Кажеть Апостолъ о плодехъ духовных, и о друголюбстве • И поведаеть иже Ветхаго Закона вже престало естъ обрезание •
1 Братие вопадет ли человек в некое прегрешение, вы духовніи навчайте таковаго, въ духу кротости • Блюдый себе да некогда и ты покушенъ будеши •
2 Другъ другу тяготу носите, и тако наполните законъ Христовъ,
3 аще бо кто мнить себе чимъ быти, нивочтоже сый • Таковый сам ся ильстит •
4 Но дело свое да искушаеть каждый • И тогда в собе толико похваление да имать, а не во иного •
5 Единый каждый убо свое бремя понесеть •
6 Да уделяеть же учайся словеси, учащему и от всего добра своего •
7 Не ильститеся жъ: Богъ подражаемъ не бываеть • Еже бо аще сееть человекъ, то и пожнеть:
8 яко сеявый во плоть свою, от плоти пожнеть истление • А сеавый въ духъ, от духа пожнеть животъ вечный •
9 Доброе пак чиняще да не преставаемъ, во время бо свое пожнемъ не стужающе •
10 Сего ради дондеже время имамы делаимы добро ко всем, наболей же ко живущимъ с нами въ вере •
11 Видьте яково послание написах вам моею рукою •
12 Елици бо любитися толико хотять во плоти, сии нудять васъ обрезатися • Точию дабы креста ради Христова гоними не были •
13 Занеж и тіи еже ся обрезують, сами закона не хранять • Но хотят васъ обрезатися, да в вашей плоти похвалятся •
14 Мне же да не будеть хвалитися толико о кресте Господа нашего Ісуса Христа • Имже мне миръ распятся и азъ мирови •
15 О Христе бо Ісусе ни обрезание что можеть, ни необрезание, но нова тварь •
16 И елици ж правіло сее наследовати будут, да пріидеть на нихъ миръ, и милосердие, и на Ізраиля Божия •
17 Въже пакъ по томъ никто мне трудов да не чинит • Азъ бо язвы Господа Ісуса на теле моемъ ношу •
18 Благодать Господа нашего Ісуса Христа с духомъ вашімъ братие • Амин •
Примечания:
Богу, во Троици прещедърому, выложено и выбито доктором Францискомъ Скориною изъ града Полоцька • Святого славного Апостола Павла • Къ Галатомъ послание доконано естъ •
Нашли в тексте ошибку? Выделите её и нажмите:
Ctrl + Enter
К Галатомъ послание, 6 глава. Библия Скорины.
Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте.
Public Domain — общественное достояние.
2024, bible.by & biblia.by.