1 Audite, filii, disciplinam patris,
et attendite ut sciatis prudentiam.
et attendite ut sciatis prudentiam.
2 Donum bonum tribuam vobis :
legem meam ne derelinquatis.
legem meam ne derelinquatis.
3 Nam et ego filius fui patris mei,
tenellus et unigenitus coram matre mea.
tenellus et unigenitus coram matre mea.
4 Et docebat me, atque dicebat :
Suscipiat verba mea cor tuum ;
custodi præcepta mea, et vives.
Suscipiat verba mea cor tuum ;
custodi præcepta mea, et vives.
5 Posside sapientiam, posside prudentiam :
ne obliviscaris, neque declines a verbis oris mei.
ne obliviscaris, neque declines a verbis oris mei.
6 Ne dimittas eam, et custodiet te :
dilige eam, et conservabit te.
dilige eam, et conservabit te.
7 Principium sapientiæ : posside sapientiam,
et in omni possessione tua acquire prudentiam.
et in omni possessione tua acquire prudentiam.
8 Arripe illam, et exaltabit te ;
glorificaberis ab ea cum eam fueris amplexatus.
glorificaberis ab ea cum eam fueris amplexatus.
9 Dabit capiti tuo augmenta gratiarum,
et corona inclyta proteget te.
et corona inclyta proteget te.
10 Audi, fili mi, et suscipe verba mea,
ut multiplicentur tibi anni vitæ.
ut multiplicentur tibi anni vitæ.
11 Viam sapientiæ monstrabo tibi ;
ducam te per semitas æquitatis :
ducam te per semitas æquitatis :
12 quas cum ingressus fueris, non arctabuntur gressus tui,
et currens non habebis offendiculum.
et currens non habebis offendiculum.
13 Tene disciplinam, ne dimittas eam ;
custodi illam, quia ipsa est vita tua.
custodi illam, quia ipsa est vita tua.
14 Ne delecteris in semitis impiorum,
nec tibi placeat malorum via.
nec tibi placeat malorum via.
15 Fuge ab ea, nec transeas per illam ;
declina, et desere eam.
declina, et desere eam.
16 Non enim dormiunt nisi malefecerint,
et rapitur somnus ab eis nisi supplantaverint.
et rapitur somnus ab eis nisi supplantaverint.
17 Comedunt panem impietatis,
et vinum iniquitatis bibunt.
et vinum iniquitatis bibunt.
18 Justorum autem semita quasi lux splendens procedit,
et crescit usque ad perfectam diem.
et crescit usque ad perfectam diem.
19 Via impiorum tenebrosa ;
nesciunt ubi corruant.
nesciunt ubi corruant.
20 Fili mi, ausculta sermones meos,
et ad eloquia mea inclina aurem tuam.
et ad eloquia mea inclina aurem tuam.
21 Ne recedant ab oculis tuis :
custodi ea in medio cordis tui :
custodi ea in medio cordis tui :
22 vita enim sunt invenientibus ea,
et universæ carni sanitas.
et universæ carni sanitas.
23 Omni custodia serva cor tuum,
quia ex ipso vita procedit.
quia ex ipso vita procedit.
24 Remove a te os pravum,
et detrahentia labia sint procul a te.
et detrahentia labia sint procul a te.
25 Oculi tui recta videant,
et palpebræ tuæ præcedant gressus tuos.
et palpebræ tuæ præcedant gressus tuos.
26 Dirige semitam pedibus tuis,
et omnes viæ tuæ stabilientur.
et omnes viæ tuæ stabilientur.
27 Ne declines ad dexteram neque ad sinistram ;
averte pedem tuum a malo :
vias enim quæ a dextris sunt novit Dominus :
perversæ vero sunt quæ a sinistris sunt.
Ipse autem rectos faciet cursus tuos,
itinera autem tua in pace producet.
averte pedem tuum a malo :
vias enim quæ a dextris sunt novit Dominus :
perversæ vero sunt quæ a sinistris sunt.
Ipse autem rectos faciet cursus tuos,
itinera autem tua in pace producet.
