1 И҆ поста́ви даві́дъ ца́рь и҆ кнѧ҄зи си́лы над̾ дѣ́лы сы́ны а҆са́фѡвы и҆ є҆ма҄ни и҆ ї҆дїѳѹ́мѡвы, и҆̀же провѣщава́хѹ въ гѹ́слехъ и҆ ѱалти́рехъ и҆ кѷмва́лѣхъ, и҆ бы́сть число̀ и҆́хъ по глава́мъ мѹже́й творѧ́щихъ дѣла̀ своѧ҄.
2 Сы́нове а҆са́фѡвы: закхѹ́ръ и҆ ї҆ѡ́сифъ, и҆ наѳані́а и҆ а҆сїи́лъ: сы́нове а҆са́фѡвы держа́щесѧ а҆са́фа про҇ро́ка бли́з̾ царѧ̀.
3 Ї҆дїѳѹ́мѹ сы́нове ї҆дїѳѹ҄мли: годолі́а и҆ сѹрї̀, и҆ ї҆се́а и҆ семе́й, и҆ а҆саві́а и҆ маттаѳі́а, ше́сть по ѻ҆тцѣ̀ свое́мъ ї҆дїѳѹ́мѣ въ гѹ́сли брѧца́юще и҆сповѣ́данїе и҆ хвале́нїе гд҇еви.
4 Е҆ма́нѹ сы́нове є҆ма҄ни: вѹкі́а и҆ маѳані́а, и҆ ѻ҆зїи́лъ и҆ сѹваи́лъ, и҆ ї҆ерїмѹ́ѳъ и҆ а҆нані́а, и҆ а҆на́нъ и҆ є҆лїаѳа̀, и҆ годоллаѳі́й и҆ рѡмамѳїезе́ръ, и҆ сава́хъ и҆ маллїѳі́й, а҆ ѡ҆ѳи́ръ и҆ мазїѡ́ѳъ.
5 Всѝ сі́и сы́нове є҆ма́на брѧца́ющагѡ царю̀ въ словесѣ́хъ бж҃їихъ, да вознесе́тсѧ ро́гъ. Даде́ же бг҃ъ є҆ма́нѹ сынѡ́въ четырена́десѧть и҆ трѝ дщє́ри:
6 всѝ сі́и со ѻ҆тце́мъ свои́мъ воспѣва́юще въ домѹ̀ бж҃їи въ кѷмва́лѣхъ и҆ во ѱалти́рехъ и҆ гѹ́слехъ, въ слѹже́нїе до́мѹ бж҃їѧ бли́з̾ царѧ̀, и҆ а҆са́фъ и҆ ї҆дїѳѹ́мъ, и҆ є҆ма́нъ.
7 Бы́сть же число̀ и҆́хъ со бра́тїею и҆́хъ наѹче́ни пѣ́нїю гд҇ню и҆ всѣ́хъ разѹмѣ́ющихъ (пѣ҄нїѧ) двѣ́сти ѻ҆́смьдесѧтъ и҆ ѻ҆́смь.
8 Верго́ша же и҆ сі́и жрє́бїѧ чреды̀ дневны́ѧ, по ма́лѹ и҆ по вели́кѹ соверше́нныхъ и҆ ѹ҆ча́щихсѧ.
9 И҆ и҆зы́де жре́бїй пе́рвый сынѡ́въ є҆гѡ̀ и҆ бра́тїи є҆гѡ̀ а҆са́фѹ ї҆ѡ́сифовѹ, годолі́а: вторы́й и҆ні́а, сы́нове є҆гѡ̀ и҆ бра́тїѧ є҆гѡ̀ двана́десѧть:
10 тре́тїй закхѹ́ръ, сы́нове є҆гѡ̀ и҆ бра́тїѧ є҆гѡ̀ двана́десѧть:
11 четве́ртый ї҆езрі́й, сы́нове є҆гѡ̀ и҆ бра́тїѧ є҆гѡ̀ двана́десѧть:
12 пѧ́тый наѳа́нъ, сы́нове є҆гѡ̀ и҆ бра́тїѧ є҆гѡ̀ двана́десѧть:
13 шесты́й вѹкі́а, сы́нове є҆гѡ̀ и҆ бра́тїѧ є҆гѡ̀ двана́десѧть:
14 седмы́й ї҆ерїи́лъ, сы́нове є҆гѡ̀ и҆ бра́тїи є҆гѡ̀ двана́десѧть:
15 ѻ҆смы́й ї҆ѡсі́а, сы́нове є҆гѡ̀ и҆ бра́тїѧ є҆гѡ̀ двана́десѧть,
16 девѧ́тый матѳані́а, сы́нове є҆гѡ̀ и҆ бра́тїи є҆гѡ̀ двана́десѧть:
17 десѧ́тый семеі́а, сы́нове є҆гѡ̀ и҆ бра́тїѧ є҆гѡ̀ двана́десѧть:
18 первыйна́десѧть є҆зрїи́лъ, сы́нове є҆гѡ̀ и҆ бра́тїѧ є҆гѡ̀ двана́десѧть:
19 вторыйна́десѧть а҆саві́а, сы́нове є҆гѡ̀ и҆ бра́тїѧ є҆гѡ̀ двана́десѧть:
20 третїйна́десѧть сѹваи́лъ, сы́нове є҆гѡ̀ и҆ бра́тїи є҆гѡ̀ двана́десѧть:
21 четвертыйна́десѧть матѳаѳі́а, сы́нове є҆гѡ̀ и҆ бра́тїи є҆гѡ̀ двана́десѧть:
22 пѧтыйна́десѧть ї҆ерїмѹ́ѳъ, сы́нове є҆гѡ̀ и҆ бра́тїѧ є҆гѡ̀ двана́десѧть:
23 шестыйна́десѧть а҆нані́а, сы́нове є҆гѡ̀ и҆ бра́тїѧ є҆гѡ̀ двана́десѧть:
24 седмыйна́десѧть ї҆есва́къ, сы́нове є҆гѡ̀ и҆ бра́тїѧ є҆гѡ̀ двана́десѧть:
25 ѻ҆смыйна́десѧть а҆нані́а, сы́нове є҆гѡ̀ и҆ бра́тїѧ є҆гѡ̀ двана́десѧть:
26 девѧтыйна́десѧть меллиѳі́й, сы́нове є҆гѡ̀ и҆ бра́тїѧ є҆гѡ̀ двана́десѧть:
27 двадесѧ́тый є҆лїаѳа̀, сы́нове є҆гѡ̀ и҆ бра́тїѧ є҆гѡ̀ двана́десѧть:
28 два́десѧть пе́рвый ї҆еѳи́ръ, сы́нове є҆гѡ̀ и҆ бра́тїѧ є҆гѡ̀ двана́десѧть:
29 два́десѧть вторы́й годоллаѳі́й, сы́нове є҆гѡ̀ и҆ бра́тїѧ є҆гѡ̀ двана́десѧть:
30 два́десѧть тре́тїй меазѡ́ѳъ, сы́нове є҆гѡ̀ и҆ бра́тїѧ є҆гѡ̀ двана́десѧть:
31 два́десѧть четве́ртый рѡметѳїе́зеръ, сы́нове є҆гѡ̀ и҆ бра́тїѧ є҆гѡ̀ двана́десѧть.
Нашли в тексте ошибку? Выделите её и нажмите:
Ctrl + Enter
Первая книга Паралипоменон, 25 глава. Елизаветинская Библия.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.
Public Domain — общественное достояние.
Елизаветинская Библия на церковнославянском языке.
© 1751, 1762, 1756, 1784