Библия » Елизаветинская Елизаветинская Библия

2 Коринфянам 6 2-е послание Коринфянам 6 глава

1 Споспѣ́шествѹюще же и҆ мо́лимъ, не вотщѐ блгдть бж҃їю прїѧ́ти ва́мъ.
2 Гл҃етъ бо: во вре́мѧ прїѧ́тно послѹ́шахъ тебє̀, и҆ въ де́нь сп҇нїѧ помого́хъ тѝ. Сѐ нн҃ѣ вре́мѧ бл҃гопрїѧ́тно, сѐ нн҃ѣ де́нь сп҇нїѧ.
3 Ни є҆ди́но ни въ че́мже даю́ще претыка́нїе, да слѹже́нїе безпоро́чно бѹ́детъ,
4 но во все́мъ представлѧ́юще себѐ ѩ҆́коже бж҃їѧ слѹги҄, въ терпѣ́нїи мно́зѣ, въ ско́рбехъ, въ бѣда́хъ, въ тѣснота́хъ,
5 въ ра́нахъ, въ темни́цахъ, въ нестрое́нїихъ, въ трѹдѣ́хъ, во бдѣ́нїихъ, въ поще́нїихъ,
6 во ѡ҆чище́нїи, въ ра́зѹмѣ, въ долготерпѣ́нїи, въ бл҃гости, въ дс҃ѣ ст҃ѣ, въ любвѝ нелицемѣ́рнѣ,
7 въ словесѝ и҆́стины, въ си́лѣ бж҃їей, ѻ҆рѹ҄жїи пра́вды десны́ми и҆ шѹ́ими,
8 сла́вою и҆ безче́стїемъ, гажде́нїемъ и҆ благохвале́нїемъ: ѩ҆́кѡ лестцы̀, и҆ и҆́стинни:
9 ѩ҆́кѡ незна́еми, и҆ познава́еми: ѩ҆́кѡ ѹ҆мира́юще, и҆ сѐ жи́ви є҆смы̀: ѩ҆́кѡ наказѹ́еми, а҆ не ѹ҆мерщвлѧ́еми:
10 ѩ҆́кѡ скорбѧ́ще, пр҇нѡ же ра́дѹющесѧ: ѩ҆́кѡ ни҄щи, а҆ мнѡ́ги богатѧ́ще: ѩ҆́кѡ ничто́же и҆мѹ́ще, а҆ всѧ҄ содержа́ще.
11 (За҄ 182.) Ѹ҆ста̀ на҄ша ѿверзо́шасѧ къ ва́мъ, корі́нѳѧне, се́рдце на́ше распространи́сѧ.
12 Не тѣ́снѡ вмѣща́етесѧ въ на́съ, ѹ҆тѣснѧ́етесѧ же во ѹ҆тро́бахъ ва́шихъ.
13 То́жде же возме́здїе, ѩ҆́коже ча́дѡмъ глаго́лю, распространи́тесѧ и҆ вы̀.
14 Не быва́йте (ѹ҆до́бь) прело́жни ко и҆но́мѹ ѩ҆рмѹ̀, ѩ҆́коже невѣ́рнїи {не быва́йте прело́жни ко и҆но́мѹ ѩ҆рмѹ̀ невѣ́рныхъ}. Ко́е бо прича́стїе пра́вдѣ къ беззако́нїю; И҆лѝ ко́е ѻ҆бще́нїе свѣ́тѹ ко тмѣ̀;
15 Ко́е же согла́сїе хр҇то́ви съ велїа́ромъ; И҆лѝ ка́ѧ ча́сть вѣ́рнѹ съ невѣ́рнымъ;
16 И҆лѝ ко́е сложе́нїе цр҃кви бж҃їей со їдѡлы; (За҄.) Вы́ бо є҆стѐ цр҃кви бг҃а жи́ва, ѩ҆́коже речѐ бг҃ъ: ѩ҆́кѡ вселю́сѧ въ ни́хъ и҆ похождѹ̀, и҆ бѹ́дѹ и҆̀мъ бг҃ъ, и҆ ті́и бѹ́дѹтъ мнѣ̀ лю́дїе.
17 Тѣ́мже и҆зыди́те ѿ среды̀ и҆́хъ и҆ ѿлѹчи́тесѧ, гл҃етъ гд҇ь, и҆ нечистотѣ̀ не прикаса́йтесѧ, и҆ а҆́зъ прїимѹ̀ вы̀:
18 и҆ бѹ́дѹ ва́мъ во ѻ҆ц҃а̀, и҆ вы̀ бѹ́дете мнѣ̀ въ сы́ны и҆ дщє́ри, гл҃етъ гд҇ь вседержи́тель.
Нашли в тексте ошибку? Выделите её и нажмите: Ctrl + Enter

Второе послание к Коринфянам святого апостола Павла, 6 глава. Елизаветинская Библия.

Обратите внимание. Номера стихов — это ссылки, ведущие на раздел со сравнением переводов, параллельными ссылками, текстами с номерами Стронга. Попробуйте, возможно, вы будете приятно удивлены.

Public Domain

Public Domain — общественное достояние.
Елизаветинская Библия на церковнославянском языке.
© 1751, 1762, 1756, 1784

ПОДДЕРЖАТЬ ДЕНЬГАМИ

2 Коринфянам 6 глава в переводах:
2 Коринфянам 6 глава, комментарии:
  1. Новой Женевской Библии
  2. Толкование Мэтью Генри
  3. Комментарии МакДональда
  4. Толковая Библия Лопухина
  5. Комментарии Баркли
  6. Комментарии Жана Кальвина
  7. Толкования Августина
  8. Толкование Иоанна Златоуста
  9. Толкование Феофилакта Болгарского
  10. Новый Библейский Комментарий
  11. Лингвистический. Роджерс
  12. Комментарии Давида Стерна
  13. Библия говорит сегодня
  14. Комментарии Скоуфилда


2007–2024. Сделано с любовью для любящих и ищущих Бога. Если у вас есть вопросы или пожелания, то пишите нам: bible-man@mail.ru.