом, и уподоблениемъ служать небеснымъ • Якожъ и явлено бысть Моисееви хотящему совершити храмъ • Вижь бо рече, сотвориши вся по образу показаному тобе на горе •
6 Ныне же Ісусъ лечьшее улучи свещенство, елико и болшему закону ходатай бе • Иже налепшая обетования утвердися •
7 Аще убо первый законъ былъ бы непороченъ, не бы второму искалося место •
8 Уничижевая бо их Богъ глаголеть к ним: се дние грядуть, рече Господь • И соверъшу на дом Ізраилевъ, и на домъ Іудовъ закон новъ •
9 Не по закону еже сотворихъ отцемъ их • Во день внегда взяхъ е за руку, изъвести их от земли Египетския • Яко тіи не пребыша в законе Моемъ • И Азъ не радихъ о них, глаголеть Господь •
10 Яко сей естъ заветъ еже завещаю дому Ізраилеву, по днехъ онехъ рече Господь • Дамъ законъ Мой во мысли их, и на серцехъ их напишу и • И буду имъ въ Богъ, и они будуть Мне в люди •
11 И не будуть вчити единый каждый ближнего своего, и каждый брата своего глаголя: познай Господа • Понеже вси познають Мя, от найменшего даже до найболшего с нихъ •
12 Яко милостивъ буду неправдам их • И грехов их, и безаконіей их не помяну к тому •
13 И тако внегда глаголеть о новом законе обетша первый, а обетшавый, и состаревыйся близ ест истленія •
Нашли в тексте ошибку? Выделите её и нажмите:
Ctrl + Enter
Ко Евреомъ послание, 8 глава. Библия Скорины.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.
Public Domain — общественное достояние.
2024, bible.by & biblia.by.