1
2
3
4
5
6
7
8
9
10
11
12
13
14
15
16
17
18
19
20
21
22
23
24
25
26
27
28
29
30
31
32 Въ время оно. ведошя Иисуса. и ина зълодея дъва съ Нимь убитъ.
33 и егда приде на место. нарицаемое Краниево. ту И распяшя и зълодея. единого одесную. а другааго олевую распяшя
34 Иисусъ же глаголааше Отче. отъпусти имъ. не ведятъ бо ся чьто творяще разделеюще же ризы Его. метааху жребия.
35 и стояаху людие зьряще подражаху же и кънязи. глаголюще съ ними. инехъ есть съпаслъ. да спасеть и ся. а ще есть Христосъ. Сынъ Божии. избьраныи.
36 ругааху же ся Ему и воини приступающе. оцьтъ придеюще Ему.
37 и глаголюще аще Ты еси Царь Июдеискъ. спасися Самъ.
38 бе же и написание написано надъ Нимь. кънигами елиньсками. и римьсками. и евреисками. Се есть Царь Июдеискъ.
39 единъ же отъ обешеную зълодею. хулеяаше И. глаголя. аще Ты еси Христосъ. спасися Самъ и насъ.
40 отъвещавъ же другыи. прещаше ему глаголя ни ли ты боишися Бога. яко въ томьжде осуждении еси.
41 и ве убо въ правъду достоиная бо. еже делахове въ сприемлевеа Сь же. ничесоже зъла сътвори
42 и глаголааше Исусови помяни мя Господи. егда придеши въ Царьствии Твоемь.
43 рече же ему Иисусъ. аминъ глаголю тебе. дьньсь съ Мъною будеши въ раи.
44 бе же година шестая. и тьма бысть по вьсе и земли. до годины девятыя.
45 солнцу омьрькъшу. и катапетазмата церковьная раздьрася на дъвое.
46 и възгласивъ гласъмь великъмь Иисусъ рече. Отче. въ руце Твои предаю духъ Мои. и се рекъ издъше.
47 видевъ же сътьникъ бывъшее. прослави Бога глаголя въи стину Человекъ Сьправьдьнъ бе
48 и вьси пришьдъшеи на позоръ сь. видяще бывъшая. биюще пьрьси своя възвращаахуся.
49 стояху же вьси знаеми Ему издалеча. и жены въшьдъшяя съ Нимь. отъ Галилея. зьряштя сихъ.
50
51
52
53
54
55
56