Вымолвяется Апостолъ предъ Коринфяны, что на него неціи лживе глаголали, являя то делом, разумом, и прикладом самихъ их •
1 Самъ азъ Павелъ молю вас для кротости, и правости Христовы • Иже между вами живяй смирен быхъ вамъ • Ныне же не сый у васъ смелъ есмъ вамъ •
2 Прошу же васъ, да и при васъ будучи дерзну тою жъ смелостию, в нейже помышляють мя быти • На некия домнимающиеся нас, яко по плоти ходимо •
3 Во плоти бо ходяще, не по плоти воинъствуемъ •
4 Оружия бо наша не плотна, но сила Божия ест ко разорению твердемъ, помышления очищающи,
5 и всяко возношение низлагающи еже на разум Божій • И пленящи всяку мысль во послушание Христово •
6 И готово имущи помстити всякое преслушание • Егда скончается ваше послушание,
7 еже на лица зрите •
Аще кто надеется о собе Христовъ быти • Се да помышляеть опять в собе, иже яко онъ ест Христовъ, тако и мы Христовы •
8 Пак ли же и болей что похвалюся о области нашей, юже далъ Господь намъ во создание, а не во разорение ваше, не постыжуся •
9 И да не мните иже бых посланіими стращил васъ •
10 Якоже неціи рекоша: послания его суть тяжка, и крепка • А пришествие тела его немощно, и слова уничижена •
11 Се да помышляеть таковый • Иже яковъ есми в речахъ посланьми, одаленъ сущи от васъ • Таковъ и в деле пребывающи с вами •
12 Не смеемъ бо примеситися, или прировнатися ко некоимъ похваляющімся, но они сами между собою размеряюще и разсужающе, себе не разумевают •
13 Мы же не без меры хвалимся, но по мере правила имъже разделилъ намъ Богъ меру, досягнути даже и до вас •
14 Не яко бо досяжуще до васъ, более простираемъ себе • Но и до васъ доидохомъ во благовествованіи Христове,
15 не без меры хвалящеся, о чуждихъ трудех, упование же имуще растущей вере вашей въ васъ похвалися, по правилу нашему изъобилно •
16 К тому и в далних странахъ еже за вами суть благовестуемъ, не в чуждем правиле, и в речахъ уготованныхъ хвалящеся •
17 Хваляй же ся о Господе да хвалиться,
18 не составляяй бо самъ себе, сей искушен естъ, но егоже Господь составляеть •
